رصد لانتهاكات المجلس العسكري علي مدار السنة الماضية

[young..pharaoh]

المشاركة الأصلية كتبت بواسطة fares tany اذا كنت لا تعرف الفرق بين الحكم و الادارة فهذه مشكلة كبرى و اذا كان باقى الثوار لا يعرفون فهنا نكون وضعنا يدنا على المشكلة و هو اختلاط المفاهيم و اللبس .

لا اعلم .. حضرتك ممكن توضحلي الفارق بينهم ايه

المشاركة الأصلية كتبت بواسطة fares tany 2: عندما يكون هناك منذ اول الفترة الانتقالية و حتى الآن كل يوم ما بين 100 الى 150 وقفة احتجاجية و مظاهرة و اعتصام فئوى و قطع طرق و ايقاف للمواصلات و و اقتحام منشئات عامة فكيف بالله عليك تريد ان تمشى هذه البلاد وكل واحد يريد نهشة منها و لتذهب البلد بعد ذلك الى الجحيم.

المطالبات الفئوية .. مين السبب فيها ؟؟ مش تأخر اصدار قانون حد أقصي للأجور ؟؟
مين مصلحته في تأخير القانون ده
في ناس بتشوف اللحمة مرة في العمر !!
متلومش عليها لما تعمل اعتصام لرفع الأجور
لوم علي اللي مش عايز يعمل حد اقصي للأجور ليعيش هؤلاء حياة آدمية !!

اما اقتحام المنشأت و قطع الطرق .. دي عايزين المجلس يضرب فيها بيد من حديد بدل ما يضرب في المتظاهرين !!

المشاركة الأصلية كتبت بواسطة fares tany 3: اذا كنتم تعرفون الفرق بين الحكم و الادارة لما طالبتم المجلس العسكرى بأصدار قوانين كل يوم و لتركنا هذا للحكومة المنتخبة و اصدق على قولك انه لا يصدر القوانين و التشريعات الا تحت الضغط الذى كنت كثيراً ما اشارك فى و اكتشفت اننى خطأ اعطى المجلس سلطة اخرى فى حين اننى ابغى رحيله.

للمجلس العسكري حق اصدار القوانين أو الاعتراض عليها
ده البند الخامس من المادة 56 في الاعلان الدستوري

المشاركة الأصلية كتبت بواسطة fares tany 4: ان من طالب بتاجيل الانتخابات قدر الامكان او باقصى حد هم من الثوار الذين كانوا يخشون من فلول الوطنى و التيار الاسلامى.فلا تحمل المجلس العسكرى مجمل الخطأ و ان كان مخطئاً انه يريد ان يرضى كافة الاطياف.

تمام

المشاركة الأصلية كتبت بواسطة fares tany 5: نسيت حضرتك ان تتكلم عن وثيقة السلمى و عن ان الجيش كان يريد مكانة خاصة فى الدستور الجديد و و قد رفضت هذه الوثيقة وخرجت فى مظاهرات رفضها و لكن اليس من حق الجيش ان يعتقد انه حارس مصر و الامين عليهاو من ثم اوعز الى السلمى بهذه البنود,.فهذا رأيه الذى رفضناه.

ايه علاقة ده بالموضوع

المشاركة الأصلية كتبت بواسطة fares tany 6: انه لا يجوز و لا يستقيم ان يكون رئيس مجلس الشعب و هو رئيس السلطة التشريعية هو رئيس السلطة التنفيذية فى ذات الوقت الا فى ظل دستور 71 فأذا اردت فلنسترجع الدستور بالكامل لان الاعلان الدستورى الحالى لا يعطى السلطة التنفيذية حق حل مجلس الشعب اى انه سيكون حاكم مطلق يشرع و ينفذ بدون رقيب تخيل حجم الاغراء بالاستبداد لمثل هذا الموقف.

المجلس العسكري منصبه الحالي يضع دائما الجيش في موقف حرج
كلما انتقدناه يقال تريدون أن تسقطوا الجيش

المجلس العسكري كان سلطة تنفيذية و تشريعية في نفس الوقت
طبعا لظروف البلاد

لماذا تعيب الآن ان يصبح مجلس الشعب تشريعي و تنفيذي مؤقتا لظروف البلاد

المشاركة الأصلية كتبت بواسطة fares tany 7: ان هناك الآن و كما ذكرت مجلس شعب منتخب من قبل جموع المصريين فليس من حق احد ان يفرض اراءه على مصر و يجرها الى شوارع مظلمة و الطريق امامنا واضح.

ايه دخل البرلمان تاني في دي ؟
البرلمان لا يحق له سحب الثقة من المجلس العسكري
اذن مش هيمشي الا بضغط شعبي

فضلا انه لا يستطيع سحب الثقة من الحكومة حسب تصريح اللواء شاهين

المشاركة الأصلية كتبت بواسطة fares tany 8: انتم تطلبون من المجلس كل ما هو من شانه توطيد اقدام اى ساعى للسلطة من تغيير و تقنين وهو غير مؤهل لهذا لانه غير معتاد على حكم مدنى و بمعنى انكم تقودونه للحكم بكل هذه الطلبات ثم يصيح الجميع لا نريد حكماً عسكرياً فأى تضارب هذا!!!!

عشان كدا نازلين نقول .. انت غير مؤهل للتعامل مع الحكم المدني !!

المشاركة الأصلية كتبت بواسطة fares tany 9: ان الثورة تخسر تعاطف المصريين لان من يتكلم باسمها الآن يتكلم على موجة اخرة موجة FM يريد المصريين ان يستقبلوا ارسال يفهمونه يهضمونه و ليس صياح وصراخ و مطالب ضبابة او مستحيلة على غرار تسلم السلطة فى 25 يناير.

قد تقل الاعداد لأن للبرلمان حسابات أخري .. مش عشان اللغة غير مفهومة

بس الأمل كبير في الأفراد .. زي الثورة الأولي قيادات الإخوان لن نشارك
لكن نزل الافراد بأعداد

المشاركة الأصلية كتبت بواسطة fares tany 10:ان الجلسات الاجرائية فقط لمجلس الشعب لاختيار الرئيس و الوكلاء و رؤساء و اعضاء اللجان قد تاخذ شهراً كاملاً فكيف و فى اى عقل نسلم سلطة لحاكم ضبابى غير موجود و قد تمت الدعوة اللى انتخابات الرئاسية بالفعل و فتح باب الترشيح 15 ابريل.

اعتقد انه تم التوافق بين الاغلبية علي الكتاتني رئيس للمجلس القادم

المشاركة الأصلية كتبت بواسطة fares tany 11:معلومات مؤكدة ان هناك محاكمات عسكرية قد تمت و هناك من الضباط و الجنود من تم الحكم عليهم بالعزل من وظائفهم و سجنهم بالسجن الحربى نتيجة اخطاء ارتكبوها اثناء التعامل مع متظاهرين(ستعلق حضرتك مطلوب اعلان النتائج) ستعلن النتائج فى كشف حساب ختامى عند تسلم السلطة لرئيس مدنى منتخب.

حضرتك ممكن تجيبلي ما يثبت تقديم الضباط و العساكر المشاركين في قتل و اصابة المتظاهرين للمحاكمات من أول ماسبيرو انتهاءاً بمجلس الوزراء ؟


وشكراً لحضرتك علي اسلوبك الراقي

[s0144862631]

هو حاملة كاذبون بدل ما يتضربوا في كل شارع قرروا يعملوها على النت علشان ما يتضربوش بس الضرب معناه الاهم ا الناس رافضه كلامكم وده معناه ان الاغلبيه مع الجيش و الاغلبيه يعني الشرعيه يبقى الشرعيه و الاغلبيه للناس مش لبتوع حملة كاذبون اللي ربنا وحده يعلم مصلحتهم ايه من وراء الحمله دي

[young..pharaoh]

المشاركة الأصلية كتبت بواسطة هشام عبيد السلام عليكم

وعليكم السلام ورحمة الله و بركاته

أول مشاركة لحضرتك في المنتدي

فــ اهلا بيكـ

المشاركة الأصلية كتبت بواسطة هشام عبيد انا عاوذ اعرف المقصود ايه انتهاكات الجيش او العسكر عل تقصد انتهاكات (الجيش)ام انتهاكات افراد فى الجيش لو كان فى انتهاكات للافراد فى الجيش فده عادى ممكن تكون اسرتك كلهه ناس كويسه وواحد او اتنين حرميه دا امر وارد ممكن يكون عندك بنات اخوات كلهم كويسين ووحده فيهم مشيهه بطال وانته متعرف ودة وارد

المقصود بيها انتهاكات افراد الجيش في ظل حكم المجلس العسكري

و اعتقد انه قد خانك التشبيه لأن الجيش بيمشي بالأوامر

و الجيش عنده أوامر بعدم ضرب النار

لما ضابط يضرب نار يبقي حل من اتنين

اما في أوامر جت ليه ب كده ..

أو هو اتصرف من نفسه ولازم يتحاكم لأنه خالف الأوامر

المشاركة الأصلية كتبت بواسطة هشام عبيد ان كنت تجهل تاريخ الجيش المصرى فده ملناش دعوه بيه اما ان تشوه الجيش المصرى لخطاء افراد فهذا افتراء

الحمدلله عارف تاريخ الجيش المصري المشرف عشان كدا بنستنكر اللي بيحصل

و غير مقصود بيها تشويه الجيش .. بدليل القصيدة الأخيرة

المشاركة الأصلية كتبت بواسطة هشام عبيد اما موضوع الحريات ده موضوع تانى فهناك شعره تربط بين الفوضى وبين الحريه اى نوع من الحريات تبحث عنه لو سيادتك بتابع الاحداث العالميه كنت عرفت بيتعمل ايه فى امريكا فى اى واحد يجرء على الجيش واظن سيادتك عرفت الى حصل فى وول استريت او الى حصل فى بريطانيا كل الحريات مباحه هناك اما هيبه الدوله خط احمر لو تجرئت عليه دى نهايتك وهيبه الدوله فى مصر هى الجيش المصرى ولن نقبل اهانته اما الافراد فهم ذائلون واما الجيش المصرى فهو باقى إن شاء الله رغم انف كل متكبر

بالنسبة لأحداث وول ستريت .. كام واحد اتقتل و كام واحد اصيب بتشنجات و اغماءات من الغازات !!

وفعلا الأفراد ذائلون .. أما كيان الجيش المصري فباقي رغم أنوف الفاسدين

المشاركة الأصلية كتبت بواسطة هشام عبيد اما الموضوع مش حكايه ثوره اد ما هيه حكايه نكسه عندما وصل الأسلاميون الى سده الحكم طبعا ده مكنش المطلوب المطلوب البردعى والى وراه و دول كتيير للاسف لاكن ليسو اكبر من الله ينذع الملك ويؤتى الملك

والله رشحت حزب النور في الانتخابات

فلا علاقة للبرلمان من قريب أو من بعيد

الى عاوذ يصلح البلد مايهدش جيش البلد لان ده الصمام الى هيوصلنه الى بر الأمان حفظ الله الوطن وشعب مصر من كل سوء

اللهم آمــين

[mar mar]

بدعي ربنا انه يعدي اليوم ده علي خير وعدت ابويا امي واكتر من حد اني مش هنزل بس انا عارفه نفسي هلبس الصبح وهنزل وهقفل كمان الموبيل علشان محدش يعرف انا فين
ربنا يستر رجعت كويس موت ابقوا قولوا لامي وابويا يسمحوني كان نفسي اسمع الكلام بس البلد بتناديني وربنا يسترها ومايبقاش في ضرب بالنار علشان ارجع سليمه

[young..pharaoh]

هو حاملة كاذبون بدل ما يتضربوا في كل شارع قرروا يعملوها على النت علشان ما يتضربوش بس الضرب معناه الاهم ا الناس رافضه كلامكم وده معناه ان الاغلبيه مع الجيش و الاغلبيه يعني الشرعيه يبقى الشرعيه و الاغلبيه للناس مش لبتوع حملة كاذبون اللي ربنا وحده يعلم مصلحتهم ايه من وراء الحمله دي

بغض النظر عن انهم انتقلوا من النت للواقع وليس العكس


الا إن استخدام العنف ضد الآراء هو سلوك للبلطجية

لو حضرتك شايف إن ده الشعب .. فــ أنا أرقي بالشعب من أن يوضع في هذه المنزلة


و الغرض من الحملة هو عرض وجهة نظر بعض شباب مصر