سؤال هايف

[AMMI]

المشاركة الأصلية كتبت بواسطة tham1010 بجد يا زاجو هجرب لانها فكرة جديدة. وسلامة ايدك يا عم ومتشكر على ردك

انت المفروض وانت طالع بالعربيه تشيل رجلك من على الدبرياج سنه سنه وتدوس ينزين سنه سنه . الموضوع ده هيتظبط معاك زى ما قالك الاخ زاجو من خلال 10 متر قدامك بس
تطلع وتقف كذا مره علشان يبقى رد فعلك سريع
ساعتها هتكون متحكم فى العربيه ومتمكن منها وبالتالى عندما تقوم بالسواقه وسط العربيات الاخرى هيكون تفكيرك متركز فى الطريق والمرايات علشان النقل والسواقه هتحس انها حاجه فطريه
لذلك يجب عليك التدريب على السياره فى اماكن فاضيه الاول

[حسام البورسعيدى]

يا عم جمد قلبك ودوس ومتخفش انت محسسنى انك بتسوق طيارة مش عربية ...

حط فى دماغك انك حتى لو خبطت لا قدر الله عادى يعنى اخرها رفرف يتطبق ولا يتجرح وهيتصلح يعنى مش كارثة يعنى ..

طول ما المبدأ ده فى دماغك هتلاقى نفسك بقيت جرئ فى السواقة ومش هتخاف من حاجة ومش هتتلبخ ...

بس حرام عليك انت ازاى بتمشى من غير بنزين فى عربية مانيوال ربنا يستر على اللى هيمشى وراك اصل الضغط ماشى فى البلد اليومين دول هههههههههههههه ..

[@واحد من الناس@]

طببص أنا هقولك حل مؤقت بس متأخدش على كده وأنت طالع مثلا كوبرى والطريق وقف مرة واحدة هتقف ضاغط فرامل وأنت طالع قبل ما تشيل رجلك من على الفرامل شد الهاند بريك وإبدء شيل دبرياج وإضغط بنزين هتظبط معاك

[acounter01]

وسيبها علي الله

[driv3r]

يا جماعه الراجل بيعرف يسوق والله بس انتو مش واخدين بالكم من نقطه هوا كان بيقول فى اول كلامه ان العربيه بتمشى فى التلت الاخير وهوا بيرفع دبرياج يعنى الدبرياج بتاعه عالى اوى اوى كمان يعنى السحب ضعيف جدا وعشان كده بيتلبخ فى المطالع والعربيه بتبطل منه انت ياباشا تروح لعفشجى تقوله الدبرياج عالى عاوز اوطيه بس مش واطى قوى برده وهتلاقى العربيه بتلحم معاك فى المطالع وهتلاقى سحبها بقى كويس ومش هتحتاج تدوس بنزين اوى فى المطالع ونصيحه وانت طالع مطلع ماتشلش رجليط من على الدبرياج يعنى خليك خانقها زى مابنقول ولو حسيت ان العربيه رجعت ورا دوس بنزين واطلع بلعربيه براحه براحه اوى وواحده واحده هتوقفها فى مكانها وهيا واقفه فى المطلع من غير فرامل ولا هاند ولا كلام من ده بس مع التعود بس ومتقلقش زوبعه وهتعدى انشاء الله