سؤال للزملاء

[MmFFoR]

مينفعش نعدم مبارك
راجل كبير و بينه و بين التربة زقة اصلا
لو عقاب صح
انه يتحبس بقية حياته
بس زي ما قال الكتاب
مش زنزانة من امو دش و لابتوب و و سخان و 2 يخدموك دي اللي نفسي اروح اصيف فيها
لأ زنزانة بجد - كنبة حديد و مرتبة و ملاية و مخدة و الزنزانة 2 متر في متر و التواليت جردل في الركن
علشان يحس باحساس الالوف اللي رماهم في زنزانات اقذر من دي و انتزعهم هو و زبانيته من بين احضان اسرهم و اطفالهم بغير وجه حق اللا كأجراء احترازي دفاعا عن كرسيه
يعني ولا هما مجرمين ولا مذنبين

[m.genedy]

المشاركة الأصلية كتبت بواسطة mmffor ما رأي كل من ايد استمرار مبارك حتى انتهاء مدته؟ هل لو حدث كنا حنشوفه بيتحاكم

المشاركة الأصلية كتبت بواسطة mmffor اصل اعرف ناس كتير هنا و في اماكن تانية صوتهم اتبح دفاعا عنه و عن وجوب استمراره لفرض الامن و الاستقرار و علشان نخلص من اللي بيحصل - و مصالحنا - و مشاغلنا - و الحوارات الفاكسة دي و انا برضه صوتي اتبح اقولهم و الله لو بتوع التحرير مشيوا يوم واحد و هو لسه موجود الشعب كله حيتشنير حرفيا

المشاركة الأصلية كتبت بواسطة hyundai2005 يا حبيبي ماهم دول الناس بتوع المصلحه ومعاهم معاهم عليهم عليهم منافقين لاغير الحمد لله ان ربنا اخد لنا حقنا

ممكن تعمل قائمة سوداء بالاسماء اللى
ارادت ان يبقى مبارك فى الحكم
حتى انتهاء فترة حكمة
اسماء بالناس اللى كانت عاوزة استقرار فى البلد الناس اللى كانت عاوزة الامور تهداء
وعجلة الانتاج لا تتوقف..اين المصالح الشخصية فى ذلك
مش معقول كل واحد رأية مختلف يكون مصيرة لقب منافق
لا النفاق حاجة تانية !!
وبعدين ديمقراطية اية اللى بتطلبوها وانتم لا تعملوا بها
الزميل صاحب الموضوع هو من نقل جملة
حرية مطلقة تعنى مفسدة مطلقة.. والمصريين غير مؤهلين
بأى حال من الاحوال لهذة الحرية لأن المجتمع اصلا نسبتة الاكبر فاسدة
اما عن مبارك .. اتحدى اى انسان يكون قد توقع ما نراة ونسمعة الان
اى انسان يكون توقع ان كل ولاة امورنا حرامية .. مافيش واحد فيهم شريف
مين كان يصدق الكلام دة قبل 11 فبراير.
بالنسبة لي انا وكنت منمن ارادوا ان يبقى مبارك فى الحكم حتى انتهاء فترة ولايتة
مبارك سقط مع سقوط الشهداء بالنسبة لي..وهذا لا يعنى انى تحولت فى الرأى
لانى مازلت لا انكر موقفى ولا رائى ولو عادت بنا عجلة الزمان للخلف
سوف اقول نفس الكلام وسوف يكون لى نفس الرأى.