مقارنة اقتصادية بين مصر مبارك و تركيا أردوغان! منقول

[ahmed_eng2001]

السلام عليكم

سؤال من اخوكم الجاهل بأمور الاقتصاد المعقدة ( و اعتقد ان الناس متعمدة تعقدها علشان منفهمش )

لما احنا اقتصادنا حلو كدة الحمد لله و الدنيا كويسة .... ليه الاسعار بتغلى ؟؟ ..( و هو ده اسمه ايه فى الاقتصاد )
و ليه الخدمات سيئة ؟! و ايه الفساد الى كنا بنسمع عنه ده ؟؟
السيد جمال مبارك عمل ايه علشان حضرتك تقول انه ممتاز اقتصاديا" ؟

على فكرة .. انا مش بتريق ولا حاجة انا بسال بجدية جدا و عاوز اعرف

[@واحد من الناس@]

بص يا أستاذ فادى أنا مع كامل إحترامى ليك بجد زهقت من الملل ده بجد بقت حاجة مملة حضرتك معدش وراك غير تلميع صورة مبارك بأى شكل فى أى وقت وأى مكان وده إسمه تحيز فكرى إنفعالى أرجوك يا أخى إرحمنا من الإرهاطاط دى والله الشعب المصرى ذكى ومثقف وواعى إرحمنا بقه
بص أنا هريحك مبارك ده رجل ميه ميه وعشرة على عشرة وأحسن حكام العالم هو وعياله وملك ملووك العالم وأمير المؤمنين والكافريين وبرنس الجيل ورمانة الميزان وماستر إيجبت وحنين وأمور ولطيف وظريف

بص العيب فينا إحنا شعب وحش وكخه و الراجل النضيف اللطيف النايتى ده مينفعناش وإحنا بنحب نرد إحسن مبارك بإسأه وإحنا شعب وحش وخسارة فينا الراجل الحليوة ده بص سبنا بقه مننا لربنا ربنا هيحاسبنا وهيحاسب الظالم وكل من طاوعه فى ظلمه ولو بإشارة بس كده
تقبل كامل إحترامى لك ولجميع المصريين مهما إختلفت أفكارنا فنحن يجمعنا وطن واحد

[attef1]

المسأله كلها شغل اعلامى
البدايه من الجزيره 2005 طول النهار والليل المهمشين فى مصر ولاحظ اختيار اللفظ "المهمشين"
المهمشين فى مصر
المهمشين فى مصر هو مفيش فقر غير فى مصر
شراره وبعد كده تلاقى الكل زيها
لو الحكومه قالت احنا هنطور 100 قريه وهنبدأ بال 15 دول الاول
خد بالك الحكومه اعترفت بالتقصير وبدأت تطور 15 تلاقى الاعلام كله بيصور باقى ال 85
الاعلام الخاص بيحاول يشترى شعبيه بالمتاجره بالالام الناس والحكومى ال يعنى مش خايف وبطل
طب منين الشعب يحمد ربنا او يصبر
لذلك تلاقى الكل الان يريد زياده فوريه فى المرتبات طب منين؟ الشعب معذور الاعلام ليل نهار 70 مليار وفساد الف مليار وووووو يبقى من حق الرجل العادى اللى بيكسب لقمته بطلوع الروح انه يطق من جنابه
لكن الحقيقة ان كل ما يقال هو وهم وكذب

[alymonir]

يحضرني هذا الخطاب

منقول

حضرة صاحب الجلاله خادم الهرمين محمد حسني آل مبارك


ملك المملكة المباركيه ( جمهورية مصر العربية سابقا )


حضرة صاحبة الجلاله الملكة سوزان آل مبارك


حضرة صاحب السمو الملكي الأمير جمال آل مبارك ولي العهد


حضرة صاحب السمو الملكي الأمير علاء آل مبارك ولي أموال المملكة و منظف بنوكها


حضرات اصحاب السمو الملكي الأحفاد الذين تخلى لهم الشوارع


أطال الله حسابكم و قصر أيامكم

السلام على من اتبع الهدى

اما بعد ، و بعد دراسة مستفيضه لأصولكم الكريمه حيث كان الوالد يشغل أعلى المناصب بوزارة العدل ، و الذى و بدون شك ورثتم عنه أخلاق المهنه ، حيث كان مشهورا عنه تلقى أموال الهبات و الصدقات من الساده المحامين و يقوم بتوزيعها بنفسه على نفسه ، و حيث أنكم بطل حرب 73 – حيث أن الرئيس السادات كان يظهر فى الصور فقط ، و توليتم بنفسكم ادارة الحرب ، و كنتم صاحب الخطه و قائد الضربه الجويه و البحريه و الأرضيه و الدفاع الجوى و كنتم أول من قام بطلعه جويه وقدتم بنفسكم أول أسراب الهجوم ، و قمتم بعبور القناه سباحة و عبرتم مرة أخرى على القوارب المطاطيه ثم عدتم و عبرتم مرة أخرى داخل المدرعات ، ثم قمتم بنفسكم بتدمير خط بارليف..و حاربتم بنفسكم و وحدكم .. و يكفيكم تواضعا .. انكم لم تزيلوا أختام و اسم حتشبسوت و تحتمس الثالث و رمسيس الثاني .. رغم أنهم ماكانوا ليعرفوا لولا توجيهات جلالتكم


و بما أننا شعب جاحد و ناكر للجميل ..و نرفع أصواتنا و نطالب بما نتوهم انه من حقنا .. دونما مراعاة لأفضالكم و اسرتكم علينا ..و السماح لنا بالعيش على أرضكم و التمتع بالنعيم الذى انعمتموه علينا.. بل و سمحتم لنا بالشرب من مياه نيلكم الذى يفيض و يغيض بأمركم.. و لم نقدر لكم تعبكم و تنازلكم و تواضعكم بقبولكم لحكم شعب مثلنا.. شعب يريد العمل و السكن و الأكل و الشرب و الزواج .. مطالب غير مشروعه و كأنكم يا أصحاب الجلاله مطالبين بحل مشاكلنا .. و الذى زاد و طغي .. هو تذمرنا من تصرفات أنجالكم .. رغم محاولاتهم و نجاحهم فى اراحتنا من هموم أموالنا .. و تحمل أعباءها ..و قيامهم بضمها الى حساباتهم ..من أجل اسعادنا و أشفاقا منهم علينا


و مازلنا ناكرين لأفضالكم


صاحب الجلاله .. أنتم خساره فينا .. لذا نرجو منكم عدم قبول حكمنا .. و تركنا نعاني من مشاق الأموال .. و أن تضربوا وجهونا بأموالنا ..و تتركوننا للمعاناه .. مصطحبين معاكم صاحبة الجلاله و كل الأسره المباركيه .. و تجدوا لأنفسكم شعب آخر يقدر حكمتكم وعلمكم ..و يمكنكم أيضا اصطحاب حاشيتكم كامله .. فهم خساره فينا ..و لانستحق علمهم وبلاغتهم فى المدح و النفاق و الأنبطاح

و لاشك أن العديد من الدول المجاوره ..و التي استفادت من حكمتكم و دهائكم السياسي و الأقتصادى ستكون مستعده لأستقبالكم و الأستزاده من بحور علومكم...

و بما عرفتم به من عزة نفس و ترفع .. رجاء رد المبالغ التافهه التي دخلتم حساباتكم من حسابات الشعب .. حيث أننا نفوسنا لئيمه و عيوننا على الكام مليار اللي جلالتكم و اسرتكم تفضلتم بتخفيف أعباءها عن جيوبنا

شعب مصر


ملاحظه : الملك فاروق خرج من مصر و معاه 250 مليون دولار = 50 مليون جنيه مصرى ، وعشان العيشة بقت غاليه نسمح بالأحتفاظ بمبلغ مماثل .. مع اجباركم على رد باقى الأموال التي تخص مصر الى البنك المركزى .. يعني الكام مليار اللي المحاسب حولهم غلط لحسابكم من المعونات وصفقات السلاح و بيع الديون ووووووو الصفحات مش كفايه دول محتاجين موسوعه

منقول

[تامر ديزل]

استاذ على
انت رائع