ايهما اختار: هوندا سيفيك - بيتلز - بولونيز

[tom_gr]

تسمع كلامى
لانى كنت زيك فى الحيرة من 7 شهور كاملة وكانت نفس امكانياتى المادية زيك برضه
الخلاصة
فكر فى اللادا 2106 الى بيقولوا عليها فى مصر 1500 ( الى هى 4 فانوس مدور )
او بولونيز
او 128
وارجووووووووووووووووووووو ووووووووووك
ابعد عن الماركات والموديلات الى مالهاش قطع غيار ولو موجودة هاتبقى غاليه

وحتى لو روحت للميكانيكى كتير فى الماركات الى الفيات او الادا مش هاتتعب اوى معاهم برضه لانهم كتير اوى وبيشتغلوا فيها كتير

[alameldeen]

عجز لساني عن الشكر لكل الاخوة الافاضل اللى اتفضلوا على بمشورتهم
وان شاء الله دخل في دماغي جدا الرينو 18 بس لقيتها 19 الف ودة كتير عليا
على العموم هدور على حاجة تكون حالتها كويسة جدا وهبعد عن الانواع اللى الاخ الفاضل hossamhussein0 تفضل وذكرهم

واخي الفاضل tom_gr
بالنسبة لل 128 لم اجد الا واحد بس اللى شكر فيها بالمقابل مئات يزمون فيها

انا ان شاء الله هبحث عن حالة جيدة:
رينو داتشيا نوفا
بولونيز
بيتلز
هوندا سيفيك

ولو في اي اقترح ات اخرى انا منتظر
وشكرا

[hossamhussein0]

المشاركة الأصلية كتبت بواسطة مهند سالم الراجل بيقول إنه إمكانياته 15 ألف، ودول عمرهم ما هيجيبوا رينو 12 عشان كدة تمت النصيحة بالداشيا كبديل، أما لو توفرت الإمكانيات فالرينو 12 أفضل بلا جدال.

شكرا علي التعقيب

و لكن هل تعلم ان سعر الرينو 12 من 10000 الي 17000 ج و الرينو 18 من 12000 الي 19000 ج

يعني انا عارف انه هيلاقي باذن الله حاجة مناسبة لاقتصادياته

[mostafakamal]

أفضل سيارة مذكورة في اقتراحات هي الهوندا سيفيك، أنا عندي السيفيك موديل 83 عربية ممتازة وقطع غيار معمرة وخلاف للفكرة الشائعة فقطع الغيار ليست غالية كما يظن البعض، فالنسبة لسعرها وهو أكثر بالفعل من الفيات مثلا لكن قطع الغيار يتم تركيبها ولا تحتاج لتغييرها لوقت طويل جدا يمكن بالسنوات، بعكس الفيات فقطع الغيار كلها مضروبة ولا تعيش لوقت طويل، وكما قال أحد الأخوة المشاركين فالسيارة في المقام الأول حالة، فحاول أن تبحث عن سيارة لا تكون قد تم إهانتها فهي بكل تأكيد لن تعود كما كانت مهما صرفت من أموال عليها، فليس المهم موديل السيارة ولكن حالتها، وبالتوفيق

[hema2000]

حاول تدور علي ريتمو الماني 1600cc