مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار

[sherifabden]

لو العربيات الكوري بتنزل بنفس مواصفات بيعها في الاسواق الاوروبية هتبقا احسن من الالماني والياباني
يعني عربية زي السيراتو دي بتنزل بره باكتر من 6 ايرباج لكن في مصر 2 ايرباج وفي اعلى فئة كمان
وهيا دي مشكلة الكوري في مصر

[خالداعزالناس]

موضوع متميز

[برنس الليالي]

المشاركة الأصلية كتبت بواسطة sherifabden لو العربيات الكوري بتنزل بنفس مواصفات بيعها في الاسواق الاوروبية هتبقا احسن من الالماني والياباني يعني عربية زي السيراتو دي بتنزل بره باكتر من 6 ايرباج لكن في مصر 2 ايرباج وفي اعلى فئة كمان وهيا دي مشكلة الكوري في مصر

الله ينور عليك يا برنس هو دا الكلام ..
إنما لو فعلاً زي الاسواق الاوروبية اعتقد حيبقى سعر الكوري جحيم اكتر ماهو جحيم
عموماً انا في الوقت الحاضر مش بقتنع بحاجة اسمها كوري والماني وفرنساوي ..
انا ببص للتجهيزات وقوة الموتور ووسائل الأمان وبردو جودة التصنيع

[sherifabden]

المشاركة الأصلية كتبت بواسطة برنس الليالي الله ينور عليك يا برنس هو دا الكلام .. إنما لو فعلاً زي الاسواق الاوروبية اعتقد حيبقى سعر الكوري جحيم اكتر ماهو جحيم عموماً انا في الوقت الحاضر مش بقتنع بحاجة اسمها كوري والماني وفرنساوي .. انا ببص للتجهيزات وقوة الموتور ووسائل الأمان وبردو جودة التصنيع

المشكلة في الجمارك لانها بتفرض جمرك زيادة على اي حاجة في العربية
يعني كل ايرباج عليه فلوس
كل نظام امان عليه فلوس ودا طبعا غباء وتخلف وطبعا التوكيلات بتضطر انها تقلل عدد الايرباجات علشان السعر
وطبعا هما عارفين ثقافة المستهلك المصري اللي بينجذب ناحية الشكل والاوبشن علشان كدا بيقللوا وسائل الامان ويزودوا الكماليات
لكن لو سياسة المستهلك المصري انه بيهتم بوسائل الامان في المقام الاول كانت العربيات في مصر نزلت باحسن مواصفات امان

[Toyota Corolla]

المشاركة الأصلية كتبت بواسطة برنس الليالي دا كان زمان يا برنس ... دلوقتي مفيش فرق بين الكوري والالماني في عربيات معينة عندك النيو سيراتو موتور 130 حصان ومليانة اوبشنز وواخدة تقييم 5\5 في وسائل الأمان وجودة التصنيع تقدر تقولي ايه الفرق بينها وبين الاسترا دلوقتي ؟

انا مش بتكلم علي الاوبشنز ماهو الصيني مليان هو كمان ولا بتكلم علي الموتور عشان اللي بيختار عربية علي اساس موتورها ده انساس سطحي و يا فرحتي بموتور 500 حصان بس مش هيعمر زي موتور 200 حصان بس قصدي ان جودة الكوري و العمر الافتراضي لكل قطعة غيار في السيارة استحالة تتشابه مع الالماني و مش هتصدق كلامي دلوقتي بس هتصدقوا كمان 6 او 8 سنين لما تشوف حالة الاسترا و حالة السيراتوا من نفس موديل السنة و كل عربية حصلها اعطال ايه .