سامحونى فهذا كثيييييييييير جدا جدا جدا جدا

[Ahmed Anwer]

الثورة خرمتلي كاوتش العربية

[Hamada_El_Sh3er]

بجد والله انت قولت اللي على لساني
وبجد انا نفسي الناس اللي بتعمل مظاهرات حالياً دي تتلم بقى وتخلي عندها دم شوية
لأن بجد اللي جاي ده مش خير ده شر لو فضلوا يعملوا اللي بيعملوه ده
وغير الخطر الداخلي اللي حضرتك بتتكلم عنه
لسه الأخطار الخارجية والمصايب اللي عماله ترف مرة واحدة
زي اتفاقية حوض النيل والسفينتين الحربيتين اللي اتنيلوا وعدوا من قناة السويس
عشان إيران تستفذنا وتخلي موقفنا وحش قدام العالم
والخطر اللي في سيناء من إستنزاف واستفزاز للقوات اللي على الحدود
لازم نفهم إن في حاجة إسمها الأهم فالمهم
والأهم هو مصلحة مصر العليا وباعدين مصالحنا احنا كمصريين والله هتتحقق
بس مش بالطريقة دي

[د.كمال]

هى مرحله وهتعدى ان شاء الله وكلنا سوف نجنى الثمار.
إحنا متهزمناش فى حرب ياجماعه عشان تزعلوا كده .
إحنا مش لوحدنا إللى بنتحرر من الظلم والاستعباد والفساد .......امال لو كنتم ذى الشعب الليبى تنضربوا بالطيران ولا يروح منكم 3000 شهيد كنتم عملتوا إيه
الحريه تمنها غالى
يعنى محدش اتكلم على المليارات اللى اتسرقت من دمنا
ومحدش اتكلم على الاراضى اللى اتوزعت واتنهبت وهى من حق الشعب
ومحدش إتكلم على اللى فتح السجون والاقسام وخلا البلطجيه والحراميه تخرج تهدد الشعب
ومين اللى بيحرك الاعتصامات الفئويه غير اتباع النظام السابق .
امال لو راح ابنك او اخوك شهيد كنتم عملتوا إيه .
خلاص الناس اللى هتروح يوم الجمعه ميدان التحرير هما السبب فى مشاكلنا .

[eng_ahmed_90210]

الاستاذ عمر سليمان قال احنا شعب غير مؤهل للديموقراطيه و احنا دلوقتي بنثبت ان كلامه صح و الله انا كنت قبل الثوره كنت حاسس بامان اكتر من كده اكيد كنت مضرور من الكوسه و الفساد و كانت الحكومه بتقلبني ضرايب و خلافه بس كنت بنام مرتاح البال في امان و حامد و شاكر ربنا علي نعمه ... بعد الثوره شفت ايام اسود من قرن الخروب و الزيتون و معنتش عارف ادوق طعم النوم زي زمان و مرعوب علي اهلي اللي هتحاسب عليهم يوم القيامه ... سكان زرزاره ببورسعيد خاربين البلد بمعني الكلمه كل يوم بيضربوا نار علي الجيش اللي مش قادر يلمهم و شغالين نهب و سرقه و قتل و دخلوا شقه الوالد كان حاجزها في مشروع اسكان جديد و اخدوها وضع يد بس طلعناهم منها بضرب النار و الحمد لله و ده اللي انا اخدته من الثوره شغلي اون لاين بيزنس وقف معظمه و فقدت عملاء كتير بسبب قطع النت ليا ويب سايتيس نامت في الدره بسبب متابعه الناس للاحداث الجاريه كله كوم و حريقه عربيتي الفيرنا كوم تاني و يجعله عامر

[مهند سالم]

للأسف مش الشعب غير مؤهل للديمقراطية، لكن الشعب غير مؤهل للحرية.
للأسف الشعب اتعود على العبودية، عايز ياكل ويشرب وينام ، ومش عايز وجع دماغ، للأسف ما حدش عارف إن المعالي تنال بالجد والتعب.
خلاص الثوار دلوقت بقوا هما سبب المشاكل، الثوار إلا بيعتصموا في جزء من الميدان للمطالبة بالعدالة والحرية ومحاكمة الفاسدين، الثوار إلا ما بيخرجوش إلا يوم الجمعة والإجازات.
للدرجة دي مش عارفين إن إلا بيحرك المظاهرات الفئوية والبلطجية هما رجالة الحزب ورجال الأعمال الفاسدين بمعاونة الفاسدين من أمن الدولة، ألا تنظرون أيها الناس ، هل أنتم عميان.
ما مصلحة الثوار في إثارة الشغب أو البلطجة أو حتى المظاهرات الفئوية، اتقوا الله سبحانه، فهذه الفوضى لا يقوم بها إلا أعضاء النظام البائد، لكي يثبتوا للناس أن الفوضى من صناعة الثوار، وأن عصرهم كان عصر الأمان، وحتى يعتموا على ملفات الفساد ولا تتم محاسبتهم.
اتقوا الله في الكلمة واصبروا لكي تنالوا بلدا حرا كريما غنيا. ما الذي جلبه علينا أمان مبارك إلا الذل والاستعباد والسرقة والفساد وانحدار كرامة المصري داخل وخارج بلده، وتراجع الدور الحضاري المصري. اتقوا الله في الكلمة.
إني على استعداد أن آكل وأولادي في الفترة القادمة العيش الحاف لجد لما بلدنا تعدي بر الأمان ونجني كلنا ثمار العدالة والحرية.
ولازم تكونوا عارفين إن الأمن مش هيسود غير لما نحاسب الفاسدين، لأن الفاسدين هم إلا بيشيعوا الفوضى مش الثوار.
اتقوا الله وقفوا يدا واحدة في مواجهة البلطجية وأصحاب المظاهرات الفئوية، وبيني وبينكم الأيام، وسيثبت الله سبحانه وتعالى الحاكم العدل أن كل هذه الفوضى هي من صناعة النظام البائد، وستعلمون يوما أنكم ظلمتم إخوانكم من الشباب، ونفذتم دون أن تشعروا خطة المفسدين في نشر الفوضى والتعتيم على ملفات الفساد.
يارب يا رحيم أظهر الحق وأهله، وأعن الحق وأهله، ومكن للحق وأهله، وأذل الظلم وأهله، وافضح الباطل وأهله إنك ولي ذلك والقادر عليه، آمين، آمين آمين إلى يوم الدين، وحسبنا الله ونعم الوكيل