|
المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
أدوات الموضوع |
#16
|
||||
|
||||
رد: الملف مش عايز ييجي من مصر ...... ارجو المساعده
ربنا ييسرلك الصعب
بس هو ده النظام في بلدنا ام الدنيا
__________________
سبحان الله وبحمدة سبحان الله العظيم نبذة صغيرة عن تقنية المستقبل (السيارات الكهربائية) http://www.masrmotors.com/vb/showthr...739#post315739 الماتركسوية يتفضلوا يتفرجوا علي صور ماتركس متظبطة http://www.masrmotors.com/vb/showthread.php?t=42365 |
#17
|
|||
|
|||
رد: الملف مش عايز ييجي من مصر ...... ارجو المساعده
إيه اللي جاب مرور رابعة العدوية في النص أفهم من كلام حضرتك .. إن لما ملف بيتنقل من مرور لمرور ما بيتنقلش مباشرةً .. وإنما بيعدي على مرحلة وسيطة في النص أصلي أنا واقع في نفس المشكلة دي بالظبط الترخيص نقلته من مرور الدقي لمرور حلوان بتوع حلوان بيقولوا لي مافيش حاجة جت وبتوع الدقي بيقولوا إحنا بعتناه من أكتر من سنة فهل فيه مرور في النص بيروحلوا الملف الأول طب ما يمكن ضاع في النص والسؤال اللي نفسي أسأله ، وخايف من إجابته طب وليكن الملف ضاع ( لا قدر الله ) إيه العمل ساعتها ؟؟؟؟؟؟؟؟؟ أنا بعت العربية من شهر تقريباً وعايز أخلص للراجل ورقها ! |
#18
|
||||
|
||||
رد: الملف مش عايز ييجي من مصر ...... ارجو المساعده
السلام عليكم و رحمة الله و بركاته لأ , مفيش ادارة مرور بيروحلها فى النص و لا حاجة , انا اللى كنت شارى عربية والدتى الشاهين من سوق مدينة نصر سنة 2002 و العربية كانت -من فضل الله- تبع مرور رابعة العدوية , فالراجل اللى فى شباك المرور بتاع المنصورة لمل قلتله أن الملف اتأخر أوى ليه, هو اللى شار عليا الشورة دى , أنى أروح أصدر الملف بنفسى من مرور رابعة العدوية و مامشيش من هناك الا و أنا معايا رقم و تاريخ الصادر لأن أى مستند حكومى لما بيتنقل من ادارة الى أخرى أو من مؤسسة حكومية الى أخرى , لازم رقم صادر من مطرح ماهو طالع و رقم وارد من مكان ما راح عشان الحالات زى حالتك كده , يعرفوا ايه اللى حصل بالظبط . خليك معايا خطوة خطوة : الأول روح المرور اللى بعت الملف و ماتمشيش الا و معاك رقم الصادر , الموظف يجيبك يمين و يجيبك شمال , هات منه رقم و تاريخ الصادر , هى دى أهم حاااااااااااااااجة , الموظم بتاع المرور مايقدرش يقول أنه بعت الملف من غير مايكتب عليه رقم و تاريخ الصادر, الموظف اللى بيقولك أنه بعت الملف من غير مايديك رقم الصادر , يبقى بكل بساطة بيستهبل . هات رقم الصادر و طمننا عملت ايه؟؟؟ MERCEDES E230
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
#19
|
||||
|
||||
رد: الملف مش عايز ييجي من مصر ...... ارجو المساعده
انا عربيتى كانت تابعة لمرور مصر الجديدة وعشان انقل الملف اسكندريه اخذ 3 سنين بس بعد ما اخذت استعجال من مرور اسكندرية لمصر الجديدة وبعد كده قالولى الملف ليه جزء فى الجيزة رحت الجيزة وفيصل ملقتش اى حاجه وفى الاخر طلع الجزء فى الدقى وهما مش عارفين حاجة وفى الاخر جه الملف بعد 3 سنين لفيت خلالها وحدات المرور على طريق كعب داير المتبعه مع المجرمين وطبعاً لما الملف وصل عملت فرح وعزومه كبيرة احتفالاً بوصوله لعروس البحر الابيض المتوسط .
ربنا معاك - لازم يكون عندك صبر وهدوووووووووووووووووووووو ووووء |
#20
|
|||
|
|||
رد: الملف مش عايز ييجي من مصر ...... ارجو المساعده
وقاللي الملف راح برقم ص ف ق 851 وده رقم السيارة الجديد شكله كده اتلغبط وكتب رقم السيارة بدلا من رقم الصادر لكنه كتب لي تاريخ الصدور يا رب يكون ده كفاية عشان ماضطرش أروح تاني مرور الدقي ،، أنا خلاص تعبت والله بس أنا عرفت النهاردة معلومة جديدة عليا يا رب تكون صحيحة إن التصاريح خلاص اتلغت ومن هنا ورايح هايبقى فيه تراخيص بس وإن يحق ليا الذهاب للمرور اللي أنا تابع ليه وأن أستبدل التصريح بترخيص وبالتالي أقدر أنقل الملكية في الشهر العقاري بدون استخراج شهادة بيانات ماحدش عنده فكره عن الكلام ده |
|
|