|
كيا KIA احد اعمدة عملاق الصناعة الكورى اندمجت مع هيونداى لتصبح اكبر مجموعة فى كوريا الجنوبية بينما بدات باعادة تجميع موديلات مازدا القديمة من اشهر الموديلات بيكانتو - سيراتو - ماجنتيس - كارينز - ريو - اوبيروس - كارنفال - سورانتو |
|
أدوات الموضوع |
#16
|
|||
|
|||
رد: استفسار الى اصحاب الخبره في السيارات المستعمله
ان شاء الله وانا فعلا مياله للكيا لاني ملقتش حد بيقول عيوب فيها ولاني لقيت منها1300 CC وعوزاهه تنفعني في السفر اما الاونو فاعتقدت ان جميع قطع غيار الفيت رخيصه
شكرا على الاهتمام والرد سيوضع في الاعتبار
|
#17
|
||||
|
||||
رد: استفسار الى اصحاب الخبره في السيارات المستعمله
لو ان الناس قالت كتير في الموضوع وافادت كتير وانا عارف انك توهتي من تجميع الكلام فحاول اقولهم في نقاط
العربية حاجة من اتنين جديده او مستعمله لو جديده يبقى على التوكيل صيانه الالف كيلو وال5 ال 10 وال 20 لغايه نهاية الضمان لو ان البعض بيؤكد ان بعد 20 الف كيلو ملوش لازمة الضمان وكل واحد ورأيه وصيانه التوكيل ليها جدول موجود بيتغير فيه ايه زيوت او سيور او او او او ودي مفروغ منها والعربية الجديدة غالبا مبتقربيش منها قبل 5 سنين او على حسب الاستهلاك دي نقطة حبيت اقولهالك علشان لو دماغك راحت للجديد لو نها مش موضوع السؤال نيجي بقى للمهم المستعمل لما بتشتري مستعمل بتتأكدي من حاجات هيا ايه 1. حالة الماتور 2. حالة جسم العربية شاسية وصاج وابواب وكله ما هو حديد او صاج في العربية 3. حالة القطع المتغيرة زي الكاوتش والبطارية 4. حالة الدهان 5. حالة العفشة الماتور اخونا حسام البورسعيدي عامل موضوع وعرضة لحضرتك فيمشاكة وفيه كل التفاصيل (وانا اتمني اني اخد كورس معاه هو وواحد كمان تعابني ) العفشة من الطبيعي انها بتتغير او بيتغيسر فيها حاجات بصفة دورية على حسب الاستهلاك ايه بقى الحاجات اللي اتغيرت لازم حد متخصص يبص عليها او تشتري عربية عارفه ان عفشتها بايظة ووهتصرفي عليها وبالتالي بتخصمي من تمنها البطارية بتستهلك كل فترة وبالتالي لازم تتغير لو لسه متغيره قريب بيقولك ضمانها اهو لو بطارية عادية بتدوري العربية وتفصليها كذا مرة لو البطارية كويسة يبقى لسه بتاخد شحن يبقى مش هتبطل لو البطارية ضعفت من تالت او رابع دوارة يبقى البطارية تعبانه الكاتوش لو النقشة بتاعته لسه كويسة ومحفورة كويس يبقى حالتته كوييسة وبتشوفي التاريخ والارقام اللي عليه واعتقد فيه موضوع على الكاوتش في الموقع لو الكاوتش حالته قديمة او ممسوح او قرب يتمسح يبقى الكاوتش متهالك دوري العربية واطلعي بيها مشوار لو لمبة الحرارة رفعت يبقى العربية بتسخن يبقى فيه مشكلة في دورة التبريد او الماتور معموله عمرة غلط فيها اثرت على دورة التبريد وانتي ماشي بالعربية لقيتي في كل مطب نقر وتخبيط من تحت يبقى الفعشة تعبانه لقيتي في دخانه بتطلع من الشكمان سودا يبىق عاوزة عمرة لقيتها بيضا يبقى عاوزة جوانات فتحتي الراديتيتير لو لقيتي المياه لونها طحيني يبقى خلطه مياه على الزيت يبقى عاوزة جوان وش سلندر دورتي العربية ومش عاوزة تدور من اول تكه يبقى فيه مشكلة في المارش دورتي ومشيتي بالعربية على طريق والعربية مبتسحبش يبقى فيه مشكلة في دورة البنزين ماشية بالعربية على سرعة 30 او 40 فرملتي مرة واحده لقيتيها بتيجي على الجنب يمين او شمال يبقى عاوزة ضبط زوايا النور كله شغال الاشارات شغاله المساحة شغاله المفاتيح كلها موجوده وشغاله لو فيها طقم صوت اتأكدي ان كله شغال دي شوية حاجات اللي افتكرتها دلوقتي ومن الافضل يوم ما تشتري بتاخدي معاكي ميكانيكي او حد بيفهم في العربيات وبياخد اجرته وبيقولك تساوي ايه او ممكن ترفعيها في التوكيل بياخد تقريبا 150 او 200 جنية بس بتطمني انك بتحطي فلوسك في مكانها واسف على الاطالة
__________________
ولا نقول إلا ما يرضي ربنا إنا لله و إنا إليه راجعون
|
#18
|
|
رد: استفسار الى اصحاب الخبره في السيارات المستعمله
اونو قطعها غاليه ونادره وممكن تسالي بتوع قطع الغيار بنفسك للتأكيد على المعلومه. ده غير انها غير مرغوبه في السوق مقارنه بالبرايد مثلا. يعني لوحبيتي تبيعيها في اي وقت هتتعبي شويه العربيات بيتعملها عمره ميكانيكا. ولو اتعملت صح بتكون حاجه كويسه لكن المتور مش بيرجع كفائته 100% (بيكون مش اكتر من90%). ولو اتعملت غلط بتكون حاجه مش كويسه خااالص وبتحتاج تتعمل تاني من اول وجديد . بالنسبه للعفشه ممكن تكون متغيره اصلي وممكن تكون متغيره صيني .وممكن يكون غير اجزاء بسيطه ويكون فيه اجزاء تالفه متغيرتش وغاليه والمالك يقول انه غير عفشه كامله 1000&1100&1300 CC كلها ارقام ترمز ل(السعه اللتريه للمحرك)يعني الحجم الي هيتحرق فيه بنزين وهوا بالبلدي كده كل ما السعه التريه زادت كل ما قوه المتور كانت اكبر وكل ما زاد استهلاك البنزين في المقابل ..والعكس صحيح وارجع واقولك اكتبي ميزانيتك عشان تستفيدي وتختاري صح(اكيد كل واحد بكون عامل ميزانيه قليله او كتيره ...المهم انه بيكون مقرر الميزانيه.) حاجه تانيه مهمه..بنزينه شل في شارع الهرم بتكشف على العربيه بالكامل وبتعمل تقرير مفصل بحاله العربيه مقابل 120جنيه التعديل الأخير تم بواسطة sharooo ; 23-10-2010 الساعة 05:51 PM |
#19
|
|||
|
|||
رد: استفسار الى اصحاب الخبره في السيارات المستعمله
شكرا على الردود والتوضيحات المهمه دي
معلش سؤال كمان لما تكون العربيه تبع مرور بعيد عني هل ممكن تتحول تبع المرور الاقرب وهل اجراءاته سهله ولا لا ارجو الرد سريعا وشكرا |
#20
|
رد: استفسار الى اصحاب الخبره في السيارات المستعمله
السلام عليكم
ممكن طبعا تتنقل بس اجراءاتها غلسه شويه. 1-تعملي عقد مسجل في الشهر العقاري الي انتي تابعه ليه حسب عنوان بطاقتك.(وده بيكلف ابتداء من60 جنيه لغااايه2000جنيه على حسب نوع العربيه وموديلها والبلد المصنعه ليها والي بيحددها الموظف) 2-شهاده مخالفات(صلاحيتها اسبوع). 3-شهاده بيانات (صلاحياتها شهر) لو الرخصه منتهيه او مكتوب عليها تصريح مؤقت . 4-تروحي بقا للمرور بتاعك بالعربيه تفحصي العربيه وتدفعي الضرايب والتامين الاجباري وتصرفي لوحات جديده و تفكي الي على العربيه و.تسلميها و ... 4-ممكن تاخديلك3 ايام معاناه مستمره لغايه لما تخلصي وانصحك ترخصي 3 سنين وابعدي عن ايام السبت والخميس يعني بصراحه انا منقلتش عربيتي بسبب الاجراءات وبجدد في نفس المرور القديم بتاعها التعديل الأخير تم بواسطة sharooo ; 24-10-2010 الساعة 12:56 AM |
|
|