مليونيه 18-11-2011 الجمعه ( الخاصه بمبادئ الدستور ) هل انت معها أو ضدها

[تامر ديزل]

فاصل كوميدي وبعدين نكمل :



توفيق عكاشه : مليونية 18 نوفمبر هي مليونية الوقيعه بين البط والجيش

[abu_ruqayyah]

بحبك يامصر ..
بحبك ومش هسيبك ان شاء الله ..
وهحاول اشتغل واعمل حاجة تفيدك عشان ترجعلنا احسن بلد وأم الدنيا ..
اولا : من حق كل مواطن ان يتظاهر سلميا لكن لابد ان يكون هناك ضوابط – ضوابط يحددها الدين و الفطرة و اغلب دول العالم تضع قوانين لضبط الحريات بما لا يضر المجتمع – فمبدأ التظاهر انا معاه وكل حاجة بس المفروض كل واحد يمتلك ولو قدر بسيط من الانسانية ان يعرف ان لحريته حدود لابد ان يتوقف عندها فمثلا ...
- يوم الجمعه دا انا المفروض بروح ازور ناس اقاربي وميدان التحرير اقرب مكان امشي منه او ارجع منه وكمان وانا راجع باليل ببقي مش مطمئن لان البطجية والنشالين بيستغلوا التجمعات اللى زى دى .......فانا ما بروحش
- كمان المظاهرات دي غير انها بتعطل مصالح الناس بتإذى ناس كتير – ناس عيانه / محلات بتتقفل من الخوف / حرمان المواطنين من حقوقهم فى المرور من الميدان او التمشيه وكدا -
منقول من : http://fashion.fsaten.com/t39539.html
إن إيذاء المسلمين ورد فيه وعيد شديد وعقوبة أخروية : (وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَاناً وَإِثْماً مُّبِيناً).
وعن أبي هريرة قال : (قال رجل: يا رسول الله إن فلانة يذكر من كثرة صلاتها وصيامها وصدقتها غير أنها تؤذي جيرانها بلسانها. قال : هي في النار. قال : يا رسول الله فإن فلانة يذكر من قلة صيامها وصلاتها وصدقتها وأنها تصدق بالأثوار من الأقط ولا تؤذي جيرانها بلسانها. قال: هي في الجنة). أخرجه أحمد.
إن إيذاء الغير يشمل كل أذى حسي ومعنوي فيدخل في ذلك الاعتداء على مال الغير وأهله وولده ودمه والاستيلاء على أملاكه بغير وجه حق ويشمل أيضا الاستهزاء واللمز والسخرية بالغير. ومن الإيذاء الشائع الطعن في أنساب الناس والنقيصة لهم في المجالس على سبيل التشهي واللهو.


دا غير بقي الاضرار بالامن القومى والتسبب فى تخسير مصر المليارات ولو فى واحد خرج فى مظاهرة زى دى وهو عارف ان البلد بتنضر انا عن نفسي مش مسامحه قدام ربنا ، واللى عايز يتظاهر دا لازم يراعى فى حسبانه حاجات كتيرة قوى ولكن فى ناس يهمها ان بلدنا تموت وتغور وتخرب وتخسر وننقلب على الجيش ونطلب تدخل اجنبي – ودا طبعا عشان الفلوس بيبيعوا مصريتهم وابوهم لو ينفع – وللأسف الناس بتنظر للأمور منغير عقلانية وكمان الناس المحرضين – اللى بدعى عليهم انا وكل الناس البسيطة اللى عايزين يعيشوا وان شاء الله ربنا هيستجيب من الغلابة – الناس المحرضين دول بيستغلوا اننا شعب عاطفى شوية ، وبيتكلموا عن الديمقراطية والحرية وهما لا يفقهوا الف باء فيها لان اول قواعد الحرية

ان حريتك يدك تنتهى عند حدود انفى ....يعنى اعمل يا اخى اللى انت عايزه بس بعيد عن وشي وما تعطلنيش وتقولى حريه !!!

وياسلام بقي لو انا نزلت ميدان التحرير مثلا وقلت يا جماعة انا عايز اقولى رأى المخالف ليكم وانا معترض على تظاهركم تفتكروا ايه اللى حصل لصاحبي لما عمل كدا !!!!
مسكوه وضربوه وكسروه وعملوه بلطجى .... طب دا ينفع !!! هو انا عشان امشي ديكتاتور ابقي متفوق عليه فى الدكتاتورية يعنى !!
المهم يا جماعة ماحدش ياخد كلامى بشكل خطأ ودا مجرد رأى

ورأى صواب يحتمل الخطأ أو رأى خطأ يحتمل الصواب وانا لا اريد ان اقنع احد برأى ولكنى أعترض فقط واعبر عن رأى الشخصي

[mar mar]

انا بقول كفايه علي الجيش كده ويسلموا السلطه براحه احسن

[abu_ruqayyah]

المشاركة الأصلية كتبت بواسطة mar mar انا بقول كفايه علي الجيش كده ويسلموا السلطه براحه احسن

انا نفسي حد يفهمنى بس يا استاذة مرمر والنبي هى الانتخابات البرلمانية دي مش برضو تعتبر تسليم سلطة !!!!!

المشكلة ان الناس لازم تعرف ان مافيش حاجة اسمها كن فيكون الا مع ربنا واننا بشر وفى حاجة اسمها ظروف اقتصادية وظروف امنية وفى ناس برضو بتنشر الفوضي عشان تعطل عمل الحكومة وتلبخها وفى نفس الوقت يقلبوا الناس على الجيش ويقولوا اهو بصوا الجيش مش راضي يسلم السلطة وانا من رأى ان الناس دي هتنكشف هتنكشف اكيد والتاريخ هيبن دا وهيبان ان مصلحة اعداء الوطن - سواء مصريين الجنسية للاسف او اجانب - مش عايزين البلد تستقر

انا مع الحكم المدنى ومع تسلسل الامور بالترتيب والوقت الكافى وضمان عدم الانفلات والفوضى

[mar mar]

المشاركة الأصلية كتبت بواسطة abu_ruqayyah انا نفسي حد يفهمنى بس يا استاذة مرمر والنبي هى الانتخابات البرلمانية دي مش برضو تعتبر تسليم سلطة !!!!! المشكلة ان الناس لازم تعرف ان مافيش حاجة اسمها كن فيكون الا مع ربنا واننا بشر وفى حاجة اسمها ظروف اقتصادية وظروف امنية وفى ناس برضو بتنشر الفوضي عشان تعطل عمل الحكومة وتلبخها وفى نفس الوقت يقلبوا الناس على الجيش ويقولوا اهو بصوا الجيش مش راضي يسلم السلطة وانا من رأى ان الناس دي هتنكشف هتنكشف اكيد والتاريخ هيبن دا وهيبان ان مصلحة اعداء الوطن - سواء مصريين الجنسية للاسف او اجانب - مش عايزين البلد تستقر انا مع الحكم المدنى ومع تسلسل الامور بالترتيب والوقت الكافى وضمان عدم الانفلات والفوضى

انا عايزه اعرف حاجه واحده
هو كلمه يسلمو السلطه معانها انهم يعملوا انتخابات برلمانيه
طيب انا عندي سؤال لما يبقي الجيش فوق الدستور يبقي ايه لازمه البرلمان بقي اللي هيترشح
وان مش من حق اي حد يحاسبه صرف فين ولابيعمل ايه علشان المبدا اللي فوق الدستوريه
عوده الحزب المنحل الوطني للحياه السياسيه علشان قل ايه نستفيد من خبرتهم في الحياه السياسيه وده علي لسان المجلس العسكري نفسه
اللي قال بعد الثوره انه لا يمكن ان الحزب الوطني انه يدخل الحياه السياسيه لاه خرب الحياه السياسيه في مصر
يبقي اسمه ايه
طيب بلاش كل ده
انت عارف ايه من اخبار مبارك او ولاده وايه اخره المحاكم اللي شغاله بذمتك مش في تكتيم رهيب علي الحوارات دي
كمل ده والناس بتقول انتم عايزين ايه ما هو الجيش عامل ايه انتخابات وبيعمل ووعود بيدي ومان وموجود
ويطلع الشعب ابن تيت مش راضي ولا قابل باللواقع وهو اساس المشكله

انا هنزل لاني ضد المبادء اللي فوق دستوريه للجيش
انا هنزل اقول لا للحزب الوطني والتعامل معاه وانه يدخل الحياه السياسيه تاني
انا هنزل اقول لا
انت عجبك الحال والبلد متنزلش مش هي دي الحريه ولا ايه