شعب يخاف ميختشيش

[د0تامر محمد]

المشاركة الأصلية كتبت بواسطة tifa_1979 انا قلت الكلام ده من زمان ان المشكله الاساسية فى بلدنا هى سلوك الشعب يعنى لو قلنا مشكله البطالة يوجد اشغال كتيره ولكن بمرتبات قليله يعنى الشاب مش مستحمل يشتغل بمرتب صغير ويكتسب خبره وبعد ميكتسب الخبره هيلاقى الفلوس انا كنت بشتغل فى مجال التصدير بمرتب 300 جنيها من سنة 2002 حتى 2007 بعد كده اشتغلت بكثر من 10 امثال المرتب ده يعنى استحملت 5 سنوات على المرتب القليل لغاية لما وصلت للهدف ايلى انا عايزه على فاكره كنت بخد كورسات كمان ثانيا مشكله المرور القانون وتطبيقه ليس حل مشكله المرور فى بلدنا ولكن سلوكنا يعنى لما يكون الطريق واقف مدجيش تستهل وتدخل عكس الاتجاه علشان تكسب 5 دقائق تقفل الطريق يبقى الطريقان واقفين علشان سلوك واحد غير واعى ثالثا مشكله المياه يوجد اصرف كتير فى المياه وبتلاقى ناس كتيره بترش مياه امام المحل او البيت رابعا مشكله الكهرباء بتلاقى ناس عنده 4 تكيفات فى الشقه مشغلين كلها مع الرغم انهم قاعدين فى حجره واحده المشكله مش فى النظام السابق او النظام الحالى او النظام القادم المشلكه سلوك افراد

لقد قلت بإستفاضة ووضوح ما قلته فى سطرين
مشكلتنا أننا وكأنه فطرنا على سلوك معيب غريب وعلى مدار تاريخنا لن تجد شعبا شبيها لنا من أول إحتلال الهكسوس لمصر وخضوعهم ثم إنتفاضة وطردهم على يد المصرى الجنوبى أحمس ثم فرعون الطاغية وهذه المرة كان رب العالمين هو المنقذ المخلص ومرورا بكل التاريخ تجده شعب موجه نحو قبلة الشخص الأوحد حتى التشبع بطغيانة وإستبداده وتطرفه فى الحكم ثم يأتى الحل السحرى بقتله بواسطة أحد المقربين منه أو ثورة عليه قلما حدثت فى تاريخنا
حكمنا بواسطة كل من هب ودب ويكفينا حكم المماليك (شعب عريق يرضى بظلم العبيد ممن يمتلكهم وكفانا شيخ الإسلام العز بن عبد السلام والذى جعل أمير مصر الأيوبى -الصالح نجم الدين أيوب يشتريهم أو يشتروا حريتهم - المماليك - فى السوق ) ثم عندما ضعف المماليك لم ينتفض الشعب وإنما جاء بعسكرى ألبانى ليحكمه
وبعدها قبل جبروته هو ومن بعده وأصبح الفلاح عبدا للخواجه حتى ثورة 52 إن كانت ثورة جاء الجيش ليزيح الملك وعندما أراد نجيب إجراء إنتخابات حرة شعبية وتخلى الجيش عن السلطة إنتفضوا عليه - رجال الثورة- وولوا عبد الناصر والشعب يتفرج وذاق الهوان تحت حكم المؤسسة العسكرية حتى 2011 قام بثورة حقيقية جزء من الشعب المصرى ووقف الباقى يتفرج حتى تمت على خير بعدها إنقلب يسب ويرجم النظام الذى كان يهجوه فى السر ويصفق له فى العلن
إن السلوك وراثى وقديم ومتعمق فى الشخصية منذ الأجداد الأوائل ولن يتم لنا نهضة إلا إذا بدأنا بتربية جيل جديد على مبادىء إسلامية وحضارية ولننتظر عشرات السنين حتى يتم المراد

[MmFFoR]

احنا شعب بيعظم الفرد من ايام الفراعنة
مش الكل لكن العوام
لكن ان شاء الله مع الممارسة الديموقراطية السليمة حيتغير الموضوع ده

[AbOnOrA]

انا بسجل رفضى على مبداء الجمع والتعميم بالاساس

[Bendary]

انا شخصيا بقيت اربط الحزام على طول
وعمرى ماكنت بمشى عكس الاتجاه ، لكن بردو بالتزم اكتر من الاول
بحاول اكون ملتزم اكتر واكتر وبعلم ولادى الكلام ده .
وادعى ربنا ان بلدنا وناسها يبقوا احسن واحسن وان ولادى يعيشوا عمرهم كله فى بلد محترمه فيها نظام سليم وقوانين تطبق على الكبير قبل الصغير .
بس خلاص .

[طارق ابوذيد]

المشاركة الأصلية كتبت بواسطة Bendary انا شخصيا بقيت اربط الحزام على طول وعمرى ماكنت بمشى عكس الاتجاه ، لكن بردو بالتزم اكتر من الاول بحاول اكون ملتزم اكتر واكتر وبعلم ولادى الكلام ده . وادعى ربنا ان بلدنا وناسها يبقوا احسن واحسن وان ولادى يعيشوا عمرهم كله فى بلد محترمه فيها نظام سليم وقوانين تطبق على الكبير قبل الصغير . بس خلاص .

احسنت يا اخى بارك الله فيك هكذا يجب ان نكون رواد فعل وليس كلام فقط بارك الله فيك .