إلى أخوتى ( حازم خضر وفادى )

[فادى]

المشاركة الأصلية كتبت بواسطة samirayad لو ده ماحدث فعلا يبقى حسنى مبارك خساره فينا بجد مفيش فعلا رئيس زيه يخاف على أولاد بلده بالشكل الجميل ده فبارك الله فيه وعافاه إن كان هذا ماحدث بالفعل

الرئيس قد يكون أخطأ و أصاب
لكننى شخصيا لا اعتقد انه شرير,
و عندما يخطىء الرئيس لا يعاد انتخابه لكنه لا يهان و يطرد.
كل سنة و انت طيب يا أستاذ سمير بمناسبة المولد النبوى الشريف.

[samirayad]

كل سنة و انت طيب يا أستاذ سمير بمناسبة المولد النبوى الشريف.

كل عام وأنت وكل مصر موتورز وجميع المصريين

بخير وسعاده

وأسأل الله

أن يجعل يوم ميلاد المصطفى



بداية عهد جديد ونقى

لمحبوبتنا مصر

[maka]

المشاركة الأصلية كتبت بواسطة samirayad خد عندك ياهندسه 1- أنتشار الفساد والرشوه والمحسوبيه 2- فساد التعليم وتفشى ظاهرة الدروس الخصوصيه بشكل بشع ورهيب يستنزف موارد أى أسره 3- غياب الضمائر وتوافر الحقد والكراهيه بين أفراد المجتمع الواحد 4- أنتشار الظلم 5- توسيد الأمور لغير أهلها 6- هروب العديد من المصريين خارج البلاد فى محاوله لأيجاد مجتمع نظيف 7- تواجد ناس بتلعب بالفلوس لعب .....وناس بتشرب ميه مختلطه بالمجارى 8- إنتشار الكذب والمداهنه للمتسلقين ولو على حساب الغير 9- توافر مناخ مهيىء وبشده للبعد عن تعاليم ديننا الحنيف دى نبذه مختصره عن بعض الأنجازات المتواجده حاليا

المشاركة الأصلية كتبت بواسطة corsair يا راجل يا طيب انتا هتنكر انجازات ابو علاء ده انجازاته فاقت انجازات العالم كله ده هو اللي ملا البلد بالفاسدين والقتله والبلطجيه ده هو اللي خلي البلد بتاكل في بعضها واول مره في مصر تحصل فتن طائفيه علي ايده هو اللي مخلاش واحد سليم في البلد ديه من المبيدات المسرطنه والقمح المسرطن اللي دخل البلد هو اللي حبيبه زكريا عزمي هرب ممدوح اسماعيل اللي قتل 1500 واحد في العباره هو اللي خلي نص الشعب بيعاني من الفشل الكلوي والضغط والسكر والمراره هو اللي مخلاش حاجه في البلد الا وخصصها هو اللي ضيع دم المصريين اللي راحو هدر في حرب 73 بحبه وعشقه لاسرائيل ده كان ناقص ياخد اللقمه من بق الواحد ويديها ليهم هو اللي دفن كل موهبه طلعت من البلد ديه ومسح كل برأة اختراع بأستيكه ونفي كل عالم بره البلد وكتم صوت الحق السنين اللي فاتت ديه كلها في اكتر من الف قرية موصلهاش الميه والمجاري والكهربا لحد دلوقتي سلم البلد لابنه واحمد عز يلعبوا بالشعب زي ما هما عايزين ويتاجرو بأثار البلد كل واحد قال لا للظلم اترمي في المعتقلات بنا جدار عازل علشان يمنع كل المساعدات عن الفلسطينين وكان بيحارب قافلة الحياة علشان متدخلش فلسطين واتهمهم بانهم بتوع مشاكل ضحك علي الشعب كله في مبارة الجزائر في السودان وعمل فيلم علي الشعب المصري واتضح ان مفيش اي حاجه حصلت في السودان لهي الشعب في الكوره علشان يسرق البلد بمزاج ومن غير ما حد يحس مخلاش لاي مصري كرامه في اي دولة خارجية الله يرحم ايام عبد الناصر لما كان في اي دولة يسمعوا ان في مصري ماشي في الشارع كان يجرو علشان يتصورو معاه قفل كل القنوات الدينية علشان بيقولو كلمة الحق وكانو بيدافعوا عن ام المؤمنين السيده عائشه رضي الله عنها وارضاها سعر الميت في البلد 5000 جنيه يعني تتقتل ولا تتحرق في قطار العياط ولا في الدويقة وتاخد تمن اللي مات 5000 جنيه هو ده سعرنا في مصر علي فكرة تبيع طريق مصر السويس لتلاته ابو العنين والمغربي واحمد عز والواحد مش لاقي حتة ارض متر في متر يبني عليها كشك ياكل منه عيش هو واهله اراضي زراعية بتدخل كردون مباني ويتبني عليها والبلد معندهاش اكتفاء زاتي من الغذاء علشان تاخد شقه 100 متر في عهده كنت تبيع اهلك وفي الاخر متجبش نص تمنها يتلغي قانون الايجار القديم والناس تدور علي شقه قانون جديد سنه ولا سنتين ويترموا في الشارع كل حاجه في عهده بقت بالرشوه يعني ادفع علشان مصالحك تمشي والله يا جماعه انا لو قعدت اتكلم من هنا لبكره الصبح مش هكمل ربع اللي عمله فينا ربنا ينتقم منه

المشاركة الأصلية كتبت بواسطة samirayad إليك الآن أعظم أنجاز تم بين أبناء الشعب الواحد http://www.masrmotors.com/vb/showthread.php?t=47295

و الله و نعم الانجازات ده على كده يستاهل نعمله تمثال فى جنينة الحيوانات

و الحيوانات ساعتها هتموت من القرف

[maka]

المشاركة الأصلية كتبت بواسطة فادى الفساد موجود فى كل بلاد الدنيا ديموقراطية كانت أم غير ديموقراطية, فى امريكا التى يقولون انها ديموقراطية فشل الشعب فى اقرار نظام للعلاج المجانى رغم انه مطلب شعبى لا يختلف عليه سوى 0.0001% هم أصحاب شركات التأمين الصحى!! الفشل لأن أصحاب شركات التأمين الصحى تغلغلوا داخل دوائر صنع القرار. فى بلاد اخرى زى روسيا هناك فساد أكثر مما هو موجود بمصر بمراحل, و هو فساد اجرامى بغيض لا يقتصر على الرشاوى و استغلال السلطات. و فى البلاد العربية فان ما بها من فساد يتعدى ما بمصر بكثير. مبارك ليس مسئولا عن الفساد, للأسف مازلت تدور فى مخيلتنا نموذج غريب للقائد سينمائى أكثر منه واقعى: الوزير الصالح يدخل على مبارك, و يقول له يافندم الناس شايفة انو احمد عز فاسد! مبارك يتنرفز و يسب و يلعن, ثم يأمر بأن يجلبوا احمد عز اليه, و يأمر بوضعه فى السجن و يوزع امواله على الفقراء!! هكذا بلا قضاء و بلا مستندات و بلا أى شىء و كأننا فى القرون الوسطى. مبارك ليس قاضى, و ليس مسئولا عن تتبع الفساد, أين كان القضاء؟ و لماذا لم يتذكر احد هؤلاء الفاسدين الا الأن؟ هذه مسئولية القضاء لا مبارك. مبارك كما كتب فى الأهرام هو من دافع عن المتظاهرين و أوقف حبيب العادلى و منعه من ارتكاب مجزرة, بعدما وصله أنباء ان حبيب العادلى ينوى التعامل بعنف, فما كان منه الا ان وبخه و قال له سوف انزل الجيش هما هيتفاهموا مع الناس احسن منك. و كان هذا السبب فى ثورة غضب العادلى و سحبه لقواته فجأة, لوضع مبارك و حكومته فى موقف صعب. هذا الموقف يظهر المعدن الأصيل لهذا الرجل الذى دائما ما ينحاز الى شعبه.

يا استاذ فادى لو الفساد فى الدول المتقدمة 10 % فالفساد فى مصر اوشك على 90 % ولو الشعب الاميركى فشل فى حل مشكلة فاحنا فشلنا فى حل الاف المشاكل

و لو زى ما بتقول ان مبارك مكنش عارف مين الفاسد من الصالح فده عذر اقبح من ذنب زى يختار ناس بالشكل ده مش معقول 30 سنة مش بيتحرى الدقة فى اختيارته و اول ما يختار حد عدل زى الجنزوى يروح يطيره فى قمة نجاحه فى اصلاحات اقتصادية تريح الشعب

ايه تعليق على حجم ثروة مبارك ؟؟؟

و الكلام بتاع سحب القوات انت جايبه من الاهرام اللى كان مولى ليه قبل تنحيه ............. حلو

طاب ايه رايك عن رويترز اللى قالت ان الطيارتين كانوا طالعين يضربوا المتظاهرين و الجيش اللى قلب عليه و سحب منه الثقة و اجبره على التنحى

نصدق مين فيهم ؟؟؟ حتى و لو الاتنين كذابين ناخد بالاسباب اللى احنا عايشنها

استاذ فادى سوال اخير هل بتعانى من مشاكل فى حياتك ؟؟؟

[amrmohamed1975]

طيب و بعدين سواء المشفق على الرئيس او الحانق عليه ياجماعة اتركوا هذه الامور الان خلفكم و تعالوا نبني البلد للاسف و اقولها مرة اخري للاسف نحن شعب لم يتعود على النظام و الاحترام الا من رحم ربي طبعا عشان التعميم مش هيبقي حقيقي الغالبية العظمي حست بحالة الضعف اللي عليها الدولة وو اتفرجوا الناس بقت تعمل ايه فى البلد استيلاء على الاراضي و الشقق و بناء على الاراضي الزراعية و تعطيل للحياة العامة انا عارف انه فى الاساس من حنق الناس على النظام و اللي حصله من تحت راسهم بس و بعدين ابوس قدم كل واحد منكم عمرنا حالنا ما هيتصلح كده اللي يقدر يساعد بحاجة اللي يقدر يوجه شخص للطريق الصح بلاش نختلف فى حاجة خلاص الاختلاف فيها مش هيفيد حد مننا يلا نبني و نتعلم ازي نبطل سلبية و سمحوني لو كلمي سبب ضيق لحد منكم