ايه الصعوبات اللى بتواجه كل سيدة وهى بتسوق

[memo_virus]

اكتر حاجه فعلا اعطال العربيه و المكنيكيه شغاليين علي جيب السيدات زي الفل

[مهند سالم]

المشاركة الأصلية كتبت بواسطة mf86 فعلا اكبر مشكله بتواجه اي ست بتسووق هي اعطال العربية في مره كنت راجع من القاهره بالليل تقريبا بعد الساعه 12 صباحا علي طريق بلبيس الصحراوي ولقيت عربيه واقفه ومشغله الانتظار وطبعا دي حاجه مريبه جدا ان عربيه تقف علي الطريق دا بالليل وقفت ونزلت من عربيتي وايدي علي السلاح الميري ولما اللي في العربيه شافني نزل بسرعه وسمعت صوت واحده ست بتقول الحمد لله الحمد لله وكانت ناقص تبكي .. ايه ياستي الحكايه ... قالت الكاوتش ضرب منها وهي مبتعرفش تغيره واتصلت علي اخوها في الزقازيق علشان ييجي يغير لها الكاوتش طيب ياستي وايه اللي أخرك كدا وتمشي ليه علي الطريق ده واحنا في ايام مايعلم بيها الا ربنا ... قالت انا مهمدسه في هيئة الطاقه واتاخرت في الشغل طيب دي شوفوا كان ممكن يحصلها ايه لو مكنش ربنا وفقني ووقفت بالصدفه الست لو مبتعرفش بدائيات الميكانيكا للسيارات يبقي متركبش عربيه احسن

يعني حضرتك تخيل لما تتعطل على تغيير كاوتش، يعني واحدة زي دي عرضت نفسها للسرقة أو الإيذاء أو أكثر من كدة لا قدر الله لمجرد إنها ما تعرفش المبادئ البسيطة، ده في حد ذاته كارثة.

[د.هبه77]

المشكلة في الموقف السابق مش انها مبتعرفش تغير العجلة لا المشكلة انها اصلا متاخرة في طريق مظلم طب ما هي برضة لو بتعرف هتغيرها في الوقت دة لوحدها في الشارع
صعب
اللهم ارحمنا واسترنا في الدنيا والاخرة امين

[Rania Elhoseny]

المشاركة الأصلية كتبت بواسطة د.هبه77 المشكلة في الموقف السابق مش انها مبتعرفش تغير العجلة لا المشكلة انها اصلا متاخرة في طريق مظلم طب ما هي برضة لو بتعرف هتغيرها في الوقت دة لوحدها في الشارع صعب اللهم ارحمنا واسترنا في الدنيا والاخرة امين

اه طبعاكلا مك سليم جدا
بس انا وجهة نظرى ان تغيير العجلة دا صعب جدا على اى ست

[ahmed_2011]

والله عندك حق لازم كل ست يبقي لها عربية تسوقها عشان تترحم من قرف المواصلات بس المشاكل بقي اللي الست بتشوفها اثناء القيادة فعلا معاكسات الشباب في اشارات المرور وعشان تتفاداها تبقي العربية فيها تكييف وتريح دماغها وتقفل الشباك عشان متسمعش الكلام البايخ اللي بيتقال ويا سلام لو العربية اوتوماتيك عشان تكون راحة ليها ولو لقدر الله عملت حادثة يبقي لازم تكلم اي راجل ييجي لها عشان البهدلة ... مش كلامي صح ولا ايه ؟