لعنة عدم ثبات السيارة (يا فرحة ما تمت مع البورا)

[TOOLA]

يا باشا ربنا يخليك و رغم ان الواحد بيشوفوا من الاصدقاء بس والله عشرة عمر طويلة و صعب على الواحد يفرقهم, ربنا يفم فارهم بأه ptmnlo123per122, و عموما انا لسه متفائل بالسيارة خير ان شاء الله, و ادينى وراها و ربنا يكرم

[TOOLA]

طيب بدام شغلتكو معايا, بيقى حقكم ان اقول ما وصلت اليه الأمور,

بعد كتر لف و دوران أفادنى أحد الأخوة الكرام و هو أحد المتخصصين فى مجال VW على ميكانيكى فولكس محترم, فروحتلو و كشف و طلع بالأتى:

1- بارات الدلكسيون الداخلى محتاجة تتغير
2- جلبة المقص اليمين مش متركبة صح (و أنا كنت بحس بدبدبة من الفرامل مكونتش فاهمها لسه و كنت بكدب نفسى) و بالتالى محتاج تغير الجلبتين.
3- كاوتش الميزان محتاج يتغير
4- البطاحات الأمامى
5- المساعدين الخلفى

و بالفعل بدات مهمة البحث و الشراء, فرحت لأشرف الشهابى جبت البطاحات بالبلى بتاعها, الجلب و كاوتش الميزات و الحاجات ديه عملت حسبة 900 ج تقريبا (الفاتورة مش معايا دلوقتى), و بعدين ملقيتش البارات الداخلى و قلى الأصلى ب 1200 ج و مش هتلاقى الأصلى و بدل ماتجيب مضروب يبقى خليك فى الاستيراد.
المهم الراجل المحترم اياه دلنى على واحد استيراد فى الحرفيين (مجدى بيومى) و جبت منه البارات ب300 ج و بعد مالميكانيكى كشف ماعجبتهوش فغيرتهم ب 2 تانيين و عجبو و ابتدى الشغل و خلص على حمد الله و بالمرة جبت جوز مساعدين خلفى استيراد ب 200 ج(دول اتعمل فيهوم واجب)

النتيجة: تحسن فى الثبات و المناورة و جربت على دائرى مدينة نصر و كام غرزة مش بطالين, و انتهاء الدبدبة الأمامية بشكل كبير و اهم نتيجة تحسن شديد فى الفرامل و انتهاء مشكلة الدبدبة المع الفرامل تماما (موضوع الجلبة الكانت متركبة غلط.
طيب فضل عندى غربلة بعد 110 تقريبا, و كمان دبدبة المساعد الخلفى اليمين لسه موجودة شكلو هيطلع مشكلة فى الجنط أو الفردة و عموما أنا مش مرتاح لموضوع المساعدين استيراد و غالبا هرجعهم و أجيب جوز مونرو (قلولى رأيكم فيها لانى على وشك شرائهم ان شاء الله), و مشكلة التنطيط مش قادر أقيمها لأنى مركبتش حد ورا كمان بالضغط على المساعدين الخلفية حسيت بمساعد اليمين أنشف من الشمال.

طيب تشاء الصدف انبارح ان أخد بلاعة بالعجلة الشمال و أنا كنت رايح العبور و بعد ماخلصت مشوارى و طالع أركب العربية لقيت الفردة على الأرض و غيرتها بالاحتياطى (جنط حديد و فردة قديمة شوية مش قد كده) و كانت المفاجأة:

- مفيش غربلة على 120 تماما و طبعا جه فى بالى ان صنايعلى مرة قلى الفردة اليمين فقط ال فيها رنجات لكن الشمال لاء, و قلت فى عقل بالى يبقى أكيد الغربلة كانت من عدم وجود رنج فى الفردة الشمال.(على فكرة الفردة الى خدت البلاعة باظت تماما اتخرمت من الجنب الله يرحمها)

المهم قدر الله و ما شاء فعل و مازعلتش كتير لانى النية مبيتة على تغيير الفرد و ان شاء الله الجنوط كمان لأنهم مش عاجبنى و صنايعية كتير شككوا فيهم و أنا أظن مافضلش غيرهم كده مع تغيير المساعدين الخلفى عشان يتظبط اداء العربية (ان شاء الله بردو).

بالنسبة لموضوع السخونة أنا بعد ما غيرت الخرطوم البايظ و غطا القربة, رحت جبت علبتين مياه حمراء من الشهابى (55 ج العلبة) و اشتريت 4 زجاجت مياه مقطرة (2 ج العلبة) و الميكانيكى نزل المياه القديمة و استبدلهم ب دول, و فى اول كام يوم نقصت المياه بسيط و ح\يت ايدى على قلبى لكن الحمد لله حتى الأن (أنا غيرتها من أسبوعيت تقريبا) المياه و قفت عند مستوى ثابت فى منتصف القربة تماما و فوق مستوى ال Min بفرق مريح.

طيب بالنسبة لموضوع الجنوط انا لقيت جنوط 16 استيراد أصلى (مختوم جواها VW) البتنزل فى البورا برد و نوعها BBS و الراجل طلب 2500 من بقه (انا لسه مصلتش) و كمان أنا سألتو على الجنط ال 15 الأصلى الكانت بتنزل بيه هنا (أبو 5 ذراعات ده) قلى ممكن يجيبهولى على 1500, بس طبعا كده فرق الفلوس عالى ده غير فرق الفلوس الهيحصل فى فرد الكاوتش (عاوز رأيكم يا جماعة أنا خايف ال 1 ميدينيش الثبات المتخيلو و فى نفس الوقت أنا خايف ال 16 يدبدب).

طيب بالنسبة للكاوتش أنا رحت قعدت مع م/ نجاد من بريدجستون(مش مقتنع انى أجيب حاجة غيرو) ال فى أخر عباس العقاد (بنزينة كالتكس), و قعدت أدردش معاه شوية ووصلنا لمجموعة من الخيارات المتاحة:
1- 195/65 15 (و ده الحجم الأصلى طبعا) و الفردة بتتكلم من 450 أندونيسى تقريبا حتى 535
(يابانى soft super silent)
2- 205/60 15 و الفردة ممكن تزيد و توصل ل 600 ج(بس هتزود الفرق البين الجنط و الرفرف ب 4 ملى)
3- 205/55 16 و هنا اختيارات فردة تماثل ال ب "535" فى الاختيار الأول هيوصلنى ب 700 ج للفردة تقريبا (الموضوع على أوى)

انا بصراحة بردو محتار و لسه مخدتش قرار, و ليه واحد حبيبى صاحب محل جنوط و كاوتشات و راجل ثقة, قلى توكل على الله فى 16 لأنو هيفرق معاك فى الشكل جامد و هيحاول يدورلى على جنط أصلى يكون أقل من 2500 ج و كمان قلى ممكن أجيبلك الكاوتش بسعر الجملة لأنو أكيد يباخد خصم خاص.

(طبعل هريت ودنكو كالعادة بالرغى) لاكن فكروا كده و قلوقلى رأيكم فى 3 مواضيع (المساعدين الخلفى - الجنوط - الكاوتشات), و أسف فى التقصير فى الدخول عشان أنا كنت ساعتها بدخول ب موديم صديق و اضطريت أدهولو بعد كده, و كل ده كنت مستنى النيت يدخل فى بيتى الجديد (بيت الزوجية) و لسه داخل يوم الخميس الحمد لله.

أخوكم
أحمد عبد الرحمن

[ahmed_kamel]

كل ده في عفشة العربيه .... غير المساعدين بجدادا ومنرو جيدين وتوكل على الله
وغير الجنوط والكاوتش عشان ترتاح من موضوع الغربله والرفه بتاعة العجل وبالتوفيق

[TOOLA]

ما النية فعلا لفعل هذه النصيحة, أنا بس لسه محتار فى مقاسات الجنوط و الكاوتش, و مش عاوز أستعجل عشان معملش حاجة غلط.\

شكرا للرد و النصيحة يا باشا

السلام عليكم.....
الاول الف مبروك على الجواز والعربيه مع انها متاخره
ثانيا انا معايابورا موديل 2000 اتوماتيك .العربيه ثابته جدا معايا ملفات وغرز وكل حاجه وفرامل ماشاء الله .
بس لو عاوزها تظبط معاك روح لحد بيفهم وخليه يشوف العربيه كلها مره واحد (عفشه ورى وقدام)
وانا بحكم تجربتى بكل المتخصصين فى الفولكس والتعامل معاهم انصحك انك تروح لهانى الى فى جسر السويس خلف حديقه بدر (الراجل دا فاهم اوى) . وعلى فكره اسمه هانى عصمت مش هانى سمير .وفيه فى نفس الشارع محمد سمير واحمد عزت .بس دا بجد الكنج بتاع الفولكس فى مصر .ودا عن عده تجـــــــــــارب .
وحاول تشوف زيت الفتيس . وخلى بالك من الكرتيره بتاعت زيت الموتور علشان واطيه جدا (انا بغيرها تقريبا كل 20 يوم)
بالنسبه للجنط انا عربيتى فيها جنط 16 اللى بتنزل بيه والكاوتش بتاعها 16 205/55
وبالنسبه للفات الموتور RPM متقلقش دا الطبيعى بتاعها علشان الفتيس 4 نقلات بس وصوت الموتور بيعلى بعد ال135 (كل البورا والاوكتافيا ال A4 كدا والتوليدو كمان) .
وربنا يحفظهالك و يباركلك فيها .