صيانة اكسيل مانيوال 1500 cc

[حسام البورسعيدى]

المشاركة الأصلية كتبت بواسطة waelsalah دائما متألق يا حسام ربنا يزيدك طيب بالنسبه للزحمه وجوه البلد امشي ازاى مع العلم انى فعلا مش بكبس بنزين خصوصا بعد النقله علطول

ربنا يعزك يا وائل باشا ..

بالنسبة للاستهلاك بتاعك انا شايف انه عالى شوية لكن مش للدرجة اللى تقلق يعنى ..

وخصوصا ان استهلاكك فى السفر ممتاز جدا ...

فأنا متوقع انك فى التفويلة اللى فاتت دى كنت ماشى فى زحمة شديدة وده طبعا شئ يزود الاستهلاك ..

كمان ممكن تكون متعود تسيب العربية دايره كتير وهى واقفة (زى الاشارات الطويلة مثلا - او انتظار حد - او او او)

حط كمان فى اعتبارك ان تسخين العربية بيسحب بنزين مش بيتحسب (لان العربية بتكون واقفة وعداد الكيلو متر مش بيحسب فى حين ان فى استهلاك بنزين) ...


وباذن الله لما تظبط الفتيس والدبرياج احتمال الاستهلاك يقل شوية كمان معاك (ده لو فى تفويت فى اسطوانة الدبرياج او تروس الفتيس ينتج عنه فقد للطاقة) ....

وليه بقا الاستهلاك عالى جوه اوى بالمقارنة بالسفر

لان اقل استهلاك للبنزين (فى العربيات العادية بتاعتنا) بيكون ما بين سرعة 90 تقريبا ...

ولان فى البلد انت كل شوية بتهدى وترجع تتسارع من تانى شواء فى الاشارات او المطبات او غيره .. والتسارع ده طبعا بيسحب بنزين كتير بالمقارنة لما تكون ثابت على سرعة معينة .. بتكون مشعر بس على البنزين بحيث العربية تثبت سرعتها .....

[waelsalah]

يعنى ما افكش الكربراتير واشوف البيكات
ولا اجرب تانى

*****طيب كتر التسخين بيهدر بنزين ( اجيب ترموستات الكوعه ولا مش هيفرق كتير )

وايه رايك فى النتشه اللى موجوده م عايا ع التانى اكتر ولكن على فترات متباعده
والميكانيكي قالى هتقعد معايا ساعه هظبطلك كهربا المكنه ؟
ده عيب كهربا ولا شئ اخر
ويارب منورنى علطول يا حس

[حسام البورسعيدى]

يعنى ما افكش الكربراتير واشوف البيكات ولا اجرب تانى

لا لا .. غالبا الكربيراتير سليم بدليل انك عملت 220 كيلو فى الصفيحة فى السفر وده استهلاك مثالى ...

*****طيب كتر التسخين بيهدر بنزين

( اجيب ترموستات الكوعه ولا مش هيفرق كتير )

لا يا عمنا العملية مش مستاهلة مش هتحس بفرق كبير لان التسخين (السلانسية) مش بيستهلك بنزين كتير ..

وايه رايك فى النتشه اللى موجوده م عايا ع التانى اكتر ولكن على فترات متباعده

ان شايف ان النتسة دى سببها هو نفس سبب موضوع هى هى هى هى اللى بتسمعه لما تشيل رجلك من على البنزين على الاول والتانى ..

وده احتمال كبير يكون من الفتيس زى ما العفشجى قال لك وفى احتمال يكون من طقم الدبرياج (ديسك واسطوانة) .. وفى الحالتين هى شغلانة واحده ...

والميكانيكي قالى هتقعد معايا ساعه هظبطلك كهربا المكنه ؟ ده عيب كهربا ولا شئ اخر

لو الموتور مظبوط معاك على السلانسية يبقى مش عيب كهربا ولا حاجة باذن الله ...

كل الاعراض اللى عندك دى اعراض فتيس ودبرياج ...

ويارب منورنى علطول يا حس

حبيب قلبى يا وائل باشا .. انتا تأشر بس واحنا علينا التنفيذ ...

[waelsalah]

ربنا يستر طريقك يا حسام ويوفقك يارب
هو التسخين ان اسيب العربيه شغاله ع السلانسيه من غير بنزين
ولا ازود بنزين ؟ بشغل الشفاط مثلا ؟
معلش اسئلة مبتدئين ؟ههههههه

[حسام البورسعيدى]

المشاركة الأصلية كتبت بواسطة waelsalah ربنا يستر طريقك يا حسام ويوفقك يارب هو التسخين ان اسيب العربيه شغاله ع السلانسيه من غير بنزين ولا ازود بنزين ؟ بشغل الشفاط مثلا ؟ معلش اسئلة مبتدئين ؟ههههههه

هههههههه طلباتك اوامر يا كبير

هو التسخين الصح انك تسيبها شغالة سلانسية بس .. لكن لما تقعد تدوس بنزين يبقى اهدار للبنزين بدون فايدة تذكر وكمان يفضل انك تسيبها تسخن على راحتها ...