اية الحل بعد ما آمالي اتحطمت في الافيو اشتري اية بقة

[Sameh Ragih]

المشاركة الأصلية كتبت بواسطة Salah Elshahawy :D كنت واقع ف نفس حيرتك دى من 5 شهور واستقريت ف الاخر على فيرنا لسه شاريها من اسبوع ..نصيحة ليكى متركزيش قوى مع كلام المنتديات لان فى ناس بتفتى كتير وانزلى شوفى المعارض واركبى العربية بنفسك واما تحبى تسالى اسالى حد راكب العربية مباشر ...ك بنت انصحك ب الI10 اوتوماتيك او رينو سانديرو اوتوماتيك

والله يا ريس بنقول الكلام ده من بدري.. المنتديات تقدر تفيد في مواصفات العربية كميكانيكا و أساليب الصيانة من خلال تبادل التجارب و الخبرات لكن نيجي لغاية البيع و الشراء و خصوصاً في شراء الجديد و نقف لأن الأراء هنا بتختلف على حسب ذوق كل واحد و ماينفعش أقول على عربية حلوة و أنزل أشتريها علشان فيه حد قالي إنها حلوة... ما يمكن ماتعجبنيش يا أخي و عموماً السوق و الشارع المصري مش محتاج عربية حلوة لأن المصريين بيحبوا الفهلوة.. يعني عربية بياعة قطع غيارها رخيصة و متوفرة و صيانتها سهلة.. يا ريت تكون الصورة بقت أوضح

[lolyta]

المشاركة الأصلية كتبت بواسطة Sameh Ragih دي فروق فردية يعني ده يرجع لرأيك الشخصي .. فيه ناس مايهمهاش العربية من جوه مادام بتاخد منها الأداء المطلوب و الشكل الخارجي المميز و ناس تانية مايفرقش معاها الشكل الخارجي بس المهم الصالون المميز و الأداء القوي و فيه ناس مايفرقش معاها الشكل من جوه أو بره المهم الأداء زي اللي بيركب BMW و جولف موديلات الثمانينات .. شوفي إيه اللي يرضيكي و إعمليه المهم فكري إن دي هي العربية اللي هاتركبيها كل يوم و لازم يكزن كل جزء فيها مناسب لشخصيتك و إحتياجاتك علشان ماتكرهيهاش بعد كده لا قدر الله

فعلا عندك حق علشان كدة لازم اروح اعاينها على الطبيعة افضل

[Sameh Ragih]

المشاركة الأصلية كتبت بواسطة lolyta فعلا عندك حق علشان كدة لازم اروح اعاينها على الطبيعة افضل

بالتوفيق إن شاء الله و يا ريت تبلغينا ربنا هداكي لإيه في النهاية

[lolyta]

المشاركة الأصلية كتبت بواسطة Sameh Ragih والله يا ريس بنقول الكلام ده من بدري.. المنتديات تقدر تفيد في مواصفات العربية كميكانيكا و أساليب الصيانة من خلال تبادل التجارب و الخبرات لكن نيجي لغاية البيع و الشراء و خصوصاً في شراء الجديد و نقف لأن الأراء هنا بتختلف على حسب ذوق كل واحد و ماينفعش أقول على عربية حلوة و أنزل أشتريها علشان فيه حد قالي إنها حلوة... ما يمكن ماتعجبنيش يا أخي و عموماً السوق و الشارع المصري مش محتاج عربية حلوة لأن المصريين بيحبوا الفهلوة.. يعني عربية بياعة قطع غيارها رخيصة و متوفرة و صيانتها سهلة.. يا ريت تكون الصورة بقت أوضح

يعني اخليني في الافيو علشان اعادة البيع مثلا وقطع الغيار على الرغم من عيوبها الي انا معرفهاش برضو قوي

[Sameh Ragih]

المشاركة الأصلية كتبت بواسطة lolyta يعني اخليني في الافيو علشان اعادة البيع مثلا وقطع الغيار على الرغم من عيوبها الي انا معرفهاش برضو قوي

والله بصي أنا هاكون صريح معاكي.. أنا معايا أكسنت الشكل القديم موديل 2006 فيها موتور Elantra موديل 2005 أوتوماتيك.. قبلها كنت راكب سيتروين C3 Full option و كمان فتيس تيبترونيك و ما أدراك ما الستروين.. ثبات رهيب و رفاهية زيادة عن اللزوم و أوبشنز بلا نهاية من أول التكييف الـ Touch لغاية مثبت السرعة ولكن... في مرة إحتجت أعمل صيانة و غيرت طرمبة البنزين لقيتها بـ 1350 جنيه و كمان معمول معايا فيها واجب !! و كمان صيانتها عند ناس معينة يا إما في التوكيل و كل أعضاء المنتدى عارفين كده ده غير سوقها اللي نومه أتقل من نوم الفيل!! .. سألت على باقي قطع الغيار و مش هاقولك غير مثلاً إن علبة الدريكسيون مش موجودة غير في التوكيل و بـ 18000 جنيه!! و دي مش معلومة من منتدى ولا من أي حد دي معلومة من التوكيل نفسه.

المهم و بإختصار أنا إيه اللي يخليني أحشر نفسي مع عربية في بلد مابتقدرش قيمة العربيات المحترمة.. معلش أنا ممكن أركب عربية شعبية زي الأكسنت أو الفيرنا أو الأفيو و في النهاية أنا برضه راكب عربية لا تقارن بالأوروبي لكنها برضه مش صفيحة يعني! و بعدين لو عايز أبيعها في نص ساعة فلوسها تبقى في جيبي و صيانتها عند البقال و قطع غيارها بملاليم و ممكن أيعت البواب يجيبهالي مع طلبات البيت

في النهاية دي تجربتي في السوق و ده رأيي المتواضع.. ممكن تتفقي معاه و ممكن مايعجبكيش المهم تاخدي منه اللي يفيدك و كوني من خلاله قرارك الشخصي بعيداً عن أي تأثير خارجي.. و مره تانية ربنا يوفقك