السول هاى لاين ولا السيراتو كوبية هاى لاين؟ محتاررررررررر

[zizoo21]

المشاركة الأصلية كتبت بواسطة بدر بسيونى بص يازيزو باشا طالما اسرة يعنى اطفال ونازل وطالع ان شاء الله حيكبروا يبقى لو بنفاضل بين السول والكوبية يبقى السول بلاادنى شك لانها حتكون مناسبة لكل متطلبات الاسرة

أنا معاك يا بدر باشا ... بس انا فعلا جربت الكوبية و كانت مش ضيقة و الدخول و الطلوع منها مش كتير للاولاد و ما شاء الله شنطتها كبيرة جداااااا و شكلها طبعا مش هاقولك علية .. بس هى السول فعلا جميلة من جوة و من برة بس اللى مقلقنى منها شنطتها شكلها ماتشيلش شنطة هدوم واحدة

[محمود سامى محمود]

أستاذ زيزيو .. بس يا ياشا ... بالنسبة لشنطة السول مش ضيقة زى ما أنت متخيل .. يعنى تشيل شنطنين سفر مرتاح جدا .. كمان خاللى بالك من حاجتين .. الشنطة يعتبر إرتفاعها كبير .. يعنى لحد سقف السيارة لو حبيت تملاها .. كمان الكنبة اللى ورا مقسمة لقطعتين .. كرسي .. و كرسيين .. كل قطعة فيها بتتني لوحدها و بيبقى مستواها بمستوى الشنطة .. هتبقى ساعتها قد شنطة االسيراتو مرتين .. كمان خاللى بالك من حاجة .. لو شايل هم سفر و معاك أغراض كتير .. السول مجهزة من السقف بجريدتين .. يعنى ركب شبكة و أنت مرتاح جدا .. و مش هتأثر على سقف العريبة خالص .. يا باشا أنا بفكر أنزل بيها مصر أجازتى اللى جايا .. و هتاخد كل حاجتى مرتاح قوى ... و ربنا يوفقك فى حسن الأختيار ...

[superbombo]

بجد كيا محترمة جدا و توكيلها غالي بس كويس اوي

[ramy01011]

المشاركة الأصلية كتبت بواسطة محمود سامى محمود ده مين بقى اللى قال إن السول ضيقة أو أضيق من السرايتو !!!!!!!!!!! شوفو .. أنا مقيم بالخليج و كنت محتار نفس حيرتك ... لحد ماجبت السول الحمد لله .. وحمدت ربنا إنى وفقنى فيها .. و طبعا اللى هيقول السيراتو كوبيه أفضل .. بس بصراحة هيا أفضل فى الشكل بس .. مش فى أى حاجة تانية خاااااااااااااااااااااااا الص .. السول سيارة أثبت على الطريق .. من جوه أفخم بمراحل من السيراتو .. الخامات اللى مستخدمة فيها أفخم بكتير من السيراتو .. عالية عن الأرض و دى هتساعدك عشان الطرق فى مصر .. و اللى هيقولى يابانى و كورى هاقولكو حاجة بإختصار .. أنا كان معايا لانسر 2006 ,,, 1600سي سي .. لما ركبت السول حسيت إن مكنتش راكب عربية قبليها .. دى تجرتي .. و اللى هايقول أصل مش بيعيش .. و الله حسب اللى راكب العربية هو يعرف يحافظ عليها و بإديه يهنها و يبهدلها برده .. فيه أكتر من إن شوفت كورولا 2006 بيتعملها نصف عمرة موتور ... لو كورى هنقول شوفتو .. أصل و فصل ... خلينا نفكر بمنطقية .. هركب سيارة بنفس امكانات السيارة اليابانى و بوفر يمكن 40000 جنيه .. بالنسبة بقى للخليجي أو المصرى .. هو مش هاتفرق .. بس أحسنلك أكسب ضمان الخمس سنين أو ال 100 ألف .. مع العلم برده .. إنك لو جبت الخليجي مش هتندم والله .. يمكن مش هاتروح التوكيل خالص .. و الزيت و الفلتر أبقى غيرهم انت عند أى حد ... أسف على الإطالة .. و انا عارف إن فيه ناس كتير هتختلف معايا .. بس ده رأى شخصى .. بحكمى إن جربت الكورى و اليابانى .. و جربت السيراتو و السول أشتري السول و أنت مغمض .و ربنا يباركلك فيها كمان فيه حاجة تانية .. اللى بيقول إنها مش منتشرة . ياخد باله من حاجة .. أن السيراتو بتنتج يمكن من 2000 .. السول أول إنتاج ليها 2009 و نزلت مصر 2010 .. يعنى السيارة مش بقالها سنة فى السوق.. فلو منتشرة بنسبة 10 % بكره هتنتشر بنسبة 200 % لأن الناس هتعرف قيمتها بس مش دلوقت ... ربنا يوفقك و أسف على الإطاله

حضرتك سئلت علي جمركها كام ؟ اصلي بفكر اشتريها و ابقي انزلها و اية رأيك فيها و انت عارف ان اللي ماشي في الخليج العربيات الياباني .

[zizoo21]

المشاركة الأصلية كتبت بواسطة محمود سامى محمود أستاذ زيزيو .. بس يا ياشا ... بالنسبة لشنطة السول مش ضيقة زى ما أنت متخيل .. يعنى تشيل شنطنين سفر مرتاح جدا .. كمان خاللى بالك من حاجتين .. الشنطة يعتبر إرتفاعها كبير .. يعنى لحد سقف السيارة لو حبيت تملاها .. كمان الكنبة اللى ورا مقسمة لقطعتين .. كرسي .. و كرسيين .. كل قطعة فيها بتتني لوحدها و بيبقى مستواها بمستوى الشنطة .. هتبقى ساعتها قد شنطة االسيراتو مرتين .. كمان خاللى بالك من حاجة .. لو شايل هم سفر و معاك أغراض كتير .. السول مجهزة من السقف بجريدتين .. يعنى ركب شبكة و أنت مرتاح جدا .. و مش هتأثر على سقف العريبة خالص .. يا باشا أنا بفكر أنزل بيها مصر أجازتى اللى جايا .. و هتاخد كل حاجتى مرتاح قوى ... و ربنا يوفقك فى حسن الأختيار ...

أنا اخدت بالى من موضوع تقسيم الكنبة اللى ورا لقطعتين و بصراحة عجبتنى الفكرة .. المشكلة انى لما املا الشنطة لحد السقف مش هشوف فى المراية
بس فكرة الشبكة دى كويسة خصوصا انى شوفت شبك شكلة حلو .... طيب اية رأيك فى الالوان ... اية احلى لون فيها ؟