رجاء من الإدارة إيقاف حسابى

[mohammed fathi]

ياباشا مدير الموقع ليه حق يبعتلك على الخاص ويحذرك من وقف حسابك لان كلامك كله اللى انا قرأته ليس له معنى والاكيد انك بتنظر من الموضوع من ناحيتك بس شكلك مشفتش كتير من الغلابة اللى فى البلد عشان تعد انجازات هذا الرئيس المخلوع واللى انا طبعا مش شايفها انجازات ابدا لانه رئيس دوله وده واكتر بكتييير من اللى انت حكيته مفروض عليه وعلى كل مسئول عن الناس .
ثانيا احب اعرفك ان مدير الموقع اللى معرفهوش بعتلك على اخاص ومحبش يعرف اى حد لان ذلك شيمة الكبار لكن انت حبيت تعمل شو اعلامى لنفسك وعملت موضوع على العام تطلب فيه الغاء حسابى طيب ما اقولك حاجة احسن مكنتش دخلت خالص وانسى المنتدى وخلاص هيبقى حسابك اتقفل بالطبع .
(اللهم اهدي قومي فأنهم لا يعلمون)

[حازم شاهين]

التحذير و الرسالة كانت عن المشاركة التالية

المشاركة الأصلية كتبت بواسطة albarbary أيوا هى دى الثورة ، الحمد لله إن أنا لم أشترك فى هذه الفتنة وكنت ضدها على طول الخط ، أنا كنت فى أيام حسنى مبارك أقدر أعترض على سياسات أو ممارسات للنظام و كتير غير و كانت القنوات و الصحف مفتوحة للمعارضة ، لكن بعد الثورة مفيش حد قادر يعترض ، يقولك فلول و نظام بائد و ناس تهرف بما لا تعرف ، ثورة إيه و خيبة إية إيه بلا قرف ، و اللى يغيظ بقى إنه يقولك مش الثوار اللى عملوا كدا ، لا بقى الثوار اللى عملوا كدا ، مش دا اللى حصل يوم جمعة الغضب ولا إيه ، مش نفس المنهج الهجوم على مراكز القيادة و حرقها ، مش دى طريقة شل مراكز القيادة ، و مش دى الطريقة لاستفزاز الشرطة و الجيش لاستخدام القوة ضد الهمج و الرعاع علشان يبقى فى سبب يقدروا يشحنوا الناس به ، ثورة إيه يا مصريين ، ثورة إيه اللى دعا لها شاب متزوج من أمريكية و يعمل فى شركة أمريكية و كان بيخطط لها من الخارج ضابط مفصول قاعد فى أمريكا ، ثورة إيه اللى تبقى برعاية حركة تدربت فى الخارج على يد منظمة تتلقى الدعم من أمريكا ، ثورة إيه اللى تخلينا نحرق أقسام الشرطة و سيارتها و نعتدى عليها و على ضباطها و أفرادها ، ثورة إيه اللى تخلينا عاملين زى الغجر كل يوم جمعة ننزل نصوت فى الشوارع زى الهبل ، ثورة إيه اللى تخلينا منتبهين أوى للمليونات و مش منتبهين للعمل و الإنتاج ، ثورة إيه اللى دمرت اقتصاد البلد و وصلت بالإحتياطى من النقد الأجنبى للحد الخطر و اللى لا يكفينا سوى 6 شهور ، دى مش ثورة دى فتنة ، و ارتاح يا عم السائل هى دى الثورة و دول الثوار ، دول الثوار اللى تحرشوا بالمذيعةالأجنبية فى ميدان التحرير ، دول الثوار اللى تحرشوا بشريهان فى ميدان التحرير ، دول الثوار اللى تحرشوابمذيعة قناة سى تى فى و برضه فى التحرير ، دول الثوار اللى حرقوا أقسام الشرطة ، دول الثوار اللى هربوا مساجين حماس فى أربع ساعات فقط ، دول الثوار اللى اعترفت قيادتهم بتلقى الدعم المالى من أمريكا و اعترفت قياداتهم بتدريبهم فى الخارج ، دول الثوار اللى هيدمروا مصر إذا فضلنا ماشين وراهم

و قد تم إتخاذ هذا الإجراء بعد تبليغ الأعضاء بهذه المخالفة


و قد تم تطبيق الجزاء وفق نص القاعدة رقم 26 مكرر من قوانين المنتدى

كرر - ممنوع نشر مواضيع تحتوي الآتي: * السخرية أو الاستهزاء أو استخدام ألفاظ مسيئة في حق ثورة 25 يناير شهداءها و من شارك بها * رأي شخصي يحتوي سب أو ألفاظ نابية لأي من شخصيات النظام السابق و على رأسهم الرئيس مبارك و عائلته في حالة مخالفة تلك القاعدة تحذف المشاركة فورا و يتم تحذير العضو و يتم تشديد الجزاء ليصل إلى الإيقاف لمدة عشرة أيام و خصم 1000 نقطة تقييم في حالة استخدام ألفاظ نابية لمرتين متتاليتين

أما التهديد بالإيقاف فلم يحدث و لكن يصحب أى جزاء إدارى عبارة تلقائية (بمعنى أنه لا يتم كتابتها بواسطة المشرف و لكنها تضاف أتوماتيكيا لأى جزاء) و الهدف من هذه العبارة تنبيه العضو أنه فى حالة عدم تمكنه منالدخول على المنتدى فقد يكون السبب فى ذلك تلقيه هذا التحذير حيث أن برنامج المنتدى يوقف أى عضو يتلقى تحذير يتضمن خصم أكثر من 700 نقطة تقييم بصورة أتوماتيكية، فكان لزاما تنبيه الأعضاء من ذلك.

أما الموضوع الموضح رابطه بواسطة العضو فبقراءة الموضوع يلاحظ أن مشاركات العضو لم تتعرض لأى حجب أو منع أو تعديل من أى نوع و لا علاقة لها بالرسالة التى ذكرها العضو فى أول موضوعه.

[f3lix]

بعد اللي سيادتك قولته في الموضوع ده ياريت عضويتك تتوقف ونخلص

[مهند سالم]

الديمقراطية والحرية ليست هي:
1- حرية الدفاع عن المجرمين والقتلة واللصوص والمفسدين.
2- ولا هي حرية الهجوم على الشرفاء وسبهم.
وإنما الديمقراطية أن نختلف في وجهات الرأي حول الشرفاء، وحول مستقبل البلاد، والسياسات الشريفة. الديمقراطية أن نختلف هل نبتغي دولة برلمانية أو رئاسية، هل نريد مجلس شعب وشورى أو شعب فقط، هل نرشح فلانا ولا تركانا من الشرفاء، هل ننضم إلى ذاك الحزب أو ذاك من الأحزاب الشريفة.
الديمقراطية أن نختلف في وجهات النظر الشريفة حول الأشخاص والأفكار الشريفة، لا أن نهاجم الشرفاء ولا أن ندافع عن المجرمين بدعوى الديمقراطية والحرية.
تنبهوا زملائي جيدا، فهذا منهج متوازن، كل أتباع النظام البائد يتبعونه وباحترافية وترتيب ونظام: التشدق بالديمقراطية والحرية في محاولات مستميتة لتشويه الثورة والدفاع عن المفسدين.

[m.genedy]

هو احنا لية لازم ولابد نبقى مختلفين؟
هناك كلام من اللى قالة الاستاذ / albarbary
مظبوط وحقيقى
وان كنت اختلف معة فى الكثير من النقاط
الا انى ارى ان الاعتراض من حقة ومناقشة طلباتة واجب علينا
ارى هناك تدخلات من الزملاء الاعضاء بشكل حاد
اذا كنا نتعامل مع بعض هنا كأسرة واحدة فعلينا ان نتحمل بعض
واذا كان ايا منا لدية معلومات مغلوطة او غير واضحة
علينا ان نناقشة فى حدود العلاقة الطيبة...
المصريين الذين قاموا بمظاهرات 25 يناير
قاموا بأستخراج تصريح مظاهرة سلمية
ولم يطلبوا تصريح بقيام ثورة!!
اول من قال انها ثورة هى وكالات الانباء العالمية
ورب ضارة نافعة فلولا الحرب الاعلامية لا كان ح يبقى فى
لا مظاهرة ولا ثورة ولا حاجة ابدا...
نسيبنا بقى من كل دة..
يا استاذ /albarbary
النظام البائد فاشل وحسب الله ونعم الوكيل
فى اللى عملوة فينا ..احنا اجيال مشوهه يا استاذ /albarbary
بلدنا كان ماسكها عصابة مجرمة
وزراء معاهم جنسيات اسرائيلية وزراء حرامية ونصابين
وزراء شواذ جهاز امن فاجر اشعل الفتنة ومازال
يا استاذ /albarbary
المصري كان زمان يكرم فى كل مكان وبجواز السفر المصري
يحق لك تجوب العالم مرحب بك
دلوقتى المصريين بيتبهدلوا فى كل مكان فى العالم ..
شوف يا استاذ /albarbary
انا مايهمنيش اذا كان اسمها ثورة او انقلاب او مظاهرة -مش مهم-
المهم ان المصريين صحيوا فاقوا اعلنوا عن غضبهم ودة فى حد ذاتة انجاز
اختار انت الاسم يا استاذ albarbary احنا اللى يهمنا النتائج
انا عاوز اشوف بلدى محترمة لانها كانت غير كدة
انا عاوز اشوف اهل بلدى مرتاحين شبعانين اصحاء
و صدقنى يا استاذ /albarbary
مش مهم الاسم...