الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

[aymanlaw]

المشاركة الأصلية كتبت بواسطة m_ss2 للاسف انا لم ارى مؤيدين لشفيق الا المنتفعين من نظام مبارك فى الفاسد او الفاسدين انفسهم

ليس بلضرورى ان يكون منتفع اوفاسد فبذلك التصنيف تكون قد ظلمتهم ,حيث انهم احرار فيما يختارونه وعن نفسى لهم كل التقدير والأحترام .
اما الرد الذى يستوجب الأشارة إليه هو التنويه على ان هذا الشخص ,أى شفيق عندما تنعته بأنه فاسد فهو تشبيه ووصف فى محله ينطوى على شواهد وادلة وشبهات تدينه ولكن مثله فى سدة الحكم كثيرين فهم سند له يمدوه بلقوة بمالهم من سلطان الحكم ومن فى الخارج أكثر بكثير ممن ينتمون الى الحزب الوطنى المنحل بكل ماتعنيه الكلمة من معنى سىء ومعنى دال عن عدم وجوده على الساحة السياسية,لذلك واجب على المؤيدين لهذا الرجل ان يقارعونا بلحجج والبراهين الدالة على عكس مارأينا وتابعنا وعايشنا من مراحل وجوده فى رئاسة الوزراء وما تلاها من سنريوهات لم تنتهى حتى الأن بداية من مذبحة الجمل ثم حرق وطمس المستندات الدالة على الفساد والمخالفات والجرائم التى قام بها النظام بمافيهم جهاز امن الدولة
وهذا للتذكرة وانعاش الذاكرة

http://www.youtube.com/watch?v=JzzuW...eature=related

http://www.youtube.com/watch?feature...&v=B3_vk6nb9rM
وهذا بقية حديث بلال فضل مع منى الشاذلى وبلذات فى اخر الحوار لأنه تكملة للحوار بعد قولها ان حريق الجهاز المركزى تم اطفائه بيد الموظفين ثم قام الجيش بلمساعدة ,ولكن قصدى هنا هو توضيح بلال دور احمد شفيق ومحمود وجدى فى طمس الدلائل والحقائق وضياع الحق الشعب فى معرفة من كان يقوده إلى مصير محتوم!!!!!!!!!!!!!!!!!!

http://www.youtube.com/watch?v=qwS_6...eature=related

مشاهد قتل وتخريب بأيدى الشرطة المصرية وموقعة الجمل __والتصوير بواسطة التلفزيون المصرى
وهذا هو الواقع المحتوم

http://www.youtube.com/watch?v=CX1Wu...eature=related

ارجوك يامن تساند شفيق الدلائل لاتعد ولاتحصى فما دليلك على صدق هذا الرجل إن لم يكن فى يوم من الأيام احد تروس ماكينة النظام البائد الفاسد الذى ماذال يحيا بقوة قد تكون اشرس من زى قبل ,أخى يامن انت مناصر لشفيق هل انت مثلنا مصرى ام نكون نحن ليس مصريون !!!!!!!!!!!!!!!!!!!!!!!!! !!

[M.TONSY]

المشاركة الأصلية كتبت بواسطة sayed2077 والله فعلا مش عارف الناس ديه هتدى صوتها لشفيق لييه واولهم الحج ابويا قعد يقولى انا هنتخب صباحى صباحى ورجع من الانتخابات لقيته بيقولى انا انتخبت شفيق وقلتله ليه عملت كده لقيته قعد يقولى علشان الاستقرار وهو الوحيد اللى فاهم وهو الوحيد اللى خبرة وبصراحه مش عارف ايه حكاية الخبرة ديه مع شفيق ولقيت كل واحد من مؤيدى شفيق بيفضل يقول الاسطوانه المشروخه هى هى الناس للاسف مبقاش عندها حلم تغير حاجه كل واحد عاجبه حالة الشركات الكتير اللى اتخصخصت ديه مين اللى عملها كده نهر النيل والسياسة الخارجيه الفاشله والمعامله السيئة اللى بيلاقاها المصريين فى بلاد الخارج مين المسئول عنها اهمال المواطنين فى كل حقوقهم وعد احترام ادميتهم للاسف ده مشروع كان بيتنفذ على مدى سنين من مبارك واعوانه انه ينيم الناس ويسحب منهم ادميتهم ويشيل الاخلاق والكرامه من الناس و يعودهم على الذل والاهانه حضرتك الى يومنا هذا لو روحت تعمل محضر او دخلت قسم تلاقى ظابط لسه بنجمتين يبقى قاعد على الكرسى وحاطط رجل على رجل وبيلعب فى الموبايل بتاعه تيجى تكلمه يقولك اطلع فوق لو رفعت قضيه على اى حاجه او ليك حق عاوز تاخده تكون خلفت وعيال عيالك هيكون لسه هيتنطقوا الحكم فى زمنهم (لينا قضيه بقالها اكثر من 25 سنه اه والله و المضحك انها هتتعاد من اول وجديد يعنى 25 سنه كمان ) القضاء البطيىء الى فى البلد ده ضيع حقوق ناس كتيير ولو كان القضيه على مزاجهم كانت تخلص فجلستين وفى الاخر يجى يقولك شفيق الخبرة لو كل حاجه كانت بالخبرة يبقى طالب بيسقط فى المدرسة بقاله 10 سنين كان افضل من مدرس لسه متعين جديد ويقولك الاخوان وحشيين على الاقل مشفناش منهم حاجه وحشه لعمرهم قتلوا حد و لا سرقوا حد ولا جوعوا حد والبلد اللى مسكوا حكمها ادينا كلنا شايفنها دلوقت وهيا تركيا ياريت الكل يشوف بقيت عامله ازاى دلوقت ومش هقول غير ان كل واحد هينتخب شفيق اتمنى لو عنده الشجاعه الكافيه يقول (اللهم احشرنى مع سيادة الفريق احمد شفيق ) وعلى فكره انا سألت اتنين السؤال ده منهم واحد بيحب حسنى مبارك واحمد شفيق قوى ولما قولتله قول كده راح قالى (اللهم احشرنا مع عبادك المؤمنين) ههههههههههه وواحد تانى وهو الحج والدى بصراحه ومرضيش يقولها وده معناه ان كل واحد عاوز ينتخب شفيق عارف انه مش كويس بس بيبقى فيه حد مغمى على عينه وعمال يقوله شفيق خبرة شفيق خبرة شفيق خبرة هههههههههههههههه والله يهدى الجميع

نصيحتى ليك فى الاعادة يا سيد ضيع بطاقة الحاج قبل الانتخابات علطول :smileW 4:

[moslem2]

اسباب تاييد شفيق هى هى اسباب اسفين ياريس هى هى اسباب الى كانوا بيقولوا سيبوا مبارك 6 شهور ...فعلا فيه ناس كتير مسيطر عليه فكرة الاستقرار وان البلد فى خطر داخليا وخارجيا واقتصاديا وان الاخوان عامليين ميلشيات مسلحه .فعلا توفيق عكاشه سره باتع وميعرفوش ان البلد هترجع تانى زى الاول بانتخاب شفيق والبشاير بانت برجوع فلول وجال اعمال الحزب الوطنى وتجار السلاح الكبار والناس الى كانت خافت وهربت رجعت تانى اقوى واشرس وبتدعم شفيق لانه هيرجعهم زى الاول

[tham1010]

يا أخى الفاضل. كثيرون يرون الأثنين - شفيق ومرسى - مش يساوا بصلة هم الأثنين. ولكن المثل بيقول "إيه اللى رماك على المر قال: اللى أمر منه". ناس كثيرة هتعصر على نفسها ليمونة وتختار شفيق.

أنت بتختار شفيق مش لانه حلو ولكن لان مرسى خطر. مرسى والأخوان هيأخدوا مصر لشكل جديد خالص انت مش عارف هيكون وحش ولا لا. ولكن الأكيد أن لو الرئاسة دخلت عند الأخوان يبقى لا يمكن هتخرج من عندهم أبدا. اليوم مرسى وبكرة الشاطر وبعدة العريان والقائمة طويلة. وبعد ما عملنا ثورة علشان مش يكون فى توريث من مبارك لعيالة هتجد نوع جديد من التوريث وهو التوريث السياسى.

أنا بنتخب شفيق لان ممكن أختار حمدين صباحى بعد 4 سنين ولكن مع مرسى هيكون زى جواز النصارى أبدى ومش هيكون لحد فرصة فى تداول السلطة وكله بالصناديق.

لو أخطأ شفيق هيلاقى البرلمان والتحرير وشباب الاخوان فى الميدان يقفوا له ويعدلوه. أنا لو أخطأ مرسى لن تجد أحد تلجأ إليه لان البرلمان بتاعهم والشرطة هتكون بتاعتهم وشباب الأخوان معاهم. ولما تيجى تتظاهر فى التحرير هتلاقى كام الف ينزل لهم فى ميدان اخر شباب الأخوان بالألف وتبقى مظاهرة ضد مظاهر ورأى ضد رأى وهيكون الشعب هو الطرف الأضعف امام تنظيم الأخوان.

شفيق بيوحد الشعب ضددة ولكن مرسى بيفرق الشعب وينهى الثورة وهنرجع تانى لأيام مبارك لما كانت الشرطة تحوط الكام نفر اللى بيقفوا امام نقابة الصحفيين ويفضلوا يهاتوا لسنين لحد ما الشعب أتحرك مرة.

أنا أشبة ثورة يناير بنصر أكتور. شئ كان مستحيل يحصل ولكنه حصل ولكن لا تتوقع أن يحدث بنفس القوة والتجمع كل يوم.......

عرفتوا ليه الناس الثــــــــــــــوار الحقيقين اللى خايفين على بلدهم ووحدته رضوا بشفيق ليه؟؟؟؟؟؟؟؟؟؟؟

[man2731212]

المشاركة الأصلية كتبت بواسطة tham1010 يا أخى الفاضل. كثيرون يرون الأثنين - شفيق ومرسى - مش يساوا بصلة هم الأثنين. ولكن المثل بيقول "إيه اللى رماك على المر قال: اللى أمر منه". ناس كثيرة هتعصر على نفسها ليمونة وتختار شفيق. أنت بتختار شفيق مش لانه حلو ولكن لان مرسى خطر. مرسى والأخوان هيأخدوا مصر لشكل جديد خالص انت مش عارف هيكون وحش ولا لا. ولكن الأكيد أن لو الرئاسة دخلت عند الأخوان يبقى لا يمكن هتخرج من عندهم أبدا. اليوم مرسى وبكرة الشاطر وبعدة العريان والقائمة طويلة. وبعد ما عملنا ثورة علشان مش يكون فى توريث من مبارك لعيالة هتجد نوع جديد من التوريث وهو التوريث السياسى. أنا بنتخب شفيق لان ممكن أختار حمدين صباحى بعد 4 سنين ولكن مع مرسى هيكون زى جواز النصارى أبدى ومش هيكون لحد فرصة فى تداول السلطة وكله بالصناديق. لو أخطأ شفيق هيلاقى البرلمان والتحرير وشباب الاخوان فى الميدان يقفوا له ويعدلوه. أنا لو أخطأ مرسى لن تجد أحد تلجأ إليه لان البرلمان بتاعهم والشرطة هتكون بتاعتهم وشباب الأخوان معاهم. ولما تيجى تتظاهر فى التحرير هتلاقى كام الف ينزل لهم فى ميدان اخر شباب الأخوان بالألف وتبقى مظاهرة ضد مظاهر ورأى ضد رأى وهيكون الشعب هو الطرف الأضعف امام تنظيم الأخوان. شفيق بيوحد الشعب ضددة ولكن مرسى بيفرق الشعب وينهى الثورة وهنرجع تانى لأيام مبارك لما كانت الشرطة تحوط الكام نفر اللى بيقفوا امام نقابة الصحفيين ويفضلوا يهاتوا لسنين لحد ما الشعب أتحرك مرة. أنا أشبة ثورة يناير بنصر أكتور. شئ كان مستحيل يحصل ولكنه حصل ولكن لا تتوقع أن يحدث بنفس القوة والتجمع كل يوم....... عرفتوا ليه الناس الثــــــــــــــوار الحقيقين اللى خايفين على بلدهم ووحدته رضوا بشفيق ليه؟؟؟؟؟؟؟؟؟؟؟

بقا هو عشان يعني انا خايف ان الاخوان تبقي زي الحزب الوطني.. أقوم انا انتخب الحزب الوطني نفسه