عايز عربية تستحمل السفر كل يوم مسافة 400 كم

[خالدخليفة]

الغريبة ان كل واحد من اخواننا قال رأيه على حسب م بيسمع والوحيد اللى قال انه بيسافر
قال انه عمل 240 الف كيلو فى 4 سنين يعنى متوسط 5000 كيلو شهريا وهو متوسط عالى
ونقول كمان عن تجربة شخصية
عايز خدمة شاقة يبقى الالمانى واليابانى وبعد كده شكرا
عايز عربية واسعة يبقى نيسان / تويوتا كورولا / اوكتافيا
عايز فخامة من الداخل وشياكة من الخارج يبقى كورولا او اوكتافيا
عايز قدرة موتور عالية وتحمل عالى وسعر ارخص رغم كده يبقى النيسان
موتورات النيسان والكورولا والاوكتافيا كلها 1600 سى سى
قدرة موتور الاوكتافيا والكورولا مابين 107 و 112 حصان
موتور النيسان الصنى 118 حصان
الكلام ده معناه ايه
سحب عالى مهما كان الحمل الداخلى بالسيارة
يعنى لو العربية معدل الاوزان الداخلى فيها حوالى طن الا ربع او طن زى مكنت بعمل فى النيسان ممكن توصل 150 بالراحة خالص وبدون اى مشاكل
بسبب قدرة الموتور لكن لو القدرة الحصانية اقل فطبيعى مع الاوزان العاليه السرعة العالية بتبقى اقل شوية
والمقصود مش السرعة لكن المقصود عدم التأثر بالحمل الداخلى
طيب نيجى بقى للفلوس اللى هيا اهم مافى الموضوع
النيسان 85 الف
الكورولا والاوكتافيا يبدأو من 145 الف
انت اللى تقرر
ان كانت الشياكة الداخلية والخارجية ممكن = الفرق (حسب متطلبات عملك )
دى تجربتى الشخصية
بقيت كلمة بسيطة طالما هتسافر كتير ابعد تمااااااااااااااااااااااا ااااااااااااما عن الاوتوماتيك لانى شفت فى السفر مواقف للاتوماتيك خايبة وبايخة كتير
وخصوصا على الطرق السريعة انت بعيد عن الميكانيكى بتاعك او التوكيل واللى انت رايح له متعرفوش لكن انت مضطر له
ومتعرفش هيعمل ايه
وللاسف المصريين فيهم عيب قاسى ( بيستكبر يقول معرفش ويألف ويفتى فيها )
التأليف فى المانيوال يتبلع لكن فى الاتوماتيك يودى ف داهية

[خالدخليفة]

المشاركة الأصلية كتبت بواسطة s0144862631 بقو 2 نيسان في ثالث ولا ايه

ايه ياعم هيا خناقة انا حاسس ان الراجل لو م اشتراش نيسان هتضربه
هههههههههههههههههههه

[lost2008]

بﻻش مستعمل, النيسان زيرو افضل

[Kemo Kono]

كلام استاذ خالد خليفة مظبوط .......احييك .....انا فكرت كتير لاقيت انت اللى هتقرر طبعا ........بس اضم صوتى لصوت ا/خالد خليفة و احب اقولك اوكتافيا استعمال او نيسان صنى جديدة او كورولا .....انا مرتبهم ...لو حبيت تشترى اوكتافيا 2006 اول يد A5 ..كاملة اتوماتيك و اول يد و حالة نادرة جدا و عداد 47 الف كم و بحالة الزيرو تمامااااا ...انا قريبى معاه واحدة هيبيع عشان يجيب فانتازيا ....نهائى 122 الف جنيه و عربيته زيرو بجد و مش بتمشى الا ف المناسبات او مشوار سفر ضرورى .....لو فى اى استفسار ع الخاص او اتصل بابنه 0109112342 و ربنا يوفقك
صنى زيرو او اوكتافيا مستعمله بحالة الزيرو .......

[moataz.ghoneim]

أحسن عربية ليك
تويوتا ياريس