مرسى يقرر اعاده مجلس الشعب

[man2731212]

المشاركة الأصلية كتبت بواسطة sherifabden 1/ ايوه كل بعقلنا حلاوة (الاخوان) 2/ طب مش المحكمة قالت انه مش دستوري يبقا ليه هوا قاعد لحد دلوقتي طول ما المحكمة قالت ان المجلس مش دستوري يبقا كانه اتحل 3/ يا باشا المجلس غير دستوري يبقى ازاي يقوم بتسيير الاعمال 4/ هل من صلاحيات الرئيس مخالفة الدستور والقانون ؟؟؟ وتحية خاصة مني الى كل نواب مجلس الشعب الذين امتنعوا عن حضور جلسات المجلس اللادستوري وتقبل تحياتي

هم نفس الوجوه التى كانت ومازالت تحارب الثوره
مثال مصطفى بكرى اللى كان جاى يقول شفيق فاز
+ اطالة النقاش غير مجديه ولننتظر ما تسفر عنه الايام

[sherifabden]

المشاركة الأصلية كتبت بواسطة تامر ديزل نفسي قبل ما اموت اشوف مناقشة موضوعية بين اتنين مصريين مختلفين في الراي ... انما اللي بشوفه اللي عاوز يصدق حاجه بيصدقها حتى لو كانت باطل ... بالعربي .. شيل مرسي الاخواني خالص وشيل المجلس الاخواني خالص من الصورة وشوف الموقف ؟ لو كان المجلس اغلبيته مثلا من حزب المصريين الاحرار وكان ربنا وفق حمدين صباحي وبقى الرئيس مثلا وجه حمدين رجع مجلس الشعب .. كان هيبقى ايه رايكم ... انامتاكد مليون في المية انه مكانش هيبقى نفس رايكم دلوقتي ولا كنا هنسمع شرعية ولا دستورية ولا اي كلام من ده نهائي للاسف ما فيش موضوعية سعادتك

بص يا باشا
لو المجلس كانت اغلبيته من المصريين الاحرار او اي حزب غير الاخوان والدستورية قررت بعدم دستورية المجلس مكناش هنعترض على قرار الحل
وهما اصلا مكانوش هيرجعوا لان مرسي مكانش هيعبرهم
انما علشان المجلس اغلبيته اخوان فهوا رجعهم تاني علشان من جماعته طبعا
وعلى راي المثل انا واخويا على ابن عمي وانا وابن عمي على الغريب
ولو حمدين صباحي رجع المجلس سواء كان اغلبيته اخوان او ليبراليين كنا فعلا هنغضب ومكناش هنرضا بان الرئيس اللي حلف انه هيحترم الدستور والقانون يرجع في كلمته زي العيال ويخالف الدستور والقانون
وتقبل تحياتي

[sherifabden]

المشاركة الأصلية كتبت بواسطة man2731212 هم نفس الوجوه التى كانت ومازالت تحارب الثوره مثال مصطفى بكرى اللى كان جاى يقول شفيق فاز + اطالة النقاش غير مجديه ولننتظر ما تسفر عنه الايام

على الاقل ياباشا التزموا بالقانون
وانا من وجهة نظري ان فل من الفلول التزم باي قانون احسن مليون مرة من اخواني خالف القانون

[man2731212]

ماهى البلد كانت ماشيه بالقوانين فى عهد المخلوع
واصبحت دوله من دول العالم الثالث
ومتزعلش ياسيدى مجلس الشعب حيرجع بالقانون برضه

[sherifabden]

المشاركة الأصلية كتبت بواسطة man2731212 ماهى البلد كانت ماشيه بالقوانين فى عهد المخلوع واصبحت دوله من دول العالم الثالث ومتزعلش ياسيدى مجلس الشعب حيرجع بالقانون برضه

شوف يا عم الحج
صلي ع النبي كده
بص كده
البلد زمان كان فعلا ليها قانون لكن مكانش حد ماشي عليه ابدا
واللي خلا مصر من دول العالم التالت المخلوع واعوانه لما ظلموا ونهبوا وسرقوا واهدروا المال العام
واعتقد ان في الدستور القديم ايام حسني مبارك ان كان في عقوبة لاهدار المال العام
لكن هل العقوبة دي اتنفذت عليه
يبقى القانون زمان كان شكل وبس ومكانش بيمشي على حد
واللي خلى مصر من دول العالم التالت المخلوع واعوانه
وتعالى قولي كده
هل حضرتك سمعت عن قانون يمنع تنفيذ احكام القضاء او قانون يناقض قانون اخر ؟؟؟؟؟؟
وبرضه ياباشا القضاء مش هيسكت تاني
والمجلس الاخواني هيتحل تاني
وتقبل تحياتي