انا تعبت يا جماعة بجد من البلد دى تعبت والله منها

[SHABRO]

المشاركة الأصلية كتبت بواسطة blade2011 طب ولية ابلطج معلش مع كل احترامى مابحبش الطريقة دى لانى بحلم شوية ان الناس تمشى باحترام فى الشارع من غير رمى جتت او بلطجة وهابدا بنفسى وكلى امل ان فعلا الناس اخلاقها تتغير قريب

هتعمل ايه ؟؟؟
لو واحد في ملف وانت عديته يا اما اللي وراك هيجننك كلاكسات يا اما كل اللي واقف في الملف هيبلطج عليك وهيعدي ...لو عايز تمسك يمين او شمال واديت اشارة بتلاقي اللي حواليك بيقفلوا عليك ....لو على السريع وماشي على الشمال وادامك حد فاكر نفسه بيتمشى في الطرقة واديت اشارة يمين عشان تعديه تلاقي اللي على يمينك بيجري اوي وبيزنق عليك وهاين عليه يدخلك في اللي أدامك !
الحل اني مبقيتش اعدي حد في ملفات , ولما اكون في ملف برمي العربية في وش اللي جاي , ولما احب اروح يمين ولا شمال مبديش اشارات .....باختصار بقيت تكسجي !!
انا عارف انه غلط بس الواحد بقى بيعمل التصرفات دي بشكل تلقائي ومعدش بيفكر زي زمان

[mainz]

معلش ياباشا قدر الله وما شاء فعل .... معظم الشعب المصرى عنده حته الامبالاه وناقصه كتير من الوعى الثقافى الى يااهله الى ان يتحمل مسؤليته الفرديه ومسؤليته الاجتماعيه بصفه عموميه مع نفسه ومع الاخرين علاوه على عدم وجود قوانين مرور صارمه وعدم وجود شوارع قيمه وواسعه ومؤهله لاستيعاب منظم للسيارات بقيود وبشروط معينه بالظبط زى النظام فى المانيا واروبا عموما .

[jojojojojo]

انا من المنصوره برضه وعنيت زيك بالظبط في كل اللي انت قلته فعلا المنصوره بقت زحمه جدا القاهره طبعا ازحم بس عيب المنصوره انها بلد صغيره مش زي القاهره كبيره وومكن تروح المكان اللي انت عايزه من كذا طريق وانا برضه شاري عربيه زيرو من شهرين بالظبط وحصل معايا مواقف كتير جدا من سواقين تاكسي وميكروباص وموتسيكلات انا حكيلك موقفين كان في مظاهره بتاعت امناء الشرطه اما مديريه الامن اكيد حضرتك عارف وطبعا كان الشارع ده زحمه جدا يوميها فواحد قدامي لقيته مره واحده ريح علي بشكل مستفز المشكله انا قاعد اكلكسله بعد مريح بس هوه ولا هنا لحد منزلتله وقلتله حضرتك مش واخد بالك من حاجه اقلي في ايه اقلتله انت عربيتك مريحها علي عربيتي اقلي معلش اصل فرامل الايد مش مظبوطه قلتله طب اتفضل اطلع ولما شوفت الاكصدام لقيته اتبهدل ومره كنت ماشي علي اخر الماشيه من تحت في العيد ومره واحده وقفت عشان العربيات كلها وقفت واديت انتظار لقيت واحد راكب موتسيكل هوه ومراته وعياله داخل فيا من ورا المهم نزلت ببص علي الراجل ولسه هقول يا ابن التيت لقيت مراته راكبه ومسكه عيل لسه مولود وابنهم الصغير في النص(ده لو راكبين عربيه مش هتقضيهم) انا بامانه لما شوفت الموقف خفت اولا يكون حد فيهم اتذي وبعدين بصيت علي الاكصدام لقيته بس اتحك فقلت الحمد لله ومواقف تانيه كتيره انت لو شفت العربيه الوقتي تقول ديه بقالها سنين مش شهرين بس انا بقول برضه الحمد لله وقدر الله ما شاء فعل بس انا اكتشفت ان البلد ديه مينفعش فيها عربيات زيرو الواحد كان جاب 128 ونزل يخبط مع بتوع التاكسيات والميكروباصات والموتسيكلات هههه وانت لو حضرتك لاحظت هتلاقي كل العربيات اللي ماشيه في المنصوره مخبوطه او مجرحه والكل راكن صف تاني وتالت كمان وتلاقي بتاع التاكسي والميكروباص وقف في احي حته فجأه والاشارات ديه ملغيه من عندهم كأن العربيه نازله من غير اشارات اما بقا بخصوص العيال الصغيره فانت لو لاحظت مش هتلاقي ولا عربيه عليها اللوجو بتاعها كل متشال والخرابيش الله ينور وتلاقيه كتبلك اسمه وحفره علي كبوت العربيه والشنطه وقاعد يلعب علي سقفها ده انت ممكن في مره تلاقي العيال الصغيره دول مستنينك في العربيه مفيش تربيه ولا كانها حاجات ناس واننا تعبنا لحد مجبنا عربيه زيرو وتعتبر عربيه العمرودفعين فيها دم قلبنا ربنا يهدي المصرين ويحافظ ويبارك في عربيتنا جميعا

[blade2011]

المشاركة الأصلية كتبت بواسطة ahmed el gendy انا عارف الشارع ده كويس وهو بيودي علي حي الجامعه هو فعلا شارع خنيق وسواقين المنصوره ولا ليهم فيها يكسر عليك ويخبط الرفرف وينزل يتخانق كمان معاك ف منتهي السفاله وقله الادب نصيحه مني اشتري لك صاعق كهرباء صغير ف ايدك واللي يخبط العربيه بتاعتك هم كلمتين هتدفع يبقي كيش مش هتدفع طلع له الصاعق واصعقه به هيغمي عليه شيله ف عربيتك و واحد شاورما واتوصي

هههههههههههههههههة هانعمل اية بس فى الناس فعلا هانمشى نتخانق معاهم ربنا يهدى بجد هانعمل اية بجد فعلا الاحترام مش نافع

[blade2011]

المشاركة الأصلية كتبت بواسطة aymangalal لو ناوى تكمل سواقة يبقى لازم تغير طبعك الى " الهدووووووووووووووووء والصبرررررررر" وليس البرود عشان ماتضرش غيرك برضه خد بالك من كل حاجه حواليك وتوقع اى خطأ ممكن يحصل ودايما اعمل حسابك على مسافات متوسطة فى حدود المعقول من جميع الاتجاهات ماتتسرعش فى اخد قراراتك اثناء السواقة واصبر ثم اصبر ثم اصبر عشان تعدى بأمان ولو لاحظت هنتلاقى معظم الاضرار او الزحام بصفة عامة من التسرع واقولك اللى قاله اللى سبقنى فى المشاركات إحمد ربنا انك مش فى القاهرة

اولا شكرا جدا على مشاركتك ثانيا انا فعلا مش متسرع مطلقا بالعكس وبحاول على اد مااقدر اسيب مسافة كافية بينى وبين اللى قدامى او اللى جنبى تجنبا لاى خطاى بس غصبن عنك نتيجة لاخطاء الغير عشان تعدى لازم يا تحك عربيتك واكيد قابلك موافق زى دى كتير فعلا