بصوا يا جماعه الصوره دى هيا دى عقدتى اللى منكده عليا فى السواقه

[ahmedraafat00]

طب سؤال اخير بقى هل ممكن تكون المشكله دى بسبب انى بسوق جيب شيروكى وهيا عربيه كبيره ؟؟

[فادي مكرم]

المشاركة الأصلية كتبت بواسطة ahmedraafat00 طب سؤال اخير بقى هل ممكن تكون المشكله دى بسبب انى بسوق جيب شيروكى وهيا عربيه كبيره ؟؟

طبعا انت لو فضلت تسوق الجيب و جربت تسوق عربية سيدان لانوس ولا فيرنا هتحس بفرق شاسع ف المقاسات والابعاد

الجيب عالية وكبوتها طويل
بس دى مش مشكلة , المشكلة لو متعودتش على ابعادها

[ahmedraafat00]

المشاركة الأصلية كتبت بواسطة فادي مكرم طبعا انت لو فضلت تسوق الجيب و جربت تسوق عربية سيدان لانوس ولا فيرنا هتحس بفرق شاسع ف المقاسات والابعاد الجيب عالية وكبوتها طويل بس دى مش مشكلة , المشكلة لو متعودتش على ابعادها

هوا انا مش بسوق باستمرار فبالتالى مش حافظ ابعادها كويس
وساعات بحس ان العربيات الواطيه بتبقى اسهل مش عارف احساسى ده صح ولا غلط

[mm_champion]

المشاركة الأصلية كتبت بواسطة ahmedraafat00 شكرا يا باشا على ردك واهتمامك و ان شاء الله هنفذ النصايح دى بس عندى سؤال بما اننا لسه جداد فى السواقه انا ساعات بحس ان بوظ العربيه خلاص هيخبط ولو نزلت بصيت بلاقى فى مسافه كافيه انها تعدينى هل انا لوحدى كده ولا حضرتك واغلب اللى الناس مروا بالمرحله دى ؟

لا طبعا مريت بالموضوع ده وكان مجنني , بس عملتله حل حلو أوي
بص يا سيدي تعالي في حتة فاضية شوية فيها عربية راكنة وخش وراها اول ما تحس انك هتخبط هدي السرعة على الأخر خالص ( يعني يدوب امشي دبرياج بس ) واعد اطلع شوية شوية , لحد ما بوز العربية يلصق في ضهر العربية التانية بس اوعا تخش جامد فيها ههههههههههههه , لو خايف هات حاجة تانية غير العربية بس انا بفضل عربية عشان الاسباب اللي هقولهالك دي
اول ما تسمع صوت التصاق عربيتك بالعربية التانية تقف على طول وخد بقى وقتلك وبص قدامك وانت قاعد , كدة هتعرف ان المسافة دي معناها ان العربية لصقا في العربية , بعد كدة ادي مرشدين وارجع شوية صغيرة وبص برضة , لحد ما تظبط مسافاتك , اعمل الموضوع ده في الرجوع برضه , هتلاقي انك عرفت ان المسافة دي معناها كام (سم ) من العربية اللي قدام واللي ورا وهكذا وبالممارسة هتلاقي نفسك لوحدك بتقدر المسافات , بس حاول تسوق كتير , مع تحياتي

[borio1704]

الحل في الموضوع ده هو إنك تحفظ أبعاد عربيتك وتقدر أبعادها كويس، وكويس إنك راكب عربية كبيرة لأنك كده بتتعلم على الأصعب، وبعد كده لو ركبت عربية أصغر حتبقى السواقة أسهل بكتير

أنا اتعلمت على عربية كبيرة شوية وكنت بسوق في شوارع ضيقة وكلها دورانات زي ما إنت راسم كده، والحمد لله... مرة بعد مرة بقى الموضوع مش مشكلة أبدا، لدرجة إن باقدر أدخل بالعربية في أماكن في ناس كتير بتخاف تخشها بعربيات أصغر

بس زي ما قالولك كده... حاول تتمرن في أوقات وشوارع رايقة، وفي الأول خد حد معاك عشان يقف برة العربية ويساعدك

...