اللي بيحط بنزين 95 حتعمل ايه بعد رفع الدعم؟؟

[باسم لانسر]

ياباشا العربيات اللى ماشاء الله ربنا يبارك لأصحابهم فيها يعنى يدفعوا ومالوا
يسيبوا لنا احنا ال 80 الى بنقطع بعض فى البنزينات عشانه

[Abanoub issac]

طب انا معايا بيجو 508 لسه شاريها كلو بيقولي ممكن تحط فيها 92 عااادي وش بس تحط مع كل تفويله محسن الاداء الي هو ب 20 جنيه ده...انا اسمع انه عباره عن مركبات الرصاص مع البنزين بتسرع عمليه الاحراق وبتدي نفس اداء ال95 وممكن افضل كمان .....فاعتقد ان ده الحل الامثل للناس الي عربيتها 95 او 98 زي .....ربنا يخليك يا مرسي يا حبيبي أألبي دانا بموووووت في النهضه

[sherifabden]

والله مش عارف اقول ايه
يعني اللي جايب مرسيدس او وبي ام او فولكس وبيدفع مصاريف صيانة وضرايب وجمارك وكل دا وهيحملوه تمن البنزين كمان
لو الحكومة عايزه ترفع الدعم عن البنزين ترفع
بس تلغي كل الضرايب والجمارك المفروضة على العربيات
والراجل اللي جايب بي ام او مرسيدس ذنبه ايه انه عايز يركب حاجة نضيفة بدل عربيات الكارو اللي في مصر دي ؟؟؟؟
حلو اوي مشروع النهضة دا
حسبي الله ونعم الوكيل

[tamermegahed]

بصوا ياجماعه خلينا نقول ان فى فئه مش هيفرق معاها بس الفئه الى زينا هتفرق معاهم طبعا بس خلينا نقول ان الى بيفرق 92 عن 95 ان فرق للاداء للسياره يعنى اعتقد ان مش مشكله انى اتنازل عنبعض الاحصنه فى من العزم قصاد فرق السعر الرهيب الى هدفعه وده على حسب معلوماتى واعتقد انه ممكن ياثر على عمر الماتور على المدى البعيد

[dr_maged]

انا مش عارف المصريين بقى فى قلوبهم جشع رهيب

ناس مش لاقية العيش الحاف وبتاكل من الزبالة والمفروض ان الدعم دا زى كل العالم ما بيعمل بيبقى موجه للفئة دى

واللى ربنا كرمه وركب عربية غالية ومعاه حساب فى البنك وربنا رزقة مش عاجبة وبيقول هوه انا عشان معايا فلوس يبقى ما اخدش دعم زنبى ايه

اه رزقك اللى ربنا بعتهولك دا فرض عليك انك ما تخدش حق حد غلبان وكمان تطلع منه وتديهم عشان ما يحصلش فى مصر زى اللى حاصل دلوقتى

ولو انت راكب عربية من اللى لازم تحط 95 ومش قادر على تمنه بيعها وهات حاجة تحط فيها 92 او 90 وتاخد من الدعم لكن تحمل الدولة والفقرى اللى رايح الدعم ليهم ليه فلوس فوق طاقتهم

اتقوا الله وكل واحد يبص للغلابة المطحونين ما يفكرش فى نفسه وعربيتة اللى 200 الف وينسى اللى بيتشعبطوا فى الاتوبيسات وعيش على قدك