حاجة أول مرة تحصل لى..... حد يعرفها

[حمدى مخترع مانيوال بدون د]

المشاركة الأصلية كتبت بواسطة tham1010 أنا عندى بس استفسار صغير هو لازم عشر ثوانى بالصبط يعنى لو طالت المدة شوية منى غصب عنى يحصل ضرر... هل تدوير التكيف بيكون على البارد ولا الحار والسرعة قد ايه ولا مش تفرق....

مش هيجرى حاجة لو المدة اختلفت فالوقت والتكيف يكون عالبارد زى ما قال البشمهندس هشام الجزار وبعدين مش مطر تعمل الى بقول عليه لو انت مش مقتنع تحياتى لحضرتك وللاستاز هشام الجزار

[احمد على 1999]

عن نفسى أؤيد الراى ان بسبب قفشة الفرامل و انت معشق و بتدوس بنزين و اكمن اسطوانة الدبرياج كويسة فمتزحلقتش فطبعا ال rpm مش حيرفع و انت بتطحن فى التيل اليمين
مع كامل احترامى للراى الخاص بفصل البطارية و اعادة التوصيل و على ما يبدو محاولة عمل ايدل ليرن .......... ملوش علاقة نهائى
صلح الفرامل الاول و جرب

[حمدى مخترع مانيوال بدون د]

المشاركة الأصلية كتبت بواسطة احمد على 1999 عن نفسى أؤيد الراى ان بسبب قفشة الفرامل و انت معشق و بتدوس بنزين و اكمن اسطوانة الدبرياج كويسة فمتزحلقتش فطبعا ال rpm مش حيرفع و انت بتطحن فى التيل اليمين مع كامل احترامى للراى الخاص بفصل البطارية و اعادة التوصيل و على ما يبدو محاولة عمل ايدل ليرن .......... ملوش علاقة نهائى صلح الفرامل الاول و جرب

استاز احمد على كل سنة وحضرتك طيب لك تقديرى هوا بيقول بدوس بنزين لاخر الدواسة ومفيش ار بى ام بيعلى وممكن تمشى وبعدين تعملها تانى ولو الفرامل فيها جهاز جيبى اس يبقى ليها دخل بالكنترول ولو انا ما قلتش اسمو صح صححلى ودة معناه ان بيحصل لخبطة فزاكرة الكنترول ولو فيه تعقيب عند حضرتك نتناقش احتمال اكون غلطان تحياتى لحضرتك:Wk iss5:

[احمد على 1999]

المشاركة الأصلية كتبت بواسطة حمدى مخترع مانيوال بدون د استاز احمد على كل سنة وحضرتك طيب لك تقديرى هوا بيقول بدوس بنزين لاخر الدواسة ومفيش ار بى ام بيعلى وممكن تمشى وبعدين تعملها تانى ولو الفرامل فيها جهاز جيبى اس يبقى ليها دخل بالكنترول ولو انا ما قلتش اسمو صح صححلى ودة معناه ان بيحصل لخبطة فزاكرة الكنترول ولو فيه تعقيب عند حضرتك نتناقش احتمال اكون غلطان تحياتى لحضرتك:Wk iss5:

و حضرتك بالصحة و السلامة يا استاذ حمدى
طيب ما هو عشان ال ABS او الفرامل عامة فيها حاجة غلط فدى اللى اولى تتصلح الاول
اما بالنسبة لموضوع ذاكرة الكنترول فدى عمرها ما بتتمسح
اللى حضرتك يمكن تقصدها حاجة اسمها الايدل ديى فى بعض الماركات لو البطارية اتفصلت او فضيت ( هى عنده لا اتفصلت و لا فضيت ) فبعد اعادة توصيل البطارية بتحتاج إجراء اسمه الايدل ليرن يعنى اعادة تعليم وحدة الكنترول كيفية التحكم الامثل مع صمام الايدل للحفاظ على ال rpm مظبوط اثناء ما البوابة تكون مقفولة لكافة الاحمال

و عن نفسى ارجح ان استاذ ثام كانت العربية متكتفة معاه و هو مش حاسس و اكمنه معشق و الدبرياج منظومته سليمة فطبعا عمر ما ال rpm حيعلى لان العجلة اليمين قافشة و يا دوب العربية ماشية

[حمدى مخترع مانيوال بدون د]

المشاركة الأصلية كتبت بواسطة احمد على 1999 و حضرتك بالصحة و السلامة يا استاذ حمدى طيب ما هو عشان ال ABS او الفرامل عامة فيها حاجة غلط فدى اللى اولى تتصلح الاول اما بالنسبة لموضوع ذاكرة الكنترول فدى عمرها ما بتتمسح اللى حضرتك يمكن تقصدها حاجة اسمها الايدل ديى فى بعض الماركات لو البطارية اتفصلت او فضيت ( هى عنده لا اتفصلت و لا فضيت ) فبعد اعادة توصيل البطارية بتحتاج إجراء اسمه الايدل ليرن يعنى اعادة تعليم وحدة الكنترول كيفية التحكم الامثل مع صمام الايدل للحفاظ على ال rpm مظبوط اثناء ما البوابة تكون مقفولة لكافة الاحمال و عن نفسى ارجح ان استاذ ثام كانت العربية متكتفة معاه و هو مش حاسس و اكمنه معشق و الدبرياج منظومته سليمة فطبعا عمر ما ال rpm حيعلى لان العجلة اليمين قافشة و يا دوب العربية ماشية

هوا مش الايدل مسؤل عن الصلنسيه ومعالجة الصلنسيه حسب ضبط واستهلاك المتور للبنزين وفيه حساس خاص بالسرعة على البوابه والاى بى اس خاص بالفرامل وبيقوم بعملية توزيع القوة على المساتر لمنع التزحلق وممكن يقفش عجلة ويرخى على التانية وده بياخد اوامر من الكنترول ولو الكنترول مهنج ممكن تحصل لخبطة فاداء الوظايف انا بكتر مع حضرتك فالكلام علشان استفاد من علم حضرتك اكتر واكتر تحياتى