#186
|
|||
|
|||
رد: السرعه و التسارع انا وصلت لاختراع مذهل
الأستاذ مدحت الدكتور عبدالسلام رأيه من رأيى وأظن مع معظم رأى متابعين موضوعك، بالفعل الموضوع بسيط جدا كما قلت ولا يحتاج كليب حوالى الساعتين وكتابة مواضيع كثيرة، وهذا يكون بعمل مقارنة عملية بين سيارتك بعد الاختراع وسيارة آخرى مشابهه لها، واستخراج نتائج كداتا بدون تدخل العنصر البشرى وذلك بعد المعايرة الصحيحة للسياراتان وليس مقارنتها بسيارة مرسيدس أو موتوسيكل فمع احترامى لجميع الماركات فذلك لا يعفى وجود خطأ فى عداد السرعة فى سيارات مرسيدس حتى لو حديثة وذلك عن خبرة، ثم عمل مقارنة للتسارع والقوة والعزم بين السياراتين بطريقة صحيحة فذلك سيعطى مصداقية للموضوع وسهولة فى قراءة النتائج.
__________________
التعديل الأخير تم بواسطة atgps ; 15-03-2010 الساعة 07:50 PM |
#187
|
|
رد: السرعه و التسارع انا وصلت لاختراع مذهل
اعادتها هنا ! أولا :- أنا لم أقل أنك لم تعمل شيئآ ولم أقلل من شأنك أو من شأن اختراعك ! أنا بس كنت عايز أوصل لك رساله ان توثيق موضوع أو اختراع لا يتم بالطريقه اللى انت عملتها و رغم انك مقتنع بها و ممكن يقتنع عن طريقها بعض الناس ! الا انها ليست علميه وليست الطريقه الصحيحه ! والرساله دى قصدى فيها مصلحتك لا أكثر ! أنا فاهم كل الكلام اللى بتقوله و مقدره ! لكن انت تسرعت فى الكشف عن الموضوع بهذه الطريقه ! والنتائج اللى انت بتقول عليها دى هايله ! وأنا لو مكانك لازم آخد حقى ! يعنى مش عيب انك تتكسب من الشغلانه دى و تعملها حتى مهنتك حتى لو كنت دكتور ! لآن دى نعمه أرسلها لك ربنا فلا ترفضها ! من حقك تكسب و تشتهر بس لو عرفت تحافظ على السر ! اللى أكيد ح ينكشف سريعآ و يبقى ضاع تعبك ! لازم توثق عملك بطريقه صحيحه و تسجله فى الشهر العقارى و براءة الاختراع و ممكن تبيعه لهوندا حتى ! بس وثقه عن طريق أجهزه و معدات خاصه بالكشف على السيارات قبل و بعد التعديل و تحت اشراف مراقبين محايدين و مصورين أو مخرجين محترفين ! قد تكون ميكانيكى ماهر جدآ لكن مخرج مش بنفس المستوى ! ياريت تفهمنى ! و تقبل تحياتى و أمنياتى لك بالنجاح ! Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#188
|
||||
|
||||
رد: السرعه و التسارع انا وصلت لاختراع مذهل
ptmnlo123per122أستاذ مدحت السيد الفاضل
أعضاء مصر موتورز الكرام اعتذر فعلا للإنقطاع فترة من الزمن بس اهي الدنيا مشاغل كان ضغط شغل بس وكمان شوية ظروف. وأخيرا يا أ.مدحت وبعد طول إنتظار تم إزاحة الستار ولاكن الظاهر كدة إننا هنطول شوية في الكلام مع بعض. اولا وصلتني رسالتك على الخاص ومش عاف أوصفلك مدى سعادتي فعلا بإهتمامك بآراء الآخريين وعموما ماكنشي مانعني عن المنتدى غير الشديد القوي والله وأشكرك مرة أخرى على مجهودك وإهتمامك يا مدحت باشا. آآآه معلش صحيح قبل الكلام المهم أحب أحييك فعلا على زوقك في سماع الاغاني فعلا فعلا عرفت تسمع. ثالثا بقى ودا الأهم تعالى كدة بموضوعية وحيادية وبدون إنحياز ولا ترجيح لكفّة عن كفّه نتكلم بهدوؤ. عايز الصراحة من طريقة كلامك أول الموضوع والي كنت ببقى مصرّ أتابعها يوم بعد يوم حسييت إني هشوف ماااارد مش عربية عادية ياباشا دا أنا كنت خلاص بقى قولت الفولكس الي اكبر مني سننا بقت عربية بتلف مصر وماتور شديد ياعني حاجة كدة تتعمل في العربية من أمو بلاش كإني ركبت تربو تشارجر ببتاع 10 ولا 15 ألف جنييه دا كمان التعبان (طبعا مع الاخذ في الإعتبار تكاليفك كاملة من تغيير العفشة والفتيس لو إحتجت وحاجااات كتيير قوي بتتعمل) قولت بقى وإعذرني في التعبير أنا آسف جدا مقدما إنتا قدامك حل من إتنيين يا إما عملت عملة هتخلييك تتطلع القمر فعلا يا إما إنتا بقى للأسف بتشتغلنا. ثانيا من إستنتاجي كدة لو حبينا نوصل لحل وسط علشان مانخبطشي في حل من الإتنين دول علشان أنا هزعل لو كنت إنتا بتشتغلنا وكمان مش مقتنع إنك طلعت القمر علشان كدة بس أنا مضطر احلل تحليل وسطي. أولا ماينفعش نسميه إخترااع دا ممكن يكون تطويير مثلا أنا مش قصدي سوري أتفه من حاجة إنتا عملتها بس أنا بس عايز اضيف واقعية للموضوع علشان مانبقاش بنتكلم في وادي والنوبيرا بتاعتك ماشية في وادي تاني خالص. تاني حاجة علشان ما أحسش إني ظالمك أو جاي عليك شوية في الكلام ممكن يكون إنتا كمان فاتت عليك حاجة يمكن الفولكس كان الفرق في النتايج معاها كبيييير قوي علشان مثلا ماتورها قديم فلما إنتا عمّرته وظبطّه وعملت فييه إلي انا متوقعه بعد كدة كان الفرق هايل وواضح وصرييح ومع شوية إنجذاب نفسي منك غير مقصود طبعا دا لا إراديا لإبتكارك او تطويرك على الماتور فإتكلمت عنه شوية بإندفاع ولاكن غنتا بردو صادق علشان الماتور كان ميت وإنتا تعتبر صحيته من الموت. اما بقى تيجي نتكلم في النوبيرا بسم الله ماشاء الله العربية فعلا تمام أحلى حاجة عجبتني فيها لما كنت ممشيها على غيار عالي وآر بي إم واطي وسرعة واطية والعربية ماكانتش بتتنطط منك دا إن دل على شيء يدل على غنك فعلا عملت حاجة او فكرة كويسة جدا في الماتور (هنتكلم عنها بعديين) خلت حركته سهلة وسلسة وبيستجيب مع اقل ضغط جوا البساتم. لاكن بقى كاوتش عريض تكييف مفتوح معلش أعذرني ظروف إختبارك اصلا لاهي معايرة ولا دقيقة وإسلوب إخراجك للنواتج كان دون المستوى (أنا آسف تاني) إنتا بس لو جبت عربية تانية نفس الماركة والموديل وصيّنتها صيانة شاملة وقارنت مابينهم بحيادية (بس خد بالك من موضوع البنزين لأني ماينفعش نحطلهم نفس النوع إنتا ماتورك بيستجيب للبنزين القليل عكس العربية التانية وهنتكلم في الفرق دا كمان كام سطر) هتلاقيهم متماثلين تقريبا وأنا بقول تقريبا. لكن لو عايز بقى تخضع نوبيرتك العزيزة لإختبار معاير فعلا وذو مقاييس ثابته يبقى دي سكة مايختلفش عليها إتنين فيه أجهزة بتعمل الكلام ده كويس جدا ولو كانت غير متوفرة في كل مكان تقدر على الاقل تقيص الحصان والخرج بتاع موتورك وتعاير عداد سرعتك عند أي شركة تعديلات (بس إدفع فلوس الإختبار مش أكتر ومافيش حد فيهم هيمد إيده على عربيتك وخليك واقف جنبها طول المشوار ماتسيبهاش) ودا مش مكلف أبدا وتقارنهم بموصفات العربية (وياسيدي معلش خليها علينا إحنا لاعايزين بقى كاوتش اعرض ولا تكييف شغال عاير ياعم عربيتك زي الكتاب مابيقول) المهم نرجع بقى للمهم ودا الغرض من ردي أصلا على حضرتك بص ياسيدي إنتا بسم الله ماشاء الله توصلت لفكرة كويسة تهدي بيها حركة اجزاء الموتور ودا هوا الي بيديلك كفاأة اعلى وخرج اعلى بنوع بنزين أقل وطبعا إنخفاض في معدل الإستهلاك دي كلها حاجات كلنا شوفناها مايختلفش عليها إتنين (أنا بس إعترضت على طريقة العرض للنتايج) ولكن للأسف لو فكرتك دي زي ما انا اتوقع منها ممكن تكون هتسببلك مشكلة كبيرة ليه بقى أولا أنا توقعت إنك هتحاول تملا فراغ المحرك بسائل تزييت من نوع خاص ولاكن اظن كدة إنك قفلت الموتور كله من برة ياعني إستخدمت مادة تقفل بيها كل الفتحات الخارجية للموتور وتملاه غاز نيتروجين مثلا (ودا أنا مستنتجه من كلامك وكلام د.بولبولان في نفس الموضوع ياعني ماجبتش حاجة من عندي) اولا من المميزات غاز النيتروجين ده غاز خامل ياعني مافيش خوف من التفاعلات كمان هوا مش أكسيد النيتروز يبقى بردو مافيش خوف من الإشتعال كثافته غير كثافة الهوا يبقى بردو مافيش خف من هروبه من المحرك ياعني يمكن السيطرة عليه, كل ده جميل جدا ليك حق الإحتفاظ بالفكرة وليك حق الإتجار بيها لو عايز كمان وياسيديربنا يباركلك وغير كدة كمان كمياته داخل علبة المحرك الخارجية أكيد إنتا الأدرا بيها من اي حد. بس بقى فيه مشكلة تانية ياسيدي النهاردة أنا مثلا نسيت اغير زييت ولا مية العربية سخنت ولعت عايز اعمل عمرة ولا نص عمرة أسباب كتيير تخليني افك الماتور ولا بقى إنتا هتشرط عليا ما ألعبشي في ماتور عربيتي إلا عندك إنتاااااا طيب لو قولتلي براحتك هل لمجرد بس إني أفك الماتور أخسر 2000 جنيه انا دفعتهم وإشترييت بهم هوا جوا الماتور خايف عليه لايطير.... ينفع ياعني؟؟؟ طيب بلاش ياسيدي ياسيدي أنا خلاص إقتنعت إني كل سيء قسمة ونصيب وبتحصل ولما ياعني هعمر ماتوري كله أنا هكون واحد لارج ومس هسأل على ال 2000 جنيه دول بتوع التطوير الي عملته في الموتور تمام كدة بس بقى هل هعرف أشيل العزل أو التقفيلات الي إنتا كنت سادد بيها مخارج الماتور كلها علشان تحافظ على الغاز داخل تجوييف الماتور ولا لو سيبتها مش هيحصل حاجة ووجودها زي عدمه. شوف بقي يا أ.مدحت الموضوع ينقسم إلا شقيين مالهمشي تالت مميزات وعيووب الي بيساوي بينهم أو الي بيرجح كفة عن التانية شوية تحابيش كدة زي الفلوس الإقناع والإقتناع ظروف كل عربية إذا مانت محتاجة للتعديل ده ولا لأ ياعني تحترم عقليتي كمستهلك بيفهم انا كمان يبقى ليا حرية الإختيار بين إني اقتنع أو أرفض إنما تصادر رأيي مآمنلكش سوري. لو عربيتي زيرو وخلاص خلصت تليين تطوييرك دا مش هيكون يذكر تأثيره عليها. لو عربيتي زي الفولكس كدة أو النص نقل هحس إني فيه فرق بين السما والأرض. لو عربيتي زي النوبيرا بتاعت حضرتك ساعتها بقى محتاج افكر شوية الأول قبل ماآخد القرار ودا الي بكلم حضرتك عييه (إقنعني) انا آسف جدا للإطالة ومتشكر لكل إلى كمل قراءة وأسف خاص أ.مدحت لو كان رأيي خيب ظنك بس فعلا أنا شايف إني مجرد معرفة واحد زي حضرتك دا شرف كبير ليا وإنشاء الله لما أبقى انزل مصر أجازة أكيد هنزل أصيف في إسكندرية أكيد هتصل بيك وأشوفك على الأقل لو كنت فاضي لازم نتقابل أنا أتشرف إني اقابل واحد زي حضرتك.
__________________
|
#189
|
|||
|
|||
رد: السرعه و التسارع انا وصلت لاختراع مذهل
يا بشمهندس تقرير الفولكس والنص نقل فين يا ريت تحطلنا فيديو ليها نشوف التعديل عمل فيها ايه لاني مش مقتنع بالنوبيرا لان النوبيرا ادائها كويس مفيهوش مشكلة لكن الفولكس والنص نقل هما فعلا اللي هيسبتوا تطويرك الحقيقي في الماتور
|
#190
|
||||
|
||||
رد: السرعه و التسارع انا وصلت لاختراع مذهل
كورسار
انا اللى موجود تحت ايدى دلوقتى عربيه ريتمو مدغدغه بمعنى الكلمه و كانت رايحه فى داهيه ادينى فرصه اقول لصحبها و اصورها و اول ما اصور هنقل التصوير على الموقع وواحده واحده ياسيدى عليا ياواش ياواش |
|
|