هل 10 الاف الفرق فى السعر بين الافيو واللانوس والفيرنا تستحقهم ام لا

[waelsalah]

المشاركة الأصلية كتبت بواسطة ramy01011 و الله انا موش عارف اقول لك اية انا لا ماسك دعايتها ولا شريك في الشركة ولا ليا اي علاقة بيها لا من قريب ولا من بعيد انا دخلت اقول رايي و المفروض ان صاحب المشاركة داخل يجمع اراء الناس علشان يقرر رايي معجبش سعادتك انت حر انا مقلتش لو مشتراش العربية هيدخل النار و متزعلش نفسك

السلام عليكم ورحمة الله
ممكن توضيح وتاكيد دون الانحياز لل byd
هل مكونات الموتور والعفشه يابانى فعلا مجمعه فى الصين
ولا تقليد وطبعا لو تقليد وصيني هتكون بخامات اقل من جودة اليابانى
من فضلكم وضحولنا نقطة التقليد دى دون الانحياز للسيارة وكمالياتها الضخمه
انا بتكلم على الاساسيات والمتانه والجوده ؟
لانها ببساطه 70 الف ج مش موبايل صيني ب 150 ج هنشيله اسبوع ونرميه (كعادة المنتج الصيني )
انا عارف ان العيب الاكبر فى المستورد المصري
وعشان كده بسال السؤال ده
لان الوكيل والمسورد للسيارة ايضا مصري
اسف للاطاله
وشكرا جزيلا

[الايطالى الصغير]

اهم من كل ده نقطة غايبة مهمة جدا

هم ثلاث عناصر مش عنصرين نوع العربية عنصر واحد


قدرات العربية عنصر اثنين

البيئة اللى هتعيش فيها العربية

عنصر ثالث

وده بيحكم على اى عربية واهم عنصر

احنا فى مصر

اكيد فهمتونى

يعنى مطبات مطبات مطبات

يبقى عايزين عربية عالية شوية


فكر وشوف ايه اللى بيميز كل عربية فى النقطة دى بالذات


اى عربية افضل فى تحمل المطبات وعفشتها قوية وما تكونشى واطية


كده نكون قدرنا نرجح عربية على عربية

وشكرا

[حسام البورسعيدى]

الفيرنا هى اللى تكسب ...

الفيرنا عربية عملية وكتاكسى زى الفل .. ولو ركبلها جنوط 15 وكاوتش اعلى شويه تبقى علوها حلو .. موضوع العلو ده مش قضية من الاخر ..

ولكن مشكلتها الفعلية هى الوسع .. لانها للاسف ضيقة اوى كتاكسى ولكن مش مشكلة احنا فى مصر مش فى اوروبا ...

اما الافيو بلاش منها خالص لا تاكسى ولا غيره .. عربية سيئة جدا وفشلت فى السوق المصرى ..

الانوس طبعا معروفه .. عربية كويسة وكل حاجة بس الفيرنا افضل واحدث منها وموتورها احسن واقوى وخصوصا ان فرق السعر بينهم بسيط جدا .....

احنا هنا فى بورسعيد اكتر من 50% من التاكسيات فيرنا او فيفا .. وبتاع 30% كده اكسنت .. وشغالة زى الفل ..

[Emgrand]

تاكسى فيرنا او byd

[waelsalah]

المشاركة الأصلية كتبت بواسطة حسام البورسعيدى الفيرنا هى اللى تكسب ... الفيرنا عربية عملية وكتاكسى زى الفل .. ولو ركبلها جنوط 15 وكاوتش اعلى شويه تبقى علوها حلو .. موضوع العلو ده مش قضية من الاخر .. ولكن مشكلتها الفعلية هى الوسع .. لانها للاسف ضيقة اوى كتاكسى ولكن مش مشكلة احنا فى مصر مش فى اوروبا ... اما الافيو بلاش منها خالص لا تاكسى ولا غيره .. عربية سيئة جدا وفشلت فى السوق المصرى .. الانوس طبعا معروفه .. عربية كويسة وكل حاجة بس الفيرنا افضل واحدث منها وموتورها احسن واقوى وخصوصا ان فرق السعر بينهم بسيط جدا ..... احنا هنا فى بورسعيد اكتر من 50% من التاكسيات فيرنا او فيفا .. وبتاع 30% كده اكسنت .. وشغالة زى الفل ..

نورتنى يا حس
اخبارك ايه
يارب تكون بخير دائما يارب

وايه رايك فى ال byd-f3
انا سمعت ان الفيرنا هيتوقف تجميهعا فى مصر وغبور هيكون وكيل بيع بس

يعنى مفيش فيرنا 2013 ولا الاكسنت هتكون البديل ال rb
وايه رايك لو غبور جاب الفيفا مكانها هتكون كويسه ولا ال byd ؟

متابعك يا حس
وطمنا عليك