|
#186
06-08-2010, 12:15 PM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#187
07-08-2010, 04:47 AM
|
||||
|
||||
رد: أدب الرحلات
الدوام لله وجزاكم الله خيرا
الدوام لله ياابوعمو (ياابن عمى)
|
|
#188
07-08-2010, 05:09 AM
|
||||
|
||||
رد: أدب الرحلات
9ساعات من هنا لمغاغة (180 كيلو) والطريق من هنا احسن من الطريق من اسيوط للمنيا ؟؟؟؟ ده انا كنت سايق طيارة بقى انا من بلدنا للمنيا 170 كيلو فى 4 ساعات ومعرفتش اخد نفسى (اتنفست) غير لما خرجت من المنيا اخدتها من المنيا لبنى سويف فى ساعة ونص واخدت بنت عمى وعمى وجرى على الطريق الجديد (طريق الجيش/ نهايته مصنع اسمنت طرة ) 130 كيلو فى ساعة بما فيها تغيير فردة الكاوتش للعربية العطلانة
|
|
#189
07-08-2010, 05:44 AM
|
||||
|
||||
|
رد: أدب الرحلات
نكمل
فى يوم راكب قطار النوم ورايح أسوان وجيت اثناء الطريق حسيت انى عايز أشرب شاى فقلت ياواد مبدهاش كوباية الشاى ب12 جنيه (سنة 2000) وايه يعنى م انت دافع 105 فى التذكرة وروحت على الكوفى فعلا شبه الكوفى شوب كراسى وترابيزات وقعدة ومعيشة وفجأة على رأى يوسف معاطى الكاتب الصحفى (واذ فجأتن) واحد كان قاعد على الترابيزة اللى جنبى هو ومراته وابنه وقف على حيله وزعق فى ابنه وقااااال شوف ياد انت يادلوعة أمك زيادة عن 3 مليون جنيه فى حفلة الفرح مش دافع وأخبطو دماغكو فى الحيطة انت وهيا والواد بص لامه وقال لها / شاهدة ياماما يعنى هو انا هتجوز كل يوم علشان بابا يعمل معايا كده العجيبة بقى ان أمه ردت عليه وقالت له / معلش يابنى هو ابوك كده نتن وبخيل وانا فى عقل بالى وبدهشة رهييييييبة بقول / ايه ياواد الشجاعة دى مش هتدفع ازيد من 3 مليون فى حفلة الفرح بس؟؟؟؟؟؟ ايه ياعم انت هتجوزه مصر كلها والا ايه وبعدين كمان هو نتن وبخيل ؟؟؟؟؟؟ لكن وبصراحة اخدنى الفضول اعرف دول هيتصرفو فى ايه وايه اللى ممكن يصرف اكتر من كده اللى الراجل مرضيش يجيبه وفوجئت بالآتى (الكلام ده سنة2000) ونقلا عن مجلات فنية متخصصة 1ــ عمرو دياب يغنى ساعة 150 الف دولار (ولازم دولارمش مصرى) 2ــ الراقصة دينا شرحه (150 الف دولار ) 3ــ محمد منير 300 الف جنيه او 450 الف مش فاكر 4- محمد فؤاد اعتقد 150 الف 5 ــ وفى واحد مش فاكره كان بياخد 20 الف او 50 الف اعتقد تامر حسنى وساعتها قلت ايه الواد ده بيجيبوه بعد الناس م تكون مشيت والا ايه بالاضافة الى البوفيه المفتوح ( اوبن بوفيه ) و ده فوجئت انه عبارة عن الأتى قسم للمشويات / قسم للطيور/ قسم للاسماك / قسم للسلطات والمخللات /قسم للحلويات / قسم للمشروبات بالأضافة الى تكاليف الفندق لمدة اسبوع وهو غالبا 5 نجوم وحجز الصالة لعدد 100 فرد او 200 او اكتر وكله بحسابه طبعا المهم لقيته فعلا بخيل ويستاهل ان ابنه ومراته يرموه من القطار كمان مش انتو معايا برضه ان الراجل ده بخيل جدا كمان ويستاهل الدبح والله العظيم ده سفه الله يرحمك ياأمى انا شفت القايمة بتاعة عفشها فطست على روحى من الضحك لان مش مكتوب فيها غير وابور جاز ماركة بريموس وكانت اشهر ماركة وقتها وسرير بعواميد وطبليه خشب والكارثة بقى ان والدى مكانش معاه يجيب سرير حديد بعواميد فجاب سرير خشب عادى وجدى مشاها هههههههههههههههههههههههه التعديل الأخير تم بواسطة خالدخليفة ; 07-08-2010 الساعة 05:51 AM
|
|
#190
07-08-2010, 06:22 AM
|
||||
|
||||
|
رد: أدب الرحلات
نكمل
دى حكاية شبه اللى فاتت مرة مسافر اسكندرية وركبت قطار 10 ونص بالليل وكنت حاجز فى الدرجة الأولى والدرجة الاولى دى عبارة عن كرسى واحد على اليمين وكرسيين على الشمال او العكس ولانى مش بعرف انا م فى القطار مهما كنت مرهق فركنت دماغى وقفلت عينى لكن سامع وحاسس بكل حاجة حواليا وكان على شمالى راجل ومراته وبنته لفو الكراسى وقاعدين بيتكلمو مع بعض وسمعت حديث غريب خلى نافوخى سخن جدا وفوقنى لكن وبصراحة مفتحتش عينى وعملت نايم الاب / بكرة ننزل شارع فرنسا نجيب الدهب (لمن هم من خارج اسكندرية ده زى الصاغة فى القاهرة كله محلات دهب) البنت / شارع فرنسا ده ايه يادادى انا هجيب الدهب من سويسرا الام / والله عندك حق هنا بقى كله مضروب الاب / طيب بكرة نروح نجيب العفش من دمياط البنت / دمياط ايه المعفنين دول يادادى احنا هنجيب العفش من ايطاليا الا م / شغلهم مش حلو ياراجل مفيش احسن من ايطاليا بلد الموبيليا الاب / طيب ننزل نجيب الاجهزة الكهربائية من زهران (اعتقد وكيل براون فى مصر ) البنت / يابابا ياحبيبى (معرفش مقالتش دادى ليه) هننزل فرنسا نجيب الاجهزة من هناك الاب بغيظ / يبقى بكرة نجيب الستاير والمفروشات فالبنت قالت / احنا هنجيب الستاير والمفروشات واللانجيرى (الاندر وير الحريمى) من اسبانيا (اول مره اعرف ان اسبانيا متخصصة فى الكلام ده) فقال / ليه وهو ماردينى كفر فقالت / انا مجيبش حاجة من هنا انت عايز الشلة والعيلة يقولو علينا بخلا وبنوفر فقال وتقريبا هو قرب يطلع دخان من دماغه / وان شاء الله مين هيروح الرحلة دى فقالت / ريح نفسك ياحبيبى (لاقالت دادى ولا بابا )هنروح انا وماما وخطيبى وطنط (حماتها) وانا توقعت انه يرميهم من القطار او يعمل اى منظر وفوجئت بيه سكت بعد م قال/ خلاص انتى حرة اعملى اللى انتى عايزاه وطبعا بنته قامت ادته بوسه وشكرا يابابا ياحبيبى وانا نافوخى سخن بصراحة ايه السفه ده دهب من سويسرا ودمياط اساتذة الموبيليا معفنين وشوية ستاير من اسبانيا واجهزة من فرنسا و4 افراد مسافرين 5 دول (جمع دولة) تقريبا هيصرفو كام من اقامة واكل وشرب وتنقلات غير شحن العفش من كل دولة ده تكاليف الرحلة دى تجوزشباب بلدنا والبلاد المجاورة كلها المهم اظرف مافى الموضوع سافرت البلد بعدها باسبوع وقابلت خال من اخوالى وده عامل زى حالاتى مبيسكتش بس صعيدى سريع الطلقات فرد وقال / وانت سمعت الكلام ده كله فقلت/ ايوه وعملت ايه هعمل ايه يعنى موضوع ميخصنيش ولو اتدخلت هسمع كلام ملوش لازمة فقال / اتسدج(تصدق)بالله ياابو اختو(ياابن اختى / هو ابن عم والدتى) فقلت / لااله الا الله فقال /انا كنت مسافر فى الجطر(القطار)عنجضى (اقضى) مصلحة ف طنطا وجابلت (قابلت) راجل ومرته(مراته) وهيا مصرة تصيف وهو يجول(يقول) ممعناش فلوس نصيف وتجول اتصرف وبصراحة ياابو اختو صعب عليا الراجل فقلت له / وعملت ايه فقال /مسكت المرة (المرأة) هزجتها(هزئتها) وجلت (قلت) حرام عليكى ارحمى الراجل هيجيب لك منين تصيفى اتلومى (كلمة صعيدى معناها لومى نفسك) ياولية احسن طلاج (طلاق) تلاتة ارميكى من الجطر وجوزها اتدخل وجال (قال) وانت مالك فجلت وانا مالى ازاى ياراجل ياخنتة (مخنث) (يعنى مش راجل) مجادرش(مش قادر) تحكم على مرتك فقلت له / وحصل ايه فقال / فضلت نهزج (أهزق من التهزيق )فيهم من طنطا لمصر( للقاهرة ) فقلت / ايه ده معقول ؟؟؟؟ فقال / والله ياابو اختو لحد مصر وهو نازل جلت له غور ياكش (اياك) اشوفك تانى والله هموتك المرة الجاية ضحكنى وقلت له بصراحة بتوع تجهيز العروسة من خارج مصر دول كانو عايزينك فقال / والله يابو اختو ده انا دمى اتحرج (اتحرق) ولو جاعد (قاعد) جنبيهم كنت رميتهم كلهم من الجطر فانا ضحكت وقلت ف سرى الحمد لله انك مكنتش معاهم حكم انا عارفك فئرى وتعملها التعديل الأخير تم بواسطة خالدخليفة ; 07-08-2010 الساعة 06:30 AM
|
 |
|
|
