يا خبراء المنتدى ومؤسسيه ارجوكم افيدوني محتار بين الاكسنت 2011والصني 2011

[MmFFoR]

** من ترضي اغلب الاذواق ( شباب - عائلي - كبار في السن) ------- انا افضل شكل الصني عن النيو اكسنت (حاسس ان الاكسنت مكعبره و مدملكه )
** من التوكيل كويس الافضل - خدمه صيانه كويسه ----- طبعا نيسان ايجيبت كلكوا عارفين سمعتها زي الدهب لانها مملوكة بالكامل لنيسان اليابانيه و ادارتها اجنبية عكس غبور و بلاويه
واحتفاظ العربية بقوتها و تماسكها مع الوقت أو العمر الافتراضي ---------الياباني يكسب في دي من غير شرح او توضيح و خصوصا نيسان كشركه و صني كموديل
** تكون استثمار جيد .... يعني لو جيت تبيعها في اي وقت تلاقي سعر كويس ......----- النيسان سعر اعادة بيعها معقول بس للاسف الكوري اعادة بيعه افضل لان المستعمل بيحتاج قطع غيار و الكوري قطع غياره ارخص (و لكن عمره اقصر )
**** و طبعا استهلاك البنزين و العفشه و و توافر قطع الغيار بسعر مناسب -----استهلاك بنزين للكوري غالبا افضل و ده لان وزن العربيات الكوري خفيف جدا و ده طبعا بيأثر في الثبات! العربيتين قطع غيارهم متوفره في التوكيل و بره التوكيل و في اصلي غالي و تقليد رخيص

[MmFFoR]

النتيجه اني انصحك 100% تشتري نيسان صني الفل اوبشن يبقى جبت من الاخر و للعلم التوكيل محترم لاقصى الحدوج و كفايه لما العربيه باقوا يقفلوها في مصر انا لقيت السعر نزل من 110 الف الى 82 الف جنيه!! و ده فعلا فرق سعر الجمارك!!!! على عكس غبور و منصور لما بيصنعوا عربيه في مصر تلاقي فرق سعرها نزل الف او الفين جنيه على اننا هنود

[m__hassan]

يا جماعة الخير ذهبت امس لمعرض سيارات ووجدت عنده السياراتين بجوار بعضها وبدات البحث والتفرقه بينهما ومعي مندوب المعرض ووجدت الاتي
-- معرفش ليه كل مندوبي المعارض والموزعين بيشكروا في النيو اكسنت بكثير جدا عن النسيان ويقولوا لي ان النسيان عربية غبية باجماع (باعتقادي انهم بيفكروا دائما في القيمة السوقية للسيارة والمبيعات) وسالته رد علي وقال علشان احنا بنعرف من العملاء الذي اشتروا من قبل العيوب والمميزات .
-- بالنسبة للصاج اري ان صاج الاثنين واحد لاني خبطت عليهم الصوت واحد ولعلمكم كل السيارات الجديدة يغلب عليها مواصفات صاج واحدة مش زي بتاع زمان
-- لاحظت ان زجاج الاكسنت كوري اصلي افضل من زجاج النسيان المحلي الصنع ردئ
-- لاحظت تقفيل موتور الاكسنت افضل بكثير من التقفيل المصري للنيسان حيث الاسلاك المبعترة في كل ناحية . بغرض النظر عن قوة الماتور
-- لاحظت صالون الاكسنت افضل وخاصة من الكنبة الخلفية حيث النسيان الجلوس في الكنبة لا يطاق .
-- بالنسبة للتقفيل الداخلي الاثنين متساويين وممكن النسيان افضل في الخامه البلاستيك .
-- بالنسبة لشكل النسيان افضل اما بالنسبة لتصميم السيارة فهي بالضبط مثل الاكسنت في المسافة بين العجل الامامي والخلفي ولكن شطنه النسيان اوسع وتصميم النسيان يجعلها سيارة غير مريحة بالمقارنة مع الاكسنت (الحجم - الركن - السواقة الكرسي بعيد )
-- بالنسبة للموتور انا شايف ومن كلامكم ان اكيد النسيان اقوي
-- النسيان بها ايرباج وفوانيس شبروة زيادة عن الاكسنت
-- النسيان افضل في تصميم التبلوه الداخلي
هذا بالاضافة للاشياء الاساسية التى ذكرتها في المشاركة من قبل
سنت تتفوق على النيسان في موضوع قطع الغيار رخيصة ومتوفرة - واستهلاك البنزين - وسعر اعادة البيع - والتقفيل الجيد من الداخل - فرق السعر حوالي 5000 جنية .........(5 نقاط)
اما النسيان فتتفوق في قوة الموتور 118 حصان وهي مقاربة للاكسنت112 حصان - الشكل الافضل - الثبات على الطريق (في حين ثبات الاكسنت ليس سيئ)- الصاج الامتن - بلد الصنع (ياباني) ............(5 نقاط)ايضا
يعتبروا متعادلين في مراكز الخدمة (الاثنين مراكز كويسة ومنتشرة) - وسع الصالون (الاكسنت واسعة والنسيان واسعة من الامام اكثر وضيقة في الكنبة ) - (نقطتين لكل نوع )
حيث احاول ان اعرض على اهل الخبرة جميع المعطيات ليعطوني الراي السليم وارجو الا تبخلوا علي بالمعلومة (لوجه الله) اخوكم تعبان في الفلوس ديه ومش عايز ارميها في الارض

[Bahi]

لا جدال Nissan Sunny

[eng_ahmed_90210]

لو موضوع التقفيل المحلي مش هيفرق معاك اوي
لان عيوب التقفيل مش قاتله
و لو شكلها عاجبك توكل علي الله فيها
و اهي اسمها ياباني