حيران يا جماعة - ياريت تساعدوني - رينو سكالا أو نيسان صني؟؟

[ahmed-alaa]

المشاركة الأصلية كتبت بواسطة alabaster أ/ خالد أنا اتاكدت من كلام الأخ الفاضل أحمد أن نيسان مصر بتستخدم طريقة عفى عليها الزمن و هي SAE Gross لحساب قدرة المحرك بدون النظر الى فاقد نقل الحركة Transmission Loss علشان أنا معايا البروشور بتاع الصني بينما رينو بتستخدم طريقة ال SAE Net اللي بتاخد في الحسبان فاقد نقل الحركة اللي تقريبا النظام المتبع في الدنيا لحساب قدرة المحرك. " شكرا جزيلا لأستاذ أحمد على توضيح النقطة و ربنا يبارك لك " كمان انا تأكدت ان هو نفس الموتور المستخدم في الاتنين Nissan QG16DE من البروشور و موقع رينو المكسيك. أنا ان شاء الله هاتوكل على الله و أحجز Renault Scala علشان أحدث و أنظف وأحلى و علشان أنا كمان ما بحبش الناس اللي بتتذاكى ptmnlo123per111

تمام يا فندم اهو كده حضرتك فهمتني والعفو يا باشا احنا تحت امرك وربنا يوفقك ويباركلك ودي علي فكرة سياسة اغلب الشركات اليابانية تويوتا ونيسان بيعملو كده لما يكون الموتور الهورس باور بتاعتو مش قوي اوي يكتبولك ال sae gross عشان يعرفو ينافسو يا ريت الناس تاخد بالها من النقطة دي
وربنا يوففق حضرتك في الشراء ان شاء الله
ولما تستلم ان شاء الله ابقي فرحنا معاك وقولنا رايك فيها

[elgdawy2007]

بأختصار الرينو سكالا قطع غيار اعلى من الصنى + سعر اعاده البيع سيىء لذلك فأن كنت من هواه اقتناء السياره فتره طويله من الزمن وان كنت ايضا غير مهتم بسعر اعاده البيع وانك سوف تخسر نتيجه لذلك لعدم انتشار السياره بشكل كافى فى السوق المصريه عن النيسان صنى فلك اختيار الاسكالا اما اذا كنت حريص على توافر قطع غيار فى السوق بسعر معقول واعاده سعر البيع جيد بعد فتره وجيزه مثلا واردت ان تغير السياره فلك بالطبع نيسان صنى وهى سياره جيده جدا اما عن موضوع العيوب والكلام ده فدى بقه تعتبر قسمه ونصيب واى سياره احتمال وجود مشاكل فيها بيكون موجود وفى الاول والاخر مسأله نصيب وانت وبختك زى مبيقول المثل وانا اعرف ملاك صنى لا يوجد لديهم اى عيوب فى السياره والحمد لله المهم المحافظه على السياره وده بيكون فى اى سياره تريد ركوبها وان حدث لا قدر الله اعطال فهذا من واقع القسمه والنصيب ارجوا ان اكون افدتك