#16
|
||||
|
||||
رد: النيوسيراتو سياره جيده جدآ !
بجد اسلوب جميل من راجل اجمل ، انا مابقاليش فترة كبيرة فى المنتدى و بجد اكتر اسلوب شدنى للمتابعة حتى لو الموضوع 20 صفحة .
و الف مبروك على العربية ، و انا شايف فعلا ان العربية دى خدت مكانها خلاص فى البلد ، و بقا ليها اسم فى السوق اكتر من عربيات كتير فى فئتها مثل الكورولا و السيفيك و الجيتا . مرة تانية احييك على اسلوبك الرائع ، و ربنا يباركلك فيها و يديلك خيرها يارب . |
#17
|
||||
|
||||
رد: النيوسيراتو سياره جيده جدآ !
ربنا يبارك لك فيها يا دكتور و يهنيك بيها و يديك خيرها و يكفيك شرها يا رب.....
موضوع رائع كالعادة و فكرتنى يا دكتور بطريق مصر طنطا و اسكندرية طنطا و طنطا المحلة يا سلام ايام الاجازة اللى فاتت و المطبات و حلاوة الطريق بس العيال بتوع الميكروباصات ماكنوش بيعرفو معايا حاجة الحمد لله انت فاهم بقى يا دكتور ... فان ديزل بس مايمنعش برده انى كنت هتقلب مرة فى الترعة اللى على اليمين و انا خارج من طنطا رايح مصر... و اد معاه يوكن نمر سعودية (مش جمرك) سخنى و كنا بنجرى مع بعض و طبعا الزراعى نقل و ميكروباصات و مفيش حارات و كالعادة و انا ماشى 170 لقيت ميكروباص طلعلى من تحت الارض و فرملت بكل قوتى و سمعت برده صوت الكوتش بيصرخ و ريحة الشياط بالرغم من الايه بى اس ... و الحمد لله لحقت غرزة فى اخر لحظة بين الميكروباص و عربية نقل و ربنا ستر............... مصر و طرقها بصراحة مش عايزة جرى فظيع ... ليس لسوء الطرق فقط و لكن لتخلف الكثير من سائقى الميكروباص و النقل و التكاتك و ما شابه ... ربنا يسترها علينا جميعا يا رب و الف شكر يا دكتور على الموضوع مرة تانية*
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!! |
#18
|
||||
|
||||
رد: النيوسيراتو سياره جيده جدآ !
اصلى يادكتور ptmnlo123per171:GROWIN~12 :
|
#19
|
|||
|
|||
رد: النيوسيراتو سياره جيده جدآ !
انا مش عارف اقول ايه و لا ايه
حضرتك لازم تفكر تتحول الى الصحافة او الكتابه الادبيه انا اول مره اشوف فى المنتديات حد يكون له معجبين و جمهور منتظر انتاجه و مشاركاته زى حضرتك. الواحد و هوه بيفتح المشاركه بيقول يا ترى الدكتور عبد السلام محضر لنا ايه المره دى ؟ و انا باضيف الى كلام حضرتك من تجربتى بعد 2000كم ان اللى ماشتراش النيوسيراتو بصراحه خسران كتير لأنها جوهرة و تستاهل اكتر من اللى بيدفع فيها. و ليا ملاحظه على العفشه انها كل ما بمشى بتلين و النشوفيه بتقل و بصراحه مش مضايقانى دلوقتى خالص. الSX بصراحه افضل عربيه فى السوق (الامكانيات مقابل السعر) و لا تقل عن اى سياره يابانى و تقفيلها زى اى عربيه فاخرة و ده شفته و انا باركب فرش للعربيه. سحب ممتاز + استهلاك بنزين ممتاز + تقفيل ممتاز + اوبشن رائع + شكل فخم = مستنى ايه عشان تشتريها و اقل دليل على نجاح العربيه ان الناس بتشتريها خليجى من غير ضمان و بتخاطر من الاعجاب و الثقه انا من شهر و نص ماكنتش الكيا عربيه بابصلها اصلا لكن لما جيت اشترى لقيت كل الطرق تؤدى الى الكيا و استشرت ناس كتير منهم ناس كانوا شغالين فى توكيل الكيا و قالولى اشترى من غير ماتفكر و اقل ما يحسه من يشتريها هو: الرضا التام ربنا يحفظك و يسترها معانا كلنا و احنا فى انتظار مفاجئاتك دائما |
#20
|
|
رد: النيوسيراتو سياره جيده جدآ !
يعني حضرتك عديت علي المحله و كمان من علي الدائري و مافيش تليفون علي الاقل نعمل مع حضرتك الواجب او نسلم عليك لو حضرتك مستعجل المهم حمد الله علي سلامه حضرتك و سلامه العربيه
__________________
حـازم خـضـر
|
|
|