عايز اشتري كرولا 2008 ومتردد

[magdy_c_c]

المشاركة الأصلية كتبت بواسطة miam0502788391 يا باشا عرف انها عربية ممتازة من ناحية الأعطال لكن لما العربية دى من سنتين واحد صاحبى شاريها موديل 2007 , 1600 سى سى , اتوماتيك وعاملة 50.000 كيلو فابريكة بره وجوه وكانت ب 105.000 الف , النهاردة بدل ما سعرها ينزل على اساس انها بقت اقدم سنتين تغلى وتوصل للسعر الفلكى ده 127.000 ليه برضه ؟؟؟ كتيير وكتيير اوى وشكرا لرد حضرتك

طيب تصدق بقى يا صديقى العزيز انه بالفعل لو كان وافق على 100 ألف بس كنت خلصت فيها وقتى !
يا باشا العربية دى أتوموبيل يتركب بجد و سيبك بقى من أى حاجة تانية جنبه
50 ألف جنيه بس ؟!
طيب هات لى حتة زى دى بالمواصفات دى و أنا شارى منك بـ 90 يا عم .
بس تقدر تنفذ ؟
يا باشا للعلم فقط العربيات اللى من النوع ده و خصوصا ً إذا كانت مرفوعة و عاملة عدد كيلوات بسيط على العداد
كل اللى حضرتك بتعمله انك ممكن تغير أربع فرد كاوتش يابانى نظيف و بطارية محترمة و طقم سيرفيس ابن ناس يعنى سيور و فلاتر و زيوت و طقم كهرباء بالمرة و بص على العفشة بالمرة
و غسلة نضيفة و عيييييييييييييييش
و ما عليش حضرتك ما تقوليش 5 سنين ماشية على الأرض دى كده بقت زيرووووووووووو بجد بكل المقاييس
يا عم شارى بـ 100 موجود ؟؟؟؟

[mokema]

زى بالظبط الكورولا موديل 92 / 93 ماسك سعر ممكن صاحبها يتكلم فى 50000 جنية بالرغم من انها بقالها حوالى 20 سنة طب لية . للاسف الناس لما بتحب تعالى عربية بتعليها

[miam0502788391]

المشاركة الأصلية كتبت بواسطة magdy_c_c 50 ألف جنيه بس ؟! طيب هات لى حتة زى دى بالمواصفات دى و أنا شارى منك بـ 90 يا عم .

العربية كانت ب 105.000 جنيه مش ب 50.000 جيه
ال 50.000 دول كانوا العداد بتاع الكيلوات
لذا لزم التنويه
لو ب100.000 الف تبقى معقولة لكن 127.000 !!!!!!!!!!!!!!!!!!!!
عارف انا لو مكانك وبشوف العربية وأول ما يقولى 127.000 كنت اديته ضهرى ومشيت من غير ما اعبره بأى كلمة
طيب شوف مثلا
لو لانسر بومة (اللى ماسكة سعر برضه) 2007 .1600 اتواماتيك واعلى فئة هتتباع بكام , وشوف كام الف فرق بينها وبين الكورولا 2007 دى مع احترام طبعا فارق السعر فى العربيتيين لما كانت زيرو