نفسك فى فلتر رياضى قوى و مش معاك تمنه - بسيطة ادخل هنا

[مصطفى-حسن]

المشاركة الأصلية كتبت بواسطة ramy safwt ركبته فعليا وانا خارج الصبح و خلعته لما روحت على سبيل الاختبار لكن فكيته تانى عشان انا لسه شارى فلتر من عشر ايام و مستحرم استهلك فلترين اغلب الحاجات اللى بعملها بربكها و بتفضل موجوده زى التربو و الاير ماس الرياضى و تعديلات الكهربة و الكاميرا و حاجات كتير ذكرتها هنا فى حاجات بجربها و بفكها تانى لأنى مش محتاجلها فى الوقت ده زى الفلتر و الباك فاير الكبوت مقفول الضوء هيطلع كده من الحروف بشكل خافت و ممكن احط فلاش كاميرا فى صاحبى اعرفه حاطط صمام على وصلة التربو لما يدوس على زرار فى الكبوت يخلى الصمام ينفس هواء التربو فى العربية و تعمل هيصة من جناب الكبوت و بعدين يقفله تانى بس طبعا انا مقلتوش لأن لما الخرطو انخرم عندى احلى فسسسسس و انا ماشى فمعملتهاش و كده والناس ازواق برضو

تمام
1 - محتاج تقييمك الفعلى والحقيقى للفلتر اللى انت عملتة .......هل فعلا يفرق فى السحب
2 - كنت عايز تصوير فيديو لاداء الكاميرا اللى انت عملتها يعنى صورهالى بالليل وهيا شغالة عشان اشوف مدى الرؤية بتاعها اد اية ......دة بعد اذنك طبعا عشان لو كدة هشترى منك واحدة

ومتشكر جدا للمتابعة معايا

[ramy safwt]

مفيش فلتر رياضى عن تجربة انواع كتير من الفلاتر بيرفع سحب العربية - لكن الفلتر الرياضى بيخلى الموتور يتنفس صح و ياخد راحته فيحرق صح فيوصلك احساس وهمى انك رفعت الأداء لكن فى الحقيقة ده اداء الموتور الطبيعى بس انت مكنتش واصله

سبقلى شرحت ازاى بيترفع الادء بأنظمة الحقن الجبرى للمحرك و وضحت ايه اللى بيحصل بالظبط
الفلتر ده و اى فلتر تانى تم صنعه بيعمل حاجتين اتنين يخلى الموتور يتنفس براحته و يخليك تسمع صوت الموتور بس متنعم شوية عشان الناس اللى بتحب الاصوات و كده


فى مره بالليل هصورلك فيديو لكن مش ببيع انت ممكن تبقى تجيب المكونات و اساعدك تعملها غير كده لا و ممكن تعملها تعديل على الكاميرا اللى بتركب على شاشة المرايا فى كذا حل يعنى

[مصطفى-حسن]

جزيل الشكر للتوضيح بخصوص الفلتر الرياضى
ودة ميمنعش ان الى انت عملتة بردو حاجة كويسة جدا

وبالنسبة لموضوع الكاميرا انا هستنى الفيديو
بس فية فكرة مجنونة شوية جت فى دماغى
هوة الواحد مش ممكن يعمل نظارة للرؤية الليلة ويلبسها بالليل
بدل ما يبقى مشتت ما بين النظر الى الشاشة اللى بتنقل من الطريق وما بين النظر الى الطريق
مجرد فكرة مجنونة
وبردو بامكانيات محلية

[ramy safwt]

المشاركة الأصلية كتبت بواسطة مصطفى-حسن جزيل الشكر للتوضيح بخصوص الفلتر الرياضى ودة ميمنعش ان الى انت عملتة بردو حاجة كويسة جدا وبالنسبة لموضوع الكاميرا انا هستنى الفيديو بس فية فكرة مجنونة شوية جت فى دماغى هوة الواحد مش ممكن يعمل نظارة للرؤية الليلة ويلبسها بالليل بدل ما يبقى مشتت ما بين النظر الى الشاشة اللى بتنقل من الطريق وما بين النظر الى الطريق مجرد فكرة مجنونة وبردو بامكانيات محلية

ممكن اعملهالك بموبايل كاميرا قديم و منظار بس معرفش مسموح تمشى بيها قانونا ولا لا ايا كان انا عامل موبايل سامسونج 250shg و مغير علبة الكاميرا بتاعته لعلبة انفرا الشغل ده عملته تحت الميكروسكوب - نفس اللى استخدمته مع الكوبلن و فحص المعدن

[مصطفى-حسن]

المشاركة الأصلية كتبت بواسطة ramy safwt ممكن اعملهالك بموبايل كاميرا قديم و منظار بس معرفش مسموح تمشى بيها قانونا ولا لا ايا كان انا عامل موبايل سامسونج 250shg و مغير علبة الكاميرا بتاعته لعلبة انفرا الشغل ده عملته تحت الميكروسكوب - نفس اللى استخدمته مع الكوبلن و فحص المعدن

1- انا عندى كاميرات موبيلات كتير e250 -N73 -n70-6600-7610 لان انا عندى محل صيانة موبيل فقطع الغيار دى موجودة زى الرز عندى

2- الخطوط العريضة للفكرة ان الواحد يحول نضارة عادية الى نضارة رؤية ليلية او رؤية فى الشبورة لان اكيد هتفرق كتير مع الواحد خصوصا فى الشبورة

3 - لو محتاج اى نوع من الكاميرات اللى انا قولتلك عليها قولى وانا ابعتهالك فى شركة ميدل ايست للشحن وهيا خدمة من الباب للباب

ومتابع معاك