ايه راى الناس فى 6 ابريل وفى البرادعى

[تامر ديزل]

قبل ما اقول رأيي شوفوا دي الاول
لقيت دي على النت وانا بدعبس عن اي اخبار بخصوص مليونية 9 سبتمبر
قلت انقلهالكم كده بعبلها زي ما هيا
وللعلم لست مع هذاالرأي او ضده ولكن هوا سيناريوا متوقع ممكن يحصل وممكن ما يحصلش
المصدر اجابات جوجل : والعنوان للمصرين فقط ضروري ...احذروا من مليونية 9 سبتمبر
( حيوزعوا ورق ويقولوكم دى مليبونية لاقالة حكومة شرف و وقف المحاكمات العسكرية و تطهير القضاء و اقالة النائب العام والاسراع بمجاكمة مبارك و تطهير الاعلامووضع حد ادنى للاجور 1200 جنية واعانة بطالة و التوقف عن قيادة الثورة المضادة وووووو
حيملوها حجات كدة من اللي يلموا بيها الشعب ويتاجروا بالامهم المهم يجمعوا ويحشدوا اكبر عدد ممكن
المهم انك بعد ما حتروح الملايونية دى بحسن نية ...مش حتلاقي حد بيقول المطالب دى المذكورة اعلاه ..حتلاقيهم بيقولوا حاجة تانية وهى (يسقط المشير ..يسقط حكم العسكر ...يسقط الجيش) وحتلاقي نفسك مشترك معاهم في الاشتباك مع الجيش لاضعافة واسقاطة وحرق دباباتهم .
ودة بسبب ان الانتخابات اللي منظمها الجيش قربت خلاص فاضلها اقل من شهرين ..وهما عاوزين يلحقوا يسقطوا المجلس العسكري قبل الانتخابات ..علشان يعملوا مجلس مدنى منهم ينقلب على الثورة ويمسك الحخكم بالعافية 3 سنين) انتهي الاقتباس

[تامر ديزل]

بالنسبه ل 6 ابريل والبرادعي
1 - ما قابلتش حد قبل كده من 6 ابريل ولكن معرفتي بهم من خلال متابعة كتاباتهم على النت او كتابات التيارات التانيه عنهم
2 - القاسم المشترك لجميع موضوعاتهم هو الهجوم على الجيش وتخوين المجلس العسكري
3 - اذا رد عليهم اي حد يتهموه مباشرة انه فلول وخاين للثورة وبيحب جزمة المجلس العسكري والتهمة الاكبر اللي بتخلي الناس اللي زيي تنفر منهم هي اتهامهم للناس باغباء وعدم الفهم والجبن وعدم المسئولية والكلام ده موجود على النت وشوفوا بنفسكم اعضاء 6 ابريل بيردوا ازاي على معارضيهم
4 - ولكن
فيه شوية حقائق اساسية لازم نعرفها او بمعنى اصح نفتح عنينا ونفهم كويس
- المجلس العسكري فعليا الحاكم للبلد ومبيفكرش انه يسلم السلطه فعليا للمدنيين انما ممكن يكون بيفكر في تسليمها لرئيس ضعيف والدليل هيا المبادئ فوق الدستورية اللي الجيش هيكون الحامي لها بمعنى انه يقدر يتدخل في سياسة البلد اذا الرئيس او البرلمان خالفوا القواعد فوق الدستورية او هما شافوا انه فيه تجاوز ليها وطبعا فيه فرق
- المجلس العسكري حاليا هو رمز الحكم في مصر ورغم الحقيقه الاولى الا انه دفع الضرر مقدم على جلب المصلحه فلو حصل ولو ان ده مش ممكن حاليا لو حصل ان الشعب طاوع 6 ابريل وخرج ف مظاهرات واعتصامات لاسقاط المجلس العسكري هتكون البلد بدون سلطه بدون حاكم يعني دمار شامل
- المجلس الرئاسي اللي بتقترحه 6 ابريل وغيرها من التيارات المشابهة هل فيه حد يعتقد انه الشخصياتالمطروحه تقدر تحكم مصر ؟ لو حد يقدر يقنعنا يتفضل
- المقصود بالمقدره على حكم مصر هو هل يقدر يحكم مصر في ظل عدم وجود الشرطه والجيش اللي مفروض ان الشعب هيسقطه او هيسقط المجلس العسكري يوم الجمعه الجايه طيب ها يحكم مصر ازاي
- السؤال للمصريين بس اللي يعرفوا مصر كويس من اقصاها الى اقصاها علشان مش عايزين احلام ورديه

[تامر ديزل]

نيجي تاني ل 6 ابريل انا شخصيا ما بحبش الشباب اللي يطول شعره او يعمل منظر في نفسه غيرالناس انا بحب الشاب الراجل علشان كده فيه حاجه نفسيه تجاه الناس دي لما بشوفهم ف التلفزيون
الكلام اللي قايله الاستاذ مادا عن شقق وسط البلد هوا مسئول عنه وان كنت لا استبعده لاني بشوف لهم صور ف الخيام اللي كانوا معتصمين فيها صور كوووووول
كون ان حركة 6 ابريل كانت في مقدمة الثورة ده شئ يحسب ليهم ويشكروا عليه بغض النظر عن باقي ما يثار عنهم انما لا يعطيهم اي حقوق الهية اوشرعية في قيادة البلد او قيادة الراي العام
لازم نفرق بين السلوك السياسي والسلوك الشخصي يعني لو سلوك 6 ابريل او الجماعات المشابهه الشخصي سلوك حوله شبهات فده لا يجب ان يكون سبب هجوم لانه كده بنخرج بالقضيه عن مضمونها وانما لازم نركز على سلوكيات سياسية
سلوكيات سياسيه زي تلقي تمويل او تدريب او تنفيذ مخططات وهنا الكلام لازم يكون بادله لانه اذا كنت محامي خايب ممكن تخسر قضيه كسبانه وممكن محامي شاطر متمرن كويس يكسب قضيه خسرانه

[مادا]

جماعة6 ابريل كل غرضهم تسخين الشعب على الجيش لاسقاط المجلس العسكرى ووضع البرادعى رئيسآ للجمهورية بدلا من المجلس العسكرى او وضع اى احد من ناحيتهم يتحكم فى سير الانتخابات الرئاسيه القادمه حتى يتاكدوا ان البرادعى هو رئيس الجمهوريه القادم وعلى فكره البرادعى محدوف علينا من امريكا واى حد يبعرف 6 ابريل على حقيقتهم ويريد فضحهم يتهمونه انه من فلول النظام القديم او انه خائن وعميل وكل مظاهرات 6ابريل القادمه حينادوا باسقاط المجلس العسكرى 6 ابريل خايفه لالبرادعى مينجحش فى الانتخابات القادمه وتريد وضعه على كرسى الرئاسه بالعافيه

[mf]

لا يارااجل 6 ابريل دووول ناس كُمل احنا اللي ولاد ستين في سبعين ...

هما اللي مصريين بس ...

عيب تقول عليهم كدا .....