المشاركة الأصلية كتبت بواسطة د.كمال
لحد إمتى البلد هتفضل كده .....كل يوم والتانى مظاهرات وإعتصامات ومليونيات ومطالبات وفئويات وتكسير وتدمير وحرق ......ونصبر نفسنا ونقول فلول ....
إمبارح واليوم أ ولادى رجعوا من المدرسه الساعه 10 صباحا والمدرسين طردوهم من المدرسه وقالوا لهم محدش ييجى تانى بسبب إن المدرسين معتصمين وعاملين إضراب لزياده مرتباتهم .....تصوروا المدرس الذى كاد أن يكون رسولا يطرد التلاميذ من المدرسه ......التلاميذ دى هتتخرج من تحت إيد المدرس ده إيه ؟؟؟.......طب الحكومه هتجيب منين ...........خرج أكتر من 1500 تلميذ من المدرسه وبدأوا فى تكسير كل شيئ قابلوه عربيات ....محلات ....شجر ....شجار مع بعضهم البعض ....تحديف طوب ....
للدرجه دى وصلت بينا الأمور .....بصراحه بحس إن إحنا شعب همجى .....شعب غجرى .....شعب خساره فيه الثوره العظيمه دى ......شعب مينفعش فيه غير الكرباج عشان يسمع الكلام ويعقل ......لحد إمتى هنفضل على كده ......هى البلد رايحه على فين .....إمتى البلد هتهدأ ؟؟؟؟
|
يادكتور كمال ---اب,مدرس إن لم يكن المدرس يحيا حياة كريمة فى وطنه فقل سلام على كل شىء ,يعنى يعجبك ان المدرس يربط مع تلاميذه علشان الدروس ,كيف يكون رسولاً وهو يعيش على الكفاف ويرى ان هيئات اخرى فى البلد الفراش فيها يصل لمرتب مدير مدرسىة اى منطق يحكمنا,مؤسسات الدولة جميعها فى كفة والمدرس يجب ان يوضع فى كفة وحيداً ,لأنك كما قلت كاد المعلم ان يكون رسولاً,بس للأسف لم نوفه التبجيل يادكتور كمال بل اهناه اهانه بالغة حتى اصبح يدخن مع الطلبة حتى يكسب ودهم ويأخذون عنده الدرس ,فاكر زمان لما كان اهلينا يقولو لنا لما كنا نشوف الأفندى بتعنا معدى من الشارع نطلع نجرى لحسن يشوفنا,كان خوفاً نابع من الأحترام والتبجيل ,لأن المُعلم ايامها لايعانى ولايفكر اذاى هيهرب من الحصة علشان يلحق يجب كرتونة البيض الى ارخص من السوق بربع جنيه شوف الوضع وصل لأيه ,ولما يهاتى على شوية ملاليم يذلوه ويفضحوه فضيحة اللحمة فى السوق ,ومن ده بكرة بقرشين ,ليه !!!!!!!!!علشان عايز يعرف موقفه ايه من كل مايحدث ,ثم تأتى الحكومة وتقول اصلى الميزانية ومفيش فلوس امال موظفين الكهرباء والجمارك والبترول ثم الضرائب ثم التأمينات الأجتماعية ثم الأتصالات ثم رئاسة الجمهورية والقضاء ووزارة العدل كل دول اولاد البطه البيضاء ونيجى على المعلم ونزله!!..
يادكتور كمال :تعرف حضرتك ان الحكم البائد كان معين ومزال حوالى 250 مستشار فى جميع فى مؤسسات الدولة المختلفة عارف حضرتك مجموع مايحصل عليه هؤلاء كام (6 مليار جنيه مصرى وحوالى اثين من عشرة)يعنى هذا العدد الضئيل بيأخذ مرتبات تفوق مرتبات المدرسين مجتمعين اليس هذا تهريج وقلة ضمير والأدهى من ذلك الحكومة البائدة كانت عيزة تصدر قرار بقانون من وزارة المالية حتى يقنن هذا الوضع ويصبح امر واقع هل ,اليس ذلك درب من الجنون؟؟؟؟؟؟
مفيش حاجة اسمها مطالبات فئوية هذه المسميات ماهى إلا من ادوات العهد البائد الذى ماذال يدير,وبعدين الموضوع لما يتسع بهذا الشكل يبقى العقد انفرط ولم تعد مطالب فئوية هذه مطالب شعبية ,لكن هم اساتذة فى التهويل والباطل والتهوين وكأن من يطالب بحقه هو مجرم ولايحق له ان يطلب شىء له حق فيه,ولكن لكل شىء أخر....
21-09-2011, 12:30 AM
رد: إمتى البلد هتهدأ ؟؟؟؟
