رابطة ملاك ومحبى السفينه فيات 132

[محمدصلاح القاضى]

المشاركة الأصلية كتبت بواسطة mohmadabdelazez انا حاسس ان المشاركات اصبحت اقل بكتير جداااااا اية اتحسد ولا اية لا عل المانع خير باذن الله تعالى

الناس موجوده على الفيس لسهولته
وعلى الجروب بتاع 132 برضه
دا https://www.facebook.com/groups/TheLoverOf132/

[saad_arch89]

السلام عليكم ياجماعه انا لسه مشترك جديد فى المنتدى وانا بحب الفيات 132 وانشاء الله هجيب واحده قريب بس اللى قدامى 1800 سىسى وهى اساسيتها سليمه جدا وموتورها لسه معمر اول تعميره بس فى مشكله فى العفشه وعلبه الدركسيون والسعر المطلوب فيها 14500 الف ايه رايكم ارجو الافاده

[أيمن الروبي]

المشاركة الأصلية كتبت بواسطة saad_arch89 السلام عليكم ياجماعه انا لسه مشترك جديد فى المنتدى وانا بحب الفيات 132 وانشاء الله هجيب واحده قريب بس اللى قدامى 1800 سىسى وهى اساسيتها سليمه جدا وموتورها لسه معمر اول تعميره بس فى مشكله فى العفشه وعلبه الدركسيون والسعر المطلوب فيها 14500 الف ايه رايكم ارجو الافاده

افضل موديلات ال 132 2000 او كداب 2000 ابتداء من موديل 77 لانهم اشيك وافضل لكن ال 1800 تجيبها لو حالتها شاذه وممتازه هاتها بس طالما بالسعر ده اشك انها تكون كويسه حاول تكشف علي حوضها كويس والركب بتاعتها تكون فابريكا والشنطه من جوه تكون رايقه ومش رشه وشوف صوت الابواب في الفتح والقفل
وربنا يكرمك بواحده نضيفه

[أيمن الروبي]

دلوقتي يا جماعه عندي الشكمان جاب اخره العلبه اللي ورا في الضياع والشكمان بينفس وطبعا كل شويه جوان الفرن يضرب فكنت عاوز اغيره وفي نفس الوقت مش عاوز اجيب الاستثماري لانه مش هيعمر برده ولا اي حاجه في السوق هتعمر
بس هشام الجزار قالي علي فكره شكمان كويسه ممكن تعيش قالي انزل هات ديفل هيبقي في حدود من 200 الي 300 جنيه واعمله ماسوره من عند المشترك لحد الديفل ورا بس قالي الصوت هيبقي حاجه جامده وقالي لو مش عاوز صوت ركبله فلتر وفي نفس الوقت مش هيقرفني زي الاستثماري والحاجات اللي في السوق قولولي في بقي افكار تانيه ممكن تتعمل

[hyundai 2005]

المشاركة الأصلية كتبت بواسطة أيمن الروبي دلوقتي يا جماعه عندي الشكمان جاب اخره العلبه اللي ورا في الضياع والشكمان بينفس وطبعا كل شويه جوان الفرن يضرب فكنت عاوز اغيره وفي نفس الوقت مش عاوز اجيب الاستثماري لانه مش هيعمر برده ولا اي حاجه في السوق هتعمر بس هشام الجزار قالي علي فكره شكمان كويسه ممكن تعيش قالي انزل هات ديفل هيبقي في حدود من 200 الي 300 جنيه واعمله ماسوره من عند المشترك لحد الديفل ورا بس قالي الصوت هيبقي حاجه جامده وقالي لو مش عاوز صوت ركبله فلتر وفي نفس الوقت مش هيقرفني زي الاستثماري والحاجات اللي في السوق قولولي في بقي افكار تانيه ممكن تتعمل

انا عامل كده في 128 بس الصوت عمرك ما حتتحمل خصوصا مكنه 132 خارجها اشد بكتير جداااااااا اكنك راكب طياره نفاثه بلا مبالغه
شوف الفيديو ده لحنفي

http://www.youtube.com/watch?feature...&v=k4znOswP9Qc
بس لو حطيت فلتر في النص حيبقي الصوت عادي جدا زي اي شكمان + شكل الشكمان حلو + عمر اطول طبعا