عرفتوا مين اللي كان بيوزع الفلوس في التحرير

المشاركة الأصلية كتبت بواسطة mf86 اللواء الرويني :الجيش لايقول كلام مرسل والاخوه بتوع 6 برسيل دخلوا في حاره سد تيجوا الاوامر بس يامرمر وكل حلجه هتنزل علي الشبكة العنكبوتيه من اول فيديوهات صربيا ..... لحد فيديوهات مصر والتدريب علي السلاح بس الصبر

.

والله يا محمد باشا انا ابتديت فعلا اصدق ان بتوع 6 ابريل دول مورهمش غير خراب البلد ده احنا لسه بنقول يا هادي بعد اللي حصل في امبابة والمنيا ولسه هنبتدي نقف علي رجلنا طلعولنا بجمعة الحسم وجمعه اخرة صبري وحسبي الله ونعم الوكيل في اللي مش عايز يخلي البلد ديه تتقدم خطوة لقدام

[خميس حسن]

المشاركة الأصلية كتبت بواسطة mf86 اللواء الرويني :الجيش لايقول كلام مرسل والاخوه بتوع 6 برسيل دخلوا في حاره سد تيجوا الاوامر بس يامرمر وكل حلجه هتنزل علي الشبكة العنكبوتيه من اول فيديوهات صربيا ..... لحد فيديوهات مصر والتدريب علي السلاح بس الصبر

والله كل شىء جايز وربنا يظهر الحق ويرزقنا الامن والامان
لكن اذا كانو بيخططو فعلا لخراب البلد كان من باب اولى يسيبوها لحسنى ورجالته وهم قادرين على خرابها ومدربين جاهزين وخبرة طويلة واجندتهم جاهزة ومجربه وثبتت اعلى كفاءة فى الخراب المستعجل والدمار الشامل وماعتقدش اى دولة مهما كانت عداوتها لمصر ان تحلم بما وصلت له مصر وشعبها من تاخر وحطة و وازلا ل متعمد لهذا البلد الامين

[Devill Blood]

أنا مش عارف ليه المجلس العسكرى بيعمل كده ليه كلنا لأخر لحظة كنا بنحبه ومستعدين نضحى عشانه لكن لغة الحوار أختلفت وكشف كل شئ وأخرها
تأكيد ريس تحرير جريدة الأخبار إن مبارك سافر 3 مرات فى فبراير إلى تبوك
مع أن المجلس عسكرى أكد إنه تحت الأقامة الجبرية

[abo-salama]

رد محترم على الكلام الفارغ اللى بيتقال وناس من الشعب الغلبان صدق بدون دليل

[MmFFoR]

انا متضامن مع 6 ابريل

و زي ما اشهد للاخوان موقعة الجمل

اشهد ل 6 ابريل انهم من محركي الثورة ضد الطاغية و نظامة لما كان المجلس العسكري بكل بساطة عمود من اعمدة نظامة!!!!!

حد يقدر يكذبني؟؟؟