العربية اتجرحت ... حسبي الله ونعم الوكيل

[ESL NSR]

كلامكم ريحني كتير، بس لسة مضايقني شكل العربية ومضايقني البهايم الي شايلين رخص ع الفاضي والأكتر الي بيسوقوا ومش شايلينها أساساً وأولهم سواقين التكاتك والموتوسيكلات الي ملت البلد ...

يلا هنقول إيه ... قدر الله وما شاء فعل ... الحمد لله على كل شيء ...

وشكراً جزيلاً ليكم كلكم ...

[mfa100]

المشاركة الأصلية كتبت بواسطة _amr.mostafa_ اتحداك تلاقي عربية في مصر ما تحكتش لسه ,,,,حكه لكل مواطن

ياريت حكة واحدة لكل مواطن . يا عم انا راضى ب 10
انا نفس مشكلة الشاكى
ده فى ناس هوايتها تخربش العربيات بمسمار ولا اى حاجة . انسى انك تلاقى عربية مش متخربشة . دى سمة السيارات فى مصر و الا تبقى فى بلد تانية

[Eng . Mando]

حصل خير و ماتزعلش نفسك ، طيب انا حاقولك حاجة حصلت معايا بجد كنت حرتكب فيها جناية ، انا عربيتى اكسنت 2007 نهاية الشكل القديم و كنت جايبها برده زيرو ايام ما كانت لسة بتنزل ، و طبعا علشان ما اركنهاش فى الشارع ركنتها فى جراج و العملية تمام ، تالت يوم ما جبت العربية و كنت لسة رايح المرور اعلق نمر و اشيل البلاستيك من على الكراسى و اركب كسوة و طبعا فرحان بعربيتى الجديدة ، روحت الجراج لقيت الباب الشمال الورانى داخل لجوة و متفعص و منقور نقرة بعمق مش اقل من 7 سم ، المهم جبت الواد السايس ابن ال00000 ، و قالى ان واحد 000000 من بتوع الموتوسيكلات عمل كده و هو بيخرج بيه فلت من ايده و وقع على عربيتى . طيب بزمتك دى حاجة مش تجيب جلطة ، لا و المصيبة ان انا راكنها فى جراج ، امال لو راكنها فى الشارع كان حصل ايه ، حسب الله و نعم الوكيل . بس الحمد لله لما المهندس بتاع التامين شافها عملتها على حساب التامين فى توكيل غبور اللى فى قليوب و الحمد لله على كل شئ .
المهم انت ماتزعلش نفسك و لو فى فرصة تعملها على حساب التامين فى التوكيل و صدقنى بتوع التوكيل ناس عالية اوى فى شغلهم حيرجعوها كانها لسة خارجة من المعرض .

[luckyman]

الحمد لله انها جت على كدة المهم انك بخير وتمام ومعلش محدش بيتعلم ببلاش ودمت سالما

[gskills66]

ياجماعة حد يجاوب عليا بامانة اية احن عربية فى العربيات دى hundai.terios siron .nissan