|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#16
|
||||
|
||||
رد: ازاى اعمل امريكانى بالعربيه؟؟
هشرحلك حاجه واحده بس للسبيد شيفت و التانية بعد ما تسيطرى كويس جدا على دية
الفكرة فى الاسبيد شيفت هيا تغذية كل غيار لطاقة المثالية و الانتقال للغيار اللى بعده بدون اهدار طاقة فى عملية النقل بتعمل فى الفتيس المانويال و بتساعد العربية انها توصل لسرعتها القصوى فى اقصر وقت ممكن بيعتمد على قدرة الموتور و كفائة الفتيس خطوات تنفيذها ازاى :- اذا كانت العربية ستوك ما اتغيرش فيها اى حاجه بنرجع للكتالوج و نشوف كل غيارالنقلات المثلى بتاعته عند كام ار بى ام - لو مش ستوك هتحتاج تتحط على داينو تيست لأختبار ده لو ما لقيناش الكتالوج بندور على فيديوهات السباق بنفس العربية و نشوف العداد بياخد غياراته امتى مش شرط اننا نسمع صوت الموتور على يبقى كده احنا خلاص عملنا الغيار لكن ده ممكن يكون فشل فى تثبيت الموتور و القواعد فيها حاجه غلط بعد الخطوة بتاعة جمع المعلومات دية :- 1- لازم نظبط الريجلاش بتاع الدبرياج على راحة رجلنا و انه يستجيب بسرعة مع رجلنا بدون ما يتغير بشكل يضر الموتور 2- نتأكد ان عصاية الفتيس متشحمه كويس و مفيهاش بوش او كاوتش بايظ او حاجه 3- ما ينفعش يتعمل ده غير و العربية سخنة و واخده راحتهامش و هيا بارده و ننزل رزع فيها التنفيذ بقى 1- عند الغيار الاول بعد تغذيته للار بى ام اللى حددناه مسبقا بننزل بالدبرياج و نسكن الغيار و احنا بنحط بنزين و نسيب الدبيراج خالص لو التزامن مظبوط هناخد الغيار التانى و العربية بتشد نفسها شد على الطريق و بعدها التانى بنفس الطريقة لحد اخر غيار فى العربية ملحوظة محدش بيتعلم ده من اول مره بيحتاج تدريب و ممارسة النتيجة النهائية ان العربية هتقفل عدادها و هيبان اخرها فين لو الفتيس اوتوماتك و بيدعم القيادة الرياضية المفروض لما يتنقل لوضع الاسبورت درايف يعمل ده لوحده لكن مش بيكون نفس الاحساس بتاع المانيوال بعد كده فيه حاجه اسمهاالباور شيفت و دية من الغيار الثالث للخامس و الرابع للسادس و ليها حسابات كتيرة جدا علشان تتعمل بدون ما تكسر غوايش
__________________
|
|
|