|
#16
15-03-2011, 02:46 PM
|
||||
|
||||
رد: الفريق أحمد شفيق
أنا أرى الإختلاف شىء صحى جدا ولكن بشرط عدم التطرف فى مدح شخص او ذمه وهذا واضح فى كل الأراء المحترمة التى سجلت وهذه هى روح ثورة 25 يناير والحمد لله
الأستاذ بندارى قال الخلاصة والفيصل فى صندوق التصويت واهم حاجه ان الشعب قام ، حتى لو مين اخد كرسى الرئاسه مش عاجبنا اداؤه >>>> صندوق الانتخاب يقضى عليه الأستاذ فادى طرح رؤية عقلانية جدا بالاضافة الى ذلك فانه يتحدث بلبقاقة و ثقافة, أفكاره مرتبة و منطقية و هو معتدل و هادىء و متفهم, و يعرف جيدا احتياجات الدولة المصرية, فتحدث عن سيادة القانون و ضرورة رفع الانتاج لرفع المرتبات, كل هذه الأشياء تبين اننا بصدد شخص نثق به فى ادارة الدولة المصرية. الأستاذ مهند له رؤية اخرى تستند على شواهد وله حقه فيها فالرجل الذي كنت أحبه وأحترمه أثبت أنه جزء لا يتجزأ عن النظام، وإن كان يمثل الجانب الأقل فسادا. الأستاذ سمارت طرح ما يؤخذ على الفريق وأنا معه تماما فى إبراء ذمة الفريق او أى شخص آخر يترشح فأنا مع عدم توليه أي منصب خاصة الرئاسة إلا بعد أن تبرأ ذمته من الكلام الآتي شكرا لجميع الآراء وللاعضاء المحترمين الذين أثروا الموضوع
__________________
|
|
#17
15-03-2011, 03:25 PM
|
||||
|
||||
|
رد: الفريق أحمد شفيق
انا مابقتش عارف مين الظالم ومين المظلوم ومين اللى سرق ومين اللى هيرجع للناس اللى اتسرق فى البلد دى
كله عمال يشتم فى كله وكله عمال يخبط فى كله طيب اصدق حضرتك يا ا/ تامر ولا اصدق الفيديوهات دى دا طبعا غير الفيديوهات اللى تخص خناقاته مع علاء الاسوانى واللى مارضتش اجبها لانهم برضه بيشككوا فى هذا الرجل انا لا اقصد والله انى اشوه صوره هذا الرجل وكنى حبيت انى اقولكم بالدلائل اصدق مين ؟؟؟
|
|
#18
15-03-2011, 04:00 PM
|
||||
|
||||
رد: الفريق أحمد شفيق
أنا شخصيا لا أصدق كل ما يقال عن الشخصيات العامة لأن هناك من يتحدث بصدق وهناك من يتحدث بغرض وفى النهاية الدلائل والقرائن هى من تفرق بين الحق والباطل لا يوجد إنسان ملاك ولكل شخص سلبياته وإيجابياته وربما خطاياه والله أعلم بالنفوس وطرحى مجرد رؤية شخصية وإقتناع بحاجة البلد لشخصية تقودها لفترة واحدة - وعن قناعة الفترة الرئاسية القادمة أعتبرها إنتقالية وتحتاج لشخص له كاريزما وشخصية بها لطف ولين بجانب حزم وشدة وهذا مشهود له عند الفريق - حتى تقف على أرض صلبة فى هذه الفترة الحرجة ثم بعدها يتولى شخص له فكر إقتصادى مميز يصنع نهضة حضارية وإقتصادية لبلد تستحق الكثير شكرا جزيلا لطرحك
__________________
|
|
#19
15-03-2011, 04:16 PM
|
||||
|
||||
|
رد: الفريق أحمد شفيق
جميلة اوى هذه الطريقة الحضارية فى الحوار
نيجى للفريق احمد شفيق , قيل عنه لما تولى رئاسة الوزراء انه الرجل المناسب فى الوقت غير المناسب , يعنى اللى قال هذا الكلام كان يتمناه رئيسا للوزراء فى اوقات غير هذه الأيام طيب والتجربة حصل فيها ايه الفريق أحمد شفيق لم ينجح فى ادارة الدولة فى فترة الشهر تقريبا التى تولى فيها حقيبة رئاسة الوزراء مثلا : الراجل استهزأ بالثوار ( لما قال هبسطهم واجيب لهم بنبونى) الراجل ترك بعض وزراء لا يخلتف عليهم اثنين فى خروجهم من الوزارة , بغض النظر هما من النظام القديم او لأ زى سامح فهمى , أحمد ابو الغيط , ممدوح مرعى الراجل لما عين وزير داخلية لم يجانبه الصواب واتى برجل ليس لديه ادنى افكار جديدة ويتحدث بنفس اسلوب الادارة القديمة وكانت بدايته لا تبشر بخير الراجل اتأخر فى اعلان التحقيقات عن موقعة الجمل والموضوع اعطى انطباع ان القضية هتطبخ اضف الى كل ذالك هذه 24 مخالفة الصريحة اثناء ادارته لوزارة الطيران كل هذا وذلك يجعلنى انحى الفريق احمد شفيق ( والذى كنت احترمه فى البداية) عن منصب رئيس الجمهورية
__________________
د / محمد إن الله لا يصلح عمل المفسدين
|
|
#20
15-03-2011, 04:48 PM
|
|||
|
|||
|
رد: الفريق أحمد شفيق
متفق معاك يا دكتور تامر وأؤيد احمد شفيق رئيسا لمصر
بالاضافة الى كاريزمته فهو ادارى ناجح و يتمتع بضبط النفس لاقصى درجة وحاول جاهدا انه يخرج مصر من الازمة انا ما اعتقدش ان ممكن حد يقبل على رئاسة وزراء مصرفى الظروف العصيبة اللى هو مسك فيها الوزارة الا ان كان يحبها فعلا ناس كتير غيره قعدت تشرح فى الديموقراطية وكأنهم هما اللى اخترعوها واول ما اتعرض عليهم حمل المسئوليه هربوا منها وقالو نفضل العمل من الشارع معاهم حق العمل ... الشارع اسهل ننزل نتفسح فى التحرير الصحبة حلوة وبنضحك وبنغنى وبنهزر ونرجع بيوتنا وقت ما نحب او لو دم الميدان بقى تقيل..... حد يسيب ده كله ويمسك وزارة فى مصر الا ان كان مجنون!!!!!!
|
 |
|
|
