#16
|
||||
|
||||
رد: عفوا ايها الازواج .....رفقا بالقوارير
جزاكم الله خيرا على المداخلة (وجعلنا بينكم مودة و رحمة ) ما فيش اجمل من كلام الله عز و جل الخالق البارئ الستير الرحمن الرحيم الذى ان نعد نعمه فإنها لا تعد و لا تحصى طبعا انا ضد الزوجة سليطة اللسان النكدية الزنانة و كل الصفات التى قد قالها بعض الازواج لى فى الرسائل الخاصة التى وصلتنى او المداخلات فى موضوعاتى ربنا يعلم انى كل هدفى هو اصلاح ذات البين لكل بيوتنا و كلنا لنا اخطاءنا و انصح نفسى قبلكم جميعا رجال و نساء وطبعا ما تقوله بانهم لم يصبحوا قوارير فهذا كارثة لان جمال المرأة فى ضعفها و ادبها و تدينها وليس فى نديتها و تسلطها و بذاءة لسانها ولعياذ بالله وانا شخصيا يا رب يقطع لسانى قبل التطوال على زوجى اللذى اكن له كل احترام و تقدير ....و المناقشة بين الزوجين لابد ان تتسم اكيد بالاحترام المتبادل و عاوزة اقول سرا للبنات و السيدات ( يا ستى لو تتطاول عليكى خليكى انتى مؤدبة و محترمة و حقك سوف تأخذيه بالادب ولو مش فى الدنيا ربنا هيعطيه لكى فى الآخرة اضعاف و انتى الكسبانة فى الحالتين خليكى انتى احسن منه و بلاش تعملى رأسك برأسه ) اشكرك على المداخلة الرائعة التى وضحت لنا الكثير و ان شاء الله يارب مراكبنا كلها تمشى الى الامام دائما هههههههههه
و لا يهمك النوع ده كمان له الحل باننا نوسع المدارك و الاهتمامات شوية لان التصرف ده بيكون من ضيق الافق و الاهتمامات التى لا تتعدى المطبخ و الاكل ندخل هوايات اخرى مفيدة من قرآه او حفظ قرآن او مشروع صغير او بحث فى مواضيع ثقافية او كورس كمبيوتر او او او غيره حاجات كثير و بعدين يا سيدى لو رسيت على بكاء اسبوع مافيش مشاكل كبر ماغك انت الكبير و اعمل الموضوع بهزار و قول هى امينة رزق هتمشى امتى
و طرحى لهذه المواضيع ليسالا لتذكير انفسنا جميعا بحدود الله فى المعاملات و اللى لو عملناها كلنا نرتاح ربنا يصلح لنا جميعا بيوتنا و احنا كلنا اخوة و اخوات و انا شخصيا بآخذ رايكم فى امورى و ربنا يستر و يعدينا من الدنيا عل خير
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#17
|
||||
|
||||
رد: عفوا ايها الازواج .....رفقا بالقوارير
موضوع مهم اخوانى-ابنائى اعضاء المنتدى الجميل
وهى شكوى من احد الازواج (بكثرة طلبات زوجته) انا هبدأ كلامى و اقولك عندك حق كثرة الطلبات ترهق و تزهق بس هقولك هل تشعر ان ضميرك مرتاح ومكفى بيتك و طلبات زوجتك و اولادك ( اعزك الله و كرمك و رزقك بالرزق الحلال لهم) رسولنا الكريم قد علمنا ان دينار تصرفه على بيتك و اهل بيتك له ثواب اكبر من الصدقة وبصراحة انت حتى لو قلنا انك بخيل شويتين ده مش غلطتك لان الزوجة الذكية المخضرمة التى تتعلم الاسلام صح تعرف ازاى بلباقة تخليك تصرف على بيتك بكرم وتلبى طلباتها عن طيب خاطر باللسان الحلو و حسن التصرف كما امر ديننا وليس بالخناق و سلاطة اللسان و جعل الزوج يهرب من نكد البيت و طلباته فى انتظار آرائكم ومناقشتى ان كنت مخطئة فإغفروا لى تقصيرى
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#18
|
||||
|
||||
رد: عفوا ايها الازواج .....رفقا بالقوارير
الله ينور عليكى يا باش مهندسة سلوى انا بقالى سنتين فى جحيم (العناد وعدم سمعان الكلام المفاجىء)
ربنا يستر وشكرا ليكى وشكرا لنصائحك العظيمة وفعلا انتى اخت كبيرة باين من كلامك شكرا |
#19
|
||||
|
||||
رد: عفوا ايها الازواج .....رفقا بالقوارير
سوف اتحدث معك و نرسم خطة سويا حالا لهذه المشكلة و مشكلة اخرى مشابههة جاءتنى على الخاص وهى شكوى اخ محترم لم يقصر مع زوجته فى شئ و ميسور الحال ويشتكى مر الشكوى من الآتى بس مش عارف اية سر - العناد المستمر - عدم سماع الكلام المستمر - عصيان كلامى بأستمرار - رفض اى افكار أو اقترحها فى البيت مجرد اقتراح - معارضة مستمرة لأتفة الأسباب - طلبات مستمرة - بقت مادية أكتر على عكس طبيعتها - صوت عالى جدا على عكس طبيعتها - التأكيد على تنفيذ قراراتها وأوامرها حتى فى ابسط الأمور بس استأذن اصلى المغرب اولا ثم اعود اكمل
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#20
|
||||
|
||||
رد: عفوا ايها الازواج .....رفقا بالقوارير
السلام عليكم و رحمة الله و بركاته
هنعمل خطة طيبة الآن لعلاج الزوجتين السابقتين المشتركتين فى نفس المشكله 1- حضرتك اعمل عزومة لاهل زوجتك اثناء زيارتهم قم بمناقشة اى شئ معها امامهم ليظهر اسلوبها فى النقاش اطلب منها طلب انت تعلم انها سترفضه ليظهر غضبها امام والدها ووالدتها و اخوها واختها يعنى يا ريت احنا عاوزين نظهر اكبر عدد من العيوب امام اهلها علو صوتها وعنادها عدم طاعتها لكلامك انها مادية و طلباتها كثيرة كل ما يمكن اظهارة عمليا امامهم و تمالك انت اعصابك شويتين و لا تغضب عليها امامهم .............احنا عاوزين بذكاء نفرش لها السجادة لكى يظهر كل الاخطاء عمليا ( ههههههه شريرة انا ) ثم تتوجه الى اهلها بالكلام هل ينفع كده ؟؟؟؟؟؟؟ هل يرضيكم سوء الخلق هذا ؟؟؟؟ تقبلوا على ابنكم يكون هكذا فى بيته ؟؟؟؟ هل انا لو سكت على كل هذه الاهانات و التجاوزات اكون راجل فى بيتى يا جماعة لقد تحملت الكثير على مدى 13 سنة من اجل اولادى اللى همه قلبى و روحى انا مش عاوز اقول ان فيه زن على ودانى علشان افض وجع القلب ده و اتزوج واكون رجل محترم فى بيتى ولى وضعى وعليها الطاعة و احترامى كما امر ربنا و الدين بذلك وما اكثر البنات اللى يتمنوا العيشة المرفهه اللى هى عايشاها ونشوف سوف تنجح هذه الخطة ام لا و لا تقلق فيه خطط كثيرة وبعدين بصراحة انا سمعت من طرف واحد و لم اسمع منها ربما انت تظلمها فى شئ انا لا اعلمه و لذلك مش عاوزة آجى قوى عليها وعموما الخطة دى ليس فيها ظلم لها و هيظهر اخلاقها و كلامك صح و لا غلط وبالتوفيق وربنا يهديها لك يا رب اكثر من الاستغفار و الصلاة و الصدقات لكى يهدى لك الله دابتيك
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
|
|