فيرناو سيينا او لانوس

[يحيي]

شكرا جزيلا يا بوب و ياريت نكون اصدقاء بس عايز اسألك سؤال اصل انا مليش في السيارات والتوكيلات انا اول مره اشتري عربيه واسوق اساسا بس انا مستغرب انك بتقول يعني ان توكيل غبور وحش انا معرفش انا بشوف اعلانات كتير ليه في التلفزيون هو ايه عيوبه
اللانوس تبع مركز خدمه ابو الفتوح هو فين مركز الخدمه بتاعه

[يحيي]

انا بعتلك علي الياهو رساله برجاء استمرار التواصل بينا مشكور علي تعبك معايا بس بردك مجوبتش علس سؤالي

[POP EL GAMED]

توكيل غبور وحش بسبب الزحمه ومع الزحمه بقى بيشتغل فيه ناس كتير عشان يلاحقوا وده طبعا قلل من مستوى الكفائه وبرضه راعى عامل الكروته
ده غير عامل السرقه اللى بتحصل(زى الكاسيتات اللى بتتاخد من العربيات اجهزه الانذار المضروبه اللى بتركب كل دى حاجات تخلى الواحد يبعد عن غبور)
ده طبعا غير العربيات اللى بتدخل الصيانه تطلع فيها نفس العيب ده ان مكانتش تطلع بعيوب اكتر من اللى كانت داخله بيها
وطبعا لازم تسيبك من موضوع الاعلانات وغبور حل مشكله حياتى لان الكلام ده كله هبل وبيضحكوا بيه على الناس ومفيش تقسيط مباشر مع غبور برضه بيتقسط مع بنوك
والكلام ده انا واخده من واحد صاحبى شغال هناك وقالى باللفظ ابعد عن اى عربيه متجمعه هنا(طبعا قصده من غبور فى مصر)
لكن مثلا نيجى نتكلم على عربيه زى السوناتا منقدرش نقول انها وحشه عربيه جميله جدا ومحترمه انما بكام عشان غاليه فهى مبتتجمعش فى مصر

اما بالنسبه لموضوع اللانوس
فاللانوس ليها كذا مركز خدمه
واللى بيخدمها ابو غالى وابو الفتوح(واى ابو انت عايزه يخدمها هيخدمها)
فيه مراكز لابو الفتوح واشهرهم مركز ابو رواش والعباسيه
وفيه مركز بتاع ابو غالى فى المعادى
وفى واحد فى جسر السويس
وفيه واحد فى طومان باى(معرفش ده فين)
وفيه مركز الكويت والبلاد العربيه (ده فى شارع التحرير فى الدقى)
وفى الاخر انت ان شاء الله لما تقرر انك تشترى العربيه هتعرف ايه اقرب مركز وانسب مركز بالنسبه ليك
ملحوظه(المعلومات دى كلها من واحد صاحبى معاه لانوس 2000)
واى خدمه

[Ahmed Anwer]

ما بين الفيرنا و اللانوس

فيرنا بدون تفكير

و اي حد يقولك غير كده

بيكون بس نوع من الحنين للماضي و اللي نعرفه احسن من اللي نعرفوش و الكلام ده

حتي في نقطة التوكيل كفاية ان حاليا دايوو بتودع في مصر و ابو الفتوح مركز مع الاسبرانزا

السيينا معرفشي اي حاجة عنها الصراحة


لكن لو عايز رأيي الشخصي ،،


استغني عن الشنطة و عن اعادة البيع العالية و زود حاجة بسيطة أوي

و اختار ما بين الاثنين دول

بونتو كلاسيك

عربية ايطالية بالكامل ، 2 اير باجز ، جنوط اسبور ، عربية واسعة من جوه و شنطتها معقولة جدا

مش محتاج كلام عن شياكتها

و في نفس الوقت قطع غيارها فيات قديم ،، موجودة في كل حته و اعتقد ليها اعادة بيع معقولة جدا




جيتز ،،

موتور 1600 جبار شكل جميل و كورية الصنع ، وسع صالون الفيرنا مع شنطة معقولة جدا برده

و احلي ما فيها صالون شيك بتطعيمات الوان جميلة







و الاتنين في حدود ال 74 الف

[MoSHaX]

انا انصحك بالابتعاد عن السيننا تماما ............ خليك فى الدايو او الفيرنا هما الاتنين واحد تقريبا وانا عن نفسى معايا لانوس وعربية كويسة وحتتة السخونة دى مش صح خالص العربية بتكون ماشية ساعتين او تلاتة متواصلين جوة البلد واما انزل الكبوت بيكون عادى جدا معغ العلم انى عربيتى مفهاش عازل كبوت يعنى بيسخن اسرع وممكن الى يكون قالك على المعلومة دى من واقع انو الموديل SE من الانوس بينزل بدون عازل كبوت والموديل S يبنزل بالعازل...انا جربت العربيتن محركهم زى بعض بس محرك الانوس بيدى العزم متاخر شوية لا الفيرنا بيدى العزم بدرى وكمان هتحس بية عند طلعة العربية ... الفيرنا مصممة على اساس الانسر الكيرستالة 98 والانوس مصممة على اساس الاوبل فيكترا 95 القرامل فى الفيرنا احسن من الانوس ... ثبات الانوس احسن من الفيرنا !!! الاستهالك تقريبا واحد ان لم يزيد فى الانوس عن الفيرنا صاج الفيرنا اخف من الانوس ويعيبة زى ما قال بوب الخطوط الحادة اما الانوس فيعيب صاجها التفيخات..
الانوس حتى لو توقفت فى مصر فقطع الغيار هتلاقيها زى ماهى وكمان التوكيل فى كل حتة تلافية وكمان فى مراكز متخصصة فى صيانة الدايو زى فرست كار الى فى فيصل اما الفيرنا فتوكيل غبور مش وحش قوى زى ما الناس فاكرة ...بس يعتبر معقول .اما بخصوص اقتراح الاخ احمد انو بخصوص الجيتز والبوينتو ..
اولا الصورة الى حاطتها للجيتز دى فى اعلى موديل لها الى فية فتحة سقف ودة تمنة 85 الف والجيتز العادية ام 74 الف دى لون واحد بس من جوة ومفهاش كاسيت ... وكمان مش متوافرة فى السوق اليومين دول انا بسال عليها لانى هشترى واحدة زييها ... كمان شوية كدة وهتنزل i20 وهتتشال الاتوس والجيتز ؟؟