أوقفوا نشر هذه الصورة واحترموا كرامة الفتاة

[Eng/salwa]

المشاركة الأصلية كتبت بواسطة AboNoRa ما هى فعلا مش موجودة غير فى موضوعات الاخبار والمناقشات المتعلقة بالاخبار محدش عملها تيشرتات ولا نزلت على المجات لسه طبعا انا لا اقبل التهكم على ممن اناقشه خصوصا اننى و الحمد لله اكن كل احترام للمنتدى بافراده جميعا و الا بلاها منتديات و عندى ما يكفينى ولول اسفك بعد ذلك لكنت حقا زعلت من تهكمك جدا و كنت ممكن لا ادخل مصرموتورز ده تانى ابدا انا اسف للتهكم بس بجد انا مش فاهم ليه بنوجهه غضبنا لنتيجة من الاصل هو حتى لو اتحذفت من كل المنتدى هتتحذف من باقى المواقع وباقى الفضائيات طيب ما هو بلسانك اهو ملأت الدنيا بما فيهم امنتدى مش كفاية تحليل فيها وكل الناس فين اللى شافو واقتنعو خلاص ده لسه من دقائق موضوعات التبرير والاتهام شغالة الله ينور حسبى الله فيمن يتهم بدون مبرر و ربنا على الظالم مين احنا بقى اللى بنشتم الجيش والشعب ؟؟ اقصد من حلل الصورة بما فيه الكفاية ليه اخذتها احنا و المقصود ليه انت ؟؟؟؟؟؟؟؟؟؟؟ وعلى اى اساس حضرتك خرجتينا احنا من الشعب برضو ؟؟ احنا مين يا ماما سلوى ارجو التوضيح لو سمحتى هل دى برضة تريقة يا باشمهندس برضه و لا ايه ؟؟؟؟ لاننى تعودت منك ان تقول لى مهندسة سلوى و اعتقد ممكن كورسير و مرمر ومن فى سنهم يقولوا ماما سلوى ارجو التوضيح

المشاركة الأصلية كتبت بواسطة Eng/salwa المظاهرات عندما تقول بها البنت الفاظ بذيئة طبعا لا و الف لا ما تنزلش البنت و الست علشان يشتموا الجيش و الشرطة بالفاظ لا تقال لان حق التظاعر معناه انى اتظاهر بقواعد التظاهر المعروفة احنا كلنا اكيد شاركنا فى 25 يناير لما نادينا بسقوط النظام و اصلاح البلد وانا لو هطالب الآن فانا اطالب برجوع علنية المحاكمات تانى و متابعة من هم فى طرة و فلوسنا المنهوبه اتظاهر باحترامى مش بالفاظ نابية تسئ لكل البنات و الستات مش اطلع على المجلس العسكرى و اشتم واحرق السيارات واحرق وثائق مص اللى استردينا بيها طابا هى دى الثورة كده احنا بنهد الدولة ودى فترة مؤقته بس كثرة المشاحنات ستوجد بلاوى لما قلت لازم نتقى الله يا ابو نورا طبعا لم اقصد شخصك الكريم و انما الفت نظرك لما يقال عن البنت و ملابسها فى المداخلات وهل فعلا لو بعض البنات اعترضوا لا سمح الله عليك ووقفوا يشتموا امام مقر عملك بهذا الشكل ماذا ستفعل مع احترامى لشخصكم الكريم و ارجوك لا تزعل من مناقشتى الاختلاف فى الرأى لا يفسد للود قضية وعلى فكرة انا ما قلتش البنت دى تستحق كده حتى لو شتمت بل المفروض محاكمة عادلة ولم اقول ان المجلس العسكرى و الجيش تصرفاتهم مع المتظاهرين كده صح انا معترضة على التصرفات الخطأ من الطرفين

اظن انا جاوبت كل اسئلتك بكل احترام و بدون تهكم و لم تجيب انت على اى سؤال لى .؟؟؟؟؟
وهل لو وقفت بنات امام مقر عملك بهذه الالفاظ البذيئة هل ستظل تشجع تظاهر البنات ؟؟

[AbOnOrA]

طيب يا استاذة سلوى انا برد على حضرتك اهوه فى سؤالك
لو واحدة شتمتنى انا شخصياً مش بس وقفت تشتم قدام الشغل مستحيل اضربها ولا اسحلها ولا اجردها من ملابسها

ولو فى يوم خرجت عن شعورى واتخانقت مع راجل مش ست حتى وشوفت انه من ضربة وقع فى الارض مش هضربة التانية

الرجولة تقتضى كده
ده وانا لوحدى واعزل كمان
لكن ورايا جيش وفى ايدى شومة وعلى راسى خوزة واتلم انا وغيرى على واحدة اعتقد ده حاجة تانية ابعد ما تكون عن الرجولة او الشرف

وبالنسبة لخروج النساء فى المظاهرات فهو بيحصل من سنة 1919
وحصل فى كل مراحل الثورة فى مصر
وبيحصل فى كل الدنيا
بس ديه اول مرة نشوف كده وحضرتك مصممة ان التفسير لده ان البنت كانت بتشتم شتائم بذيئة

تحياتى لحضرتك وربنا يوفقك

[غريبو99]

تسلم على اللفتة دى من حضرتك على الموضوع دة

[lost2008]

ده الواحد بيحتقر الراجل الى يضرب مراته فما بالك يا د/ سلوى بالى يسحل انسانة بالطريقة الوحشية ديه, 25 يناير قامت عشان كرامة المصرى و المصرية متتمرمتش فى التراب بالطريقة ديه و ان كان الى بيحكم دلوقتى مش فاهم تبقى الثورة مستمرة لغاية لما يفهم ان احنا مش حنقبل اسلوب الضرب و السحل ده تانى ابدااااااااا.

[Eng/salwa]

الغريب يا جماعة ان الرد عليه يكون وكأنى اؤيد ضرب البنات و السيدات غريبة جدا هل معنى كلامى السابق انى اؤيد الضرب والعنف ضد البنات
وهل كل الاعضاء الباقيين فهموا انى اؤيد ضرب المتظاهرين عموما
يا جماعة انا بقول البنات دى عاوزة افهم ايه نزلها فى احداث مجلس الوزراء
وايه معنى ان بنت ( طبعا لا اقصد البنت اللى اضربت دى بالذات لان الناس بتفهم كده و تقول انتى عرفتى منين انها هى اللى شتمت) انا اتكلم عموما ايه معنى ان بنت تقف بميكريفون علشان تشتم ظباط و عساكر و تستفزهم بالفاظ نابية هى دى الثورة
وهل يعنى تتخيلوا انى أؤيد رجل اى ان كان يضرب امرأة
وبعدين بصراحة كثرة النقاش و الجدال فى مواضيع المظاهرات و لكل واحد وجهه نظرة و انا يبدوا انى مش قادرة للاسف اوصل لكم وجهه نظرى