الموضوع القنبلة: كشف خيانة حركة 6 ابريل بالفيديون و الدليل

[AbOnOrA]

انا سبق وقولت انى ضد الاسلوب ده من الطرفين لا اسلوب التخوين والصليبين ده كويس
ولا اسلوب اسقاط المشير وديل الكلب ده كويس

الاسلوبين غلط

اكبر غلط

[young..pharaoh]

هو انتو ليه مستكبرين ان اى حد اياً كان يقول راية فى حاكم بلدة اياً كان صفتة !!

رأيه انه يضرب الداخلية ؟!
رأيه ان يعتصم و يطير السياحة ؟!
رأيه الذي يعبر عن ديكتاتورية صرف بمخالفة الاغلبية في الدستور ؟!
رأيه انه يقفل مجمع المصالح ؟!

لا شكرا مش عايزين الرأي ده و يارب الجيش يعتقل كل من يمس شئ من المرفقات العامة او الشرطة

وبعدين مين قال ان 6 ابريل او المعتصمين فى التحرير عايزين الدستور اولاً ؟؟؟ ايه غسيل الدماغ ده ؟

والله ما عارف مين فينا اللي دماغه مغسولة !!

أمال 6 أبريل انضربوا ليه في أول مليونية 8 يوليو ؟!

نصيحة تابع أخبار و اسأل ناس من اللي نزلت .. أنا ابن عمي من الناس اللي نزلت

اولاً نفاجاء ان المجلس مش عايز يعلن اللى حضرتك بتقولة ده انة اجبر الرئيس على التنحى وكلام المتأسفين على المخلوع ان الراجل اتنحى من نفسة او (تخلى) طواعية لحماية البلاد

مش هيفرق معانا الاعلان أكيد الجيش ليه حساباته ومش مطالب يشرحها كلها ممكن بعضا يكون أمن قومي !!

و طبعا الجيش هو اللي خلعه بدليل كل أحاديث مبارك كانت تدل علي بقاءه وعدم نيته في الرحيل !!

هل المخلوع او المتخلى ادى اوامر بضرب النار على المتظاهرين والمجلس رفض ؟؟ فى الحالة ديه يبقى المفروض المخلوع يتحاسب والشهادة ديه تعزز موقف الثوار فى قضية قتل المتظاهرين بايد الداخلية فى الحقيقة شهادة الحق ديه محدش قالها لحد دلوقتى وفيه حاجات كتير بعد كده تشكك اذا كانت ديه ثورة فعلاً وقامت على مطالب واهداف شعبيه يجب الاسراع فى تحقيقها او انها حركات تمرديه ويجب احتوائها او ( قمعها ) اذا لزم الامر

لما تيجي المحاكمة نبقي نشوف حكاية أمر باطلاق النار أو لأ .. مش يمكن مأمرش باطلاق النار !!

اللي عندو دليل يجيبه .. البينة علي من أدعي

[AbOnOrA]

ابلغ رد على موضوع ان 6 ابريل صليبية

بيان من شباب بالاخوان المسلمين الي الشعب و 6 ابريل والمجلس العسكري
by Salah Eldin Ayman on Sunday, July 24, 2011 at 11:23pm
بسم الله الرحمن الرحيم

النقطة الاولي :

سمعنا بكامل الحزن والاسي البيان رقم 69 للمجلس الاعلي للقوات المسلحة حيث قام البيان بتخوين فصيل من مناضلي هذا الشعب العظيم ومجموعة من الشباب الاحرار الذي ضحي بحياته ونحن نشهد علي ذلك في عهد النظام مظلم كان فيه للبحث عن الحرية ثمنه ... نحن نؤكد علي اننا لا نسمح باي شكل من الاشكال علي تخوين اي ثائر او مجموعة من الثوار او فصيل ايا كان اتفاقنا او اختلافنا معه واننا متضامنون مع 6 ابريل في كافة المطالب المشروعة كما نؤكد علي التالي :-

1-المجلس العسكري ليس هو الجيش وانما هو مجلسي في منصب سياسي في هذه الفترة الانتقالية ممثلا من يدير شئون البلاد مثله مثل الرئيس السابق المخلوع وانه موكل من الشعب ومن حق الشعب الابقاء عليه او عزله ومن حق اي فرد في الشعب الاعتراض علي سياساته بشكل حضاري وسلمي .

2-نتابع بكل وعي محاولة المجلس العسكري تشويه الثوار المعتصمين والتشكيك فيهم بداية من التوقيت الذي اعلنوا فيه عن الجاسوس الاسرائيلي الموجود في الميدان مرورا بدعاوي زعزعة الاستقرار والايقاع بين الشعب والجيش انتهاءا بتخوين فصيل عظيم من الثوار وهم شباب 6 ابريل .. ولذلك نحذر من اللعب علي هذه النقطة ونؤكد ان الشعب المصري واعي واقوي من اي كيان ايا ماكان وان هذه الثورة دونها الرقاب وستنتصر بكل مطالبها باذن الله عاجلا ام اجلا .

3-ذكر المجلس الاعلي للقوات المسلحة في بيانه ان حركة شباب 6 ابريل تقوم بالوقيعة بين الشعب والجيش ونحن نقول بان الاعتراض علي المجلس العسكري ليس اعتراضا علي الجيش والمجلس يعلم ذلك ويتعمد خلط الامور ويقوم في هذا الخطاب باللعب بالالفاظ وعقول الشعب واننا نؤكد ان لم يقوم المجلس العسكري بتقديم ادلة مؤكدة وواضحة للجميع لاتهام مثل هذا فاننا نتهمه بانه هو من يقوم بالوقيعة بين الشعب والثوار .

4-نستنكر بشدة ماحدث من المجلس العسكري في موقعة العباسية ونؤكد اننا قمنا بثورة علي النظام البائد لقمعه حرية الراي والتعبير وقد استخدم المجلس العسكري نفس الاسلوب وقام باستخدام البلطجية باسلوب اقل مايقال عنه انه غير مسؤول ولا يسعي الا مصلحة البلد ولا يحافظ علي مطالب الثورة بل ويتعدي علي الثوار بشل واضح وعلني كما نستنكر ان يقوم المجلس العسكري عن طريق المخابرات العسكرية بالقبض علي اكثر من 200 مصاب من موقعة العباسية من المستشفيات ونطالبه بالافراج عنهم فورا هم وجميع الثوار المعتقلون بسجون المؤسسة العسكرية ونؤكد انه بهذه الطريقة يقوم بانتهاك حقوق الانسان واننا لن نقف مكتوفي الايدي وقد علمنا منذ نعومة اظافرنا ان لانسكت علي ظلم مهما كانت النتائج .

5-نحن لا ننسي ابدا ولا ننكر باي شكل من الاشكال الموقف العظيم للجيش المصري لانحيازه للثورة وللثوار ورفضه اطلاق النار ونؤكد علي ثقتنا العظيمة في ضباط وافراد هذا الجيش وانه لا يستطيع احدا ايا من كان ان يحدث وقيعة بين الشعب وجيشه الذي جزء لا يتجزا منه ونؤكد مرة اخري ان المجلس العسكري لا يمثل الجيش باي حال من الاحوال لان المجلس العسكري هو الحاكم مؤقتا للبلاد ونؤكد علي اننا لم نطالب بمجلس رئاسي مدني او اي مطالب خلافية من هذا القبيل وانما الحق احق ان يتبع .

...............

النقطة الثانية:

فاننا ندعو الي تاجيل الجمعة القادمة التي دعا اليها الاسلاميين لاننا نري ان الوقت غير مناسب
واننا في حاجة ماسة الي الوقوف جنبا الي جنب حيث ان هناك الكثير من الجهات التي تحاول ان تحدث وقيعة بين الشعب ونفسه وهذا مانرفضه تماما
ان مصدر قوتنا جاء من توحدنا فلا تسمحوا لاحد ايا من كان ان يتخذ الشعب العوبة في يده ويوقعه في بعضه البعض
وعاشت مصر حرة
ولتنتصر ثورتنا باذن الله

...............

اصدر هذا البيان مجموعة كبيرة من شباب الاخوان المعتصمين في جميع ميادين مصر وغير المعتصمين راجيين به ان نقول كلمة حق ابتغاء مرضاة الله ومؤكدين علي ان التخلي علي اي فصيل ايا من كان في النهاية سيعود علي كل فرد منا
كما ندعو جماعة الاخوان ان يكون لها رد قوي علي ماحدث في العباسية
وفقنا الله الي مايحب ويرضي
احنا كاتبين شباب بببالاخوان المسلمين لاننا نؤمن بحرية الراي واي احد من شباب الاخوان له اعتراض علي هذا البيان فان هذا البيان لا يمثله اطلاقا
ساعدونا في النشر رجاءا
Share

[young..pharaoh]

لو مشيت شوية بالاحداث هتلاقى فيه ضباط شرطة لسه فى مواقعهم وقال كمان بيتصورو فيديو وهما بيتوعدو للشعب شوية كمان تلاقى شغل امن الدولة ومسلسل الورقة المحروقة والكنيسة المهدومة والمسلمة المخطوفة بعدين المحاكمات السرية والبراءات والتهم الهايفة على اللوحات المعدنية وانتاج المسلسلات الكارتونية وكل ده واسامى الشهداء فى الثورة غير معلنة علشان ميتكرموش طبعاً ولا يبقى اقرار بحقوقهم وحقوق اهاليهم

بالنسبة للشرطة بدأ الاحلال و التجديد ..

لايمكن بأي حال أن افرغ الجهاز ومن ثم أبدأ من جديد

أمال المستندات و الحاجات دي و الخبرات هتنتقل ازاي ؟!

والشرطة تتوعد !! وعجبي

أقسم بالله بينضربوا شبه يوميا في الشارع ومش فيديوهات ده واقع ملموس و شوفت بعيني

و فيديوهات الضباط اللي بتتوعد دي ليه ما نسلكش الطريق الصح برفع قضية و يتفصل بدل المظاهرات؟!

اما الشهداء .. لما لا ينتظر الأهالي حصر الاسماء ؟!

أحقا يخافون أن يكشف بعض اهالي البلطجية في وسط الشهداء الشرفاء ؟!

يهددون بالقصاص باليد !! أهالي شهداء أم عصابات !!

[young..pharaoh]

واخيراً محكمة الامور المستعجلة (خد بالك من المستعجلة ديه) تحكم بالغاء قرار ازالة اسم مبارك من على المنشاءات الخاصة بالدولة واللى معمولة بعرق اهالينا يعنى هى المستعجلة مبتستعجلش الا لصالح المخلوع بس

لانه لم تثبت التهمة بعد !!

و مع ذلك الأسماء اتشالت خلاص ولن ترجع ولن نقبل بأن ترجع الا اذا حكم بالبراءة وهو أمر شبه مستبعد

واخيراً نكتة البلطجية اللى فجاءه مبقاش الشم والبرشام اولوياتهم وبقى عندهم حس سياسى وكل ما الثوار يعملو حاجة يطلعو عليهم يتحاورو معاهم بالسيوف والمولتوف وبتوع اسفين يا ريس وقبلهم بتوع اعتصامات واضرابات المطالب الفئوية اللى طلعت زى حب الشباب فترة كده وراحت وبتوع ماسبيرو وبتوع روكسى وبتوع مصطفى محمود وغيرهم كتير بيطلعو ويهتفو ومبيطلعش عليهم بلطجية ؟؟

لان اللي ضرب 6 ابريل في العباسية كانو الشعب مش البلطجية

و هما بتوع آسفين يا ريس بيتظاهرو أصلا ؟! ده كبيرهم بيدج كل واحد عامل 250 اكونت عامل بيه لايك

و الاعتصامات الفئوية في مكان العمل مش بيلفوا الشوارع زي 6 ابريل و تم فضها ..

و مش بعيد يكون فلول همما اللي بيبعتوا البلطجية الله أعلم