|
#16
22-11-2012, 08:09 PM
|
||||
|
||||
رد: تكاليف تجديد رخصة لانوس
السلام عليكم
اول مره اسمع عن صحة ونفاذ في السيارات لسه بايع اللانوس 2006 والى اشترى سجلها ب 790 جنيه لأنه جاب شهادة بيانات بأنها انتاج محلي وبدون شهادة الأنتاج المحلي التسجيل ب1040 تقريبا وتسجيل ال2011 ب 1690 تقريبا  والضريبه في المرور اعلي من 1300 واقل من 1600 نفس الضريبه والله أعلى و أعلم والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
#17
24-11-2012, 05:06 PM
|
||||
|
||||
|
رد: تكاليف تجديد رخصة لانوس
المقصود بدعوى صحة ونفاذ هى دعوى بترفع على عقد بيع السيارة بغرض نقل الملكية ودى بتغنى عن التعامل مع الشهر العقارى وهى نوعا ما شبيهة بدعوى صحة التوقيع لكن الفرق ان دعوى صحة التوقيع لا تنقل ملكية ، طب لو انا شارى بتوكيل ينفع اعملها ؟ طبعا ممكن حضرتك بتجيب عقد من المكتبة وتملى بيانات العقد وتكتب الثمن مثلا الف جنيه علشان الرسم ميبقاش كتير فى المحكمة ، طيب فى خانة المشترى طبعا هتكتب اسمك طب فى خانة البائع برده هتكتب اسمك يعنى انت هتكتب اسمك فى خانة البائع والمشترى ، طيب ايه الاجراءات بالظبط ؟ حضرتك بتاخد العقد وتروح لمحامى وتقوله انا عايز ارفع دعوى صحة ونفاذ على عقد البيع اللى معايا وتتفق معاه وانت وشاطرتك بس متنساش ان ده محامى
 فاتاكد كويس ان ده المبلغ اللى هياخده منك وانه مش هيطلب حاجة تانى تحت بند رسوم او خلافه  وهى عامة لا تقل اتعابها عن 250ج ولا تزيد على نصف رسوم التسجيل فى الشهر العقارى يعنى لو التسجيل بالف ج وانت اتفقت على 500 ج يبقى كويس جدا ، بعد كدة المحامى بيرفع لحضرتك الدعوى ويتحددلها جلسة طبعا بيبقى مطلوب شهادة بيانات ، لو انت ليك واسطة او عارف حد يعملك شهادة بيانات قبل الجلسة الاولى يبقى كويس قوى ووفرت على نفسك طب ليه واسطة ؟ لان طالما معاك رخصة للعربية مينفعش تاخد شهادة بيانات طب مفيش واسطة او معرفة او حتى شاى بالياسمين  ايه اللى بيحصل ؟ بيتم تاجيل الجلسة لميعاد اخر وبتصرحلك المحكمة بالحصول على شهادة بيانات وفى الجلسة التالية بتحضر حضرتك مع المحامى ؟ هتقولى مثلا ما انا هاعمل للمحامى توكيل سواء خاص او عام يحضر بيه انا هاحضر ليه ملحوظة  يفضل التوكيل يكون خاص وتعمله بعد ما الاستاذ المحامى يرفع الدعوى ويديلك رقمها علشان تكتبه فى التوكيل لان فى بعض القضاة مبيقبلش يثبت حضور المحامى بالتوكيل الخاص لو مش مكتوب فيه رقم الدعوى) اما لو المحامى انت اصلا عامله توكيل عام فده بيغنى عن عمل توكيل اخر ، المهم الاستاذ المحامى بيحضر بالتوكيل كوكيل عن حضرتك بصفتك مشترى وحضرتك بتحضر بشخصك الكريم عن نفسك بصفتك بائع وتقر بصحة البيع ، وبعد كدة بيتم حجز الدعوى للحكم ويصدر الحكم بصحة ونفاذ عقد البيع وبعد كدة حضرتك بتستنى حوالى من اسبوع الى خمسة عشر يوما علشان تقدر تاخد صورة رسمية من الحكم وتسحب المستندات وبعد كدة حضرتك تاخد الحكم والعقد وتطلع على المرور مباشرة وترخص عربيتك ، طيب الموضوع ده بياخد وقت قد ايه ؟ عامة صعب انى احدد ميعاد قاطع لان مش كل المحاكم زى بعض بمعنى ان ممكن ترفع دعوى فى محكمة تبع ارياف مثلا فيتم تحديد الجلسة بعدها بفترة بسيطة اما فى محاكم المدن الكبيرة والعواصم مثلا بتزيد شوية لكن على كل حال هى بتاخد حوالى 3 شهور ممكن تزيد شوية او تقل شوية ، ده غير انك لو مستعجل ممكن تطلب من المحامى يعملك طلب تقصير وده معناه ان لو اتحددت الجلسة مثلا فى 1/1/2013 ممكن تطلب تقصيرها لميعاد سابق وعامة ممكن تتقصر لمدة اسبوعين او تلاتة على حسب اتمنى انى اكون افدتكم واعذرونى اذا كان الشرح ممل لانى بصراحة معنديش خلق اشرح لحد الا القاضى  اشكركم على اتاحة الفرصة لى بالمساهمة بهذه المعلومة لعلى استطيع رد ولو جزء بسيط من مساهمات ومساعدات السادة الاعضاء 
|
|
#18
24-11-2012, 08:29 PM
|
||||
|
||||
|
رد: تكاليف تجديد رخصة لانوس
السلام عليكم
الله يعطيك العافيه وكل التقدير للمعلومات المفيده  :GR OWIN~12:والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
 |
|
|
و أصبحت 
