عمرة محرك لانسر 98 - أريد معرفة آرائكم بارك الله فيكم

[samirayad]

المشاركة الأصلية كتبت بواسطة محمود 1431 جزاك الله خيرا يا م \ سمير طيب دلوقتي أنا لسة مغير زيت ...... ألاحظ مستواه بعد قد إيه ( علشان أعرف هو بينقص بمستوى ملحوظ ولا لأ ) ؟؟ وملحوظة أخرى .. العربية مالاحظتش عليها إنها بتطلع دخان أبيض ..... فهل فعلا هو كاوتش صمام ولا شنابر ؟ جعله الله في ميزان حسناتك أخي الكريــــــــــــــــم

الله يخليك أستاذ : محمود

وأتبع نفس الطريقه إللى قالك عليها

الأخ : طارق صقر

وأنت حتعرف مصدر العيب

وحتبقى على نور وأنت رايح للميكانيكى

[tareksakr]

ألف شكر ليك يا أستاذ سمير وعامة لا يفتي وأستاذ سمير في مصر موتورز تقبل تحياتي

[samirayad]

الله يخليك يا أخى

وبارك الله فيك

على رؤيتك الثاقبه

وفعلا

أنت وضحت للأخ : محمود

الطريقه الصح لمعرفة مصدر العيب

بطريقه سلسه ومبسطه

ومكنش حقول أفضل مما قولت

فشكرا لك على روح التعاون

التى بأتمنى لها أن تسود فى مصر موتورز

[samirayad]

بالمناسبه يا أستاذ : محمود

لما تحل وش السلندر لتغيير كاوتش الصباب

أكد على الميكانيكى يعملك روديه ( بيسمى تحضين للصبابات هندسيا )

على أساس يرفعلك كفاءة تطبيع الصبابات على الرأس من أسفل

وبكده حتاخد سحب أفضل من الحالى ووفره فى البنزين

وأيضا

خليه ينظف مجارى التبريد ببلوك الأسطوانات ( على قدر مايستطيع والوش محلول من على المكنه )

لرفع كفاءة عملية التبريد

[hazem_khidr]

طبعا كلام الباشمهندس سمير لا غبار عليه و شرح فاوفي
المهم دلوقتي لو لقيت الزيت بينقص كتير
يبقي تجيب زيت شنبر و تحطه مع غيار الزيت و انت بتغير
زيت الشنبر عامل زي عسل النحل و بيدخل يسد الاماكن المتهالكه في الشنابر
امشي عليه سنه ولااتنين لحد ما الموتور يجيب اخره
و ساعتها تغير الموتور بواحد استيراد افضل من العمره