حط تايمر يخلى العربيه تبطل بعد سرقتها ب10 دقائق

[Muhammad A]

فكره جميله
ويارب محدش من الحرميه يدخل ويقراء الموضوع

[bebonet]

المشاركة الأصلية كتبت بواسطة Muhammad A فكره جميله ويارب محدش من الحرميه يدخل ويقراء الموضوع

هاهاهاهاها

[bebonet]

المشاركة الأصلية كتبت بواسطة bebonet السلام عليكم موضوع سرقة السياره من صاحبها وهو راكبها موضوع أكل دماغى وقريت فى المنتدى عن تجارب الاخرين فى كيفية حماية السياره من السرقه وكانت افكار جامده جدا بس كان ينقصها شىء صغير جداً فيه ناس حطت موبايل قديم ووصلته بمفتاح فى الباب وناس شالت شاكوش الاسبراتير وناس وناس وناس ونسيو ان بعد الثوره السرقه بقت عينى عينك يعنى بينزلك من العربيه زى الباشا وياخدها المهم بكلم واحد زميلى فى الشغل هو مش كهربائى سيارات هو فنى كنترول وشاطر جداً فى مجاله وقلتله على فكرة الموبايل نوصله بالباب قالى حاجه جميله جداً واحد قريبه من إلمنيا عملها فى عربيه ميكروباس والعصابه جت تسرق منه العربيه نزل وسابلهم العربيه ومشى عادى جداًوسلم عليهم كمان قبل مايمشى (الحته دى فشره ههه) طبعاً العصابه ساقو العربيه وعلى بعد 200 متر العربيه بطلت منهم حاولو يدوروها بس ماعرفوش وافتكرو ان هما اللى مش عارفين يسوقوها لكن اللى حصل ان صاحبنا كان مشغل التايمر اللى خلاها تبطل بعد مده معينه وهو كان جرى واستخبى لحد ما سابو العربيه ومشيو وراح اخدها ومشى بعد ما قالى الحكايه دى انا ضحكت على نفسنا لاننا حتى لما بنيجى نفكر مش بنفكر بدماغ عدونا وبنفكر بدماغنا ليه لان لو العصابه ركبت العربيه وجات تتدور والعربيه ما دارتش معاهم وانت واقف لسه مامشيتش هايعرفو انك انت اللى مبطلها وساعتها يا حلو ممكن ممكن ممكن يقتلوووووووك وصورتك تتطلع فى خبر صغير فى الجورنال تانى يوم وماحدش يهتم بيك لان كل يوم حادثه لكن لو انت عملت التايمر ده هاتظبط التايمر على وقت محدد تكون انت سيبت العربيه ومشيت خلاص والعصابه عمرها ما هاتفكر فى انك عامل تايمر ياريت يكون الكلام فيه افاده ارجو الرد لمواصلة باقى الافاده قريباً لانى عامل مركز ابحاث على الموضوع ده

السلام عليكم ورحمة الله وبركاته
انا جبت ليكو الرسمه من صديقى
ولكن عايز كل واحد يقرأ الموضوع
وحابب ينفذه ياخد الرسمه ويسال الاول
اى مختص وعلى فكره زميلى قالى ان
المكونات رخيصه ومش هاتكمل 100 جنيه
وياريت لو حد عمل الفكره
يبقى يعرضها علينا
انا مش هاعملها لسببين
اولا انا عربيتى قديمه وهى هاتعطل بيهم من غير ما احط تايمر ههههههه
ثانياً مافيش وقت ولا فلوس اعمل الفكره
واللى عايز يسرقها يبقى ريحنى ههههه

[waleed_d82]

المشاركة الأصلية كتبت بواسطة bebonet السلام عليكم ورحمة الله وبركاته انا جبت ليكو الرسمه من صديقى ولكن عايز كل واحد يقرأ الموضوع وحابب ينفذه ياخد الرسمه ويسال الاول اى مختص وعلى فكره زميلى قالى ان المكونات رخيصه ومش هاتكمل 100 جنيه وياريت لو حد عمل الفكره يبقى يعرضها علينا انا مش هاعملها لسببين اولا انا عربيتى قديمه وهى هاتعطل بيهم من غير ما احط تايمر ههههههه ثانياً مافيش وقت ولا فلوس اعمل الفكره واللى عايز يسرقها يبقى ريحنى ههههه

الرسم التخطيطي فين وان شاء الله احاول انفذها اديني انت بس اول الخيط

[Marlborooo]

المشاركة الأصلية كتبت بواسطة .EhAb فكرة تمام التمام. و لو الواحد مستغنى عن عربيته ممكن يظبط التايمر و تنفجر العربية بالعصابة زى الافلام و صورته هاتيجى فى الجرايد فى الصفحة الاولى بدل صفحة الحوادث

هههههههههههههههههههههههه ، انت جامد بس نصيحة اخوية بلاش تتفرج علي افلام عربي كتير هههههههههههههههههههههه