انتخبت فى منطقة الفلول وبعد الى شفته انهارده مرسى وشفيق فى الاعاده

[santaclose]

حبيب قلبي انتخب من اردت حتي لو ابو اسماعيل و لكن لا تفرض رايك علي.. مش كده؟

[santaclose]

بص يا معلم فيه ناس بتدي الأخوان اوتوماتك لا زيت و لا سكر متتعبش نفسك و ناس تدي الفلول اوتوماتيك و ناس تدي الثوره قدامهم حمدين و ابو الفتوح فاي صعود لحمدين هو خصم من ابو الفتوح خاصه بعد المناظره مع عمرو موسي
بالنسبه للفلول كتبر شافوا ان شفيق دكر و لم يهادن او يتلون فده خصم من موسي
و عشان كده حرب الشائعات ان فلان متقدم يليه فلان.!! طب ازاي فرزتوا الصناديق في المنام؟
اللعب يا معلم في الأعاده . وطبعا لو مرسي في الأعاده انت عارف قدره الأخوان عالحشد
لذللك لو انت فلول او ام الخلول انزل و صوت من اجل مصر

[كيمو كار]

المشاركة الأصلية كتبت بواسطة santaclose بص يا معلم فيه ناس بتدي الأخوان اوتوماتك لا زيت و لا سكر متتعبش نفسك و ناس تدي الفلول اوتوماتيك و ناس تدي الثوره قدامهم حمدين و ابو الفتوح فاي صعود لحمدين هو خصم من ابو الفتوح خاصه بعد المناظره مع عمرو موسي بالنسبه للفلول كتبر شافوا ان شفيق دكر و لم يهادن او يتلون فده خصم من موسي و عشان كده حرب الشائعات ان فلان متقدم يليه فلان.!! طب ازاي فرزتوا الصناديق في المنام؟ اللعب يا معلم في الأعاده . وطبعا لو مرسي في الأعاده انت عارف قدره الأخوان عالحشد لذللك لو انت فلول او ام الخلول انزل و صوت من اجل مصر

مش حكاية فرزنا الاصوات .. الرئيس القادم لسه فى علم الغيب .. ولكن كلها توقعات وتنبوأت على حسب رؤية سير الانتخابات .. ولكن مفيش حد يعرف يجزم مين الرئيس ..

لكن متوقع ان مرسى اينزل اعادة مع اى حد .. ازاى ...

الاخوان اصلآ عددهم كتير جدآ وكلهم نازلين ينتخبوا مرسى كده مرسى ضمن اصوات الاخوان كلهم .. بجانب اللى ايرشحه من خارج الاخوان وهم أيضآ كثير .على اعتبار ان مرسى مرشح اسلامى ..
كده بنسبة كبيرة مرسى نازل اعادة .... ويبقى العب كله على مين اللى اينزل اعادة مع مرسى ..

للاسف اكتشفت بالأمس واليوم ان بتوع الثورة والفيس بوك والتحرير الخ . عددهم قليل جدآ جدآ بالنسبة لباقى المنتخبين .. واصواتهم مقسمة ما بين ابو الفتوح وصباحى يعنى ربنا يستر ..
وكل الفلول نازلين ينتخبوا شفيق او موسى ولكن اكثرهم اينتخب شفيق .. ده بالاضافه اللعب على الفقراء اللى عددهم فى مصر كتير جــدآآ وممكن يبيعوا اصواتهم علشان لقمة العيش وده بيلعبوا حلو قوى شفيق والاخوان.. وبيفشل فيه بتوع النت والثوار ...دول لوحدهم ممكن يكسبوا اى حد

[lost2008]

لو حد من كلاب الفلول كسب من غير تزوير, يبقى البلد ديه عايزة الحرق, لان كل الى راح و انتخب الاشكال ديه معندوش ذرة دم و انانى و مريض نفسيا و خسارة فيهم دم الشهداء و المصابين.

[tarek elbadry]

المشاركة الأصلية كتبت بواسطة فادى المرشحين الذين يهاجمون الجيش ليل نهار اما انهم سذج سياسيا, أو يعرفون جيدا أن لا فرصة أمامهم. كيف يمكن لرئيس فى العالم ان يحكم دون دعما من الجيش و الاجهزة الامنية؟! الدولة هى الشرطة و الجيش, و أى لا رئيس لا يتحكم و لا يتمتع بالولاء من الجيش و الشرطة لا يمكن له أن ينفذ برنامجه و لا ان يحكم نملة فى بلده. الشعب المصرى ذكى و يفهم ذلك, و يعرف ان شخصيات مثل ابو الفتوح أو حمدين صباحى ليست مؤهلة أصلا لحكم بلدا كمصر.

على كدة انتة عاوزنى انتخب طرطور يقول حاضر ونعم لطنطاوى والمجلس العسكرى


هية دى شعبية احمد شفيق الحقيقية
البلد لسة فيها ناس رجالة