الراجل الواقف وراء السيد عمر سليمان ( أنا أسف )

[سالم سلامه]

المشاركة الأصلية كتبت بواسطة bmkbmk يا شباب والله ما ينفع اللى بتعملوه ده يا ريت نبقى ناضجين شوية

بسم الله الرحمن الرحيم لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن صدق الله العظيم

[koashraf]

المشاركة الأصلية كتبت بواسطة حازم شاهين الرجل إللى واقف وراء عمر سليمان أى كان إسمه أحد ضباط جيش مصر المحترمين و لا يمكن أن يكون غير بهذه الصرامة فى هذا الموقف التاريخى العصيب و هو إما أحد أبطال المخابرات أو أحد رجال الحرس الخاص برئاسة الجمهورية و كلاهما يضمان خيره أبناء الوطن

استاذحازم/ احييك على تعليقك وانا ليا تعليق بنفس هذا المعنى فى ذات الموضوع فى موضوع اخر على هذا الضابط المحترم واتضح بعد ذلك انه مقدم/ حسين الشريف قائد فى الصاعقه .

ولكن يبدوا ان اعضاء المجموعات الاجتماعيه كانوا مضغوطين جداً فى الفتره الماضيه نتسجة الاحداث التى لم تنتهى حتى الان نتيجة الاعتصامات المتواليه فماصدقوا لقوا لغز يحاولوا يحلوه.

وقد جائنى على الface book اعتذار رقيق لهذا الضابط من كل من علق على الموضوع وموقع حوالى 60000like this

بس عايز اقول التعليقات كلها لاتمسه بسوء وانما من النوع اللطيف الغير مسىء

[محمود زيزوو]

المشاركة الأصلية كتبت بواسطة سالم سلامه بسم الله الرحمن الرحيم لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن صدق الله العظيم

ربنا قال كدة يعنى حرام محدش يتاريق على حد

[ironheart]

تعليقات الشباب على الفيس بوك

الراجل اللى ورا عمر سليمان

يعني ايه كوك زيرو:يعني الشعب كله يقف في الميدان والراجل ده يقف ورا عمر سليمان

يعنى ايه كوك زيرو : يعنى عمر سليمان يطلع ويقول بيانات والراجل اللى واقف وراه هو اللى يتشهر

يا جماعة انا قريت خبر بيؤكد ان الراجل اللى ورا عمر سليمان هو اللى مأجرين منه القصر

و كان مستنى ياخد المفاتييح

خبر عاجل : اعلنت مصادر مسؤلة عن سبب تاخر خطاب التنحى لحسنى مبارك لان الراجل للى ورا عمرو سليمان كان واقف فى حته تانية

دعوة الى الاعتصام لتبديل النسر بالراجل اللى واقف ورا عمر سليمان على العلم

لجزيرة: مبارك سافر إلى دبي .. العربية : مبارك سفر إلى لندن .. التلفزيون المصري: مبارك في شرم.. الحقيقة : مبارك في بيت الراجل إلي كان واقف وراء عمر سليمان

عاجل: تجميد أرصدة حسابات الراجل اللي طلع ورا عمر سليمان في كل البنوك

من اكبر مكاسب الثورة تنحى مبارك و محاكمه الفاسدين و ...الراجل اللى ورا عمر سليمان

عاوز بلدك تتحرر .. نفسك تخلع رئيسك ... نفسك تعيش فى بلد ديموقراطى ؟؟

لو عاوز كل ده يتحقق اتصل بالراجل الى ورا عمر سليمان

وراء كل رجل عظيم ...الراجل اللى ورا عمر سليمان

الشعب .. يريد .. جلوس الراجل اللى واقف ورا عمر سليمان

امتحان تاريخ 2015

اكتب ما تعرفه عن الراجل اللى واقف ورا عمر سليمان

خبر عاجل : بيبسي تلغي تعاقدها مع تامر حسني .... و تتعاقد مع الراجل اللي ورا عمر سليمان

استرجل ... و اقف ورا عمر سليمان

عاجل: زواج الفنانة صباح من الراجل اللى ورا عمر سليمان

بيان رقم 6 للجيش المصرى: ملكوش دعوى بالراجل اللى ورا عمر سليمان والله الموفق والمستعان

مابقاش إسمه عمر سليمان ... بقى إسمه الراجل اللي واقف قدام الراجل اللي واقف ورا عمر سليمان

[lol64]

هههههههههههههه بجد بجد حرام والله الراجل مايستاهلش كل ده
كل ده عشان وقف ورا عمر سليمان
شكرا ياباشا