ارشيف الاستراحة 2011

المشاركة الأصلية كتبت بواسطة atgps ياريت حضرتك تتأسف على الموضوع ده، يعنى حضرتك من حقك تغلط فى أهلى وناسى اللى فى التحرير ومش عاجبك أن حد يغلط فى أهلك وناسك اللى فى العباسية!!! هى ديه الحريه فى رأيك؟؟؟ وياريت يكون الأسلوب أرقى من كده

المشاركة الأصلية كتبت بواسطة lost2008 لهجة التهديد باستخدام قلة الادب ديه ممكن تعملها فى الشارع لكن هنا محدش حيسمحلك بكدة و العنوان مرفوض من اساسة و حنقول كل الى عاوزينة بمزاجك او غصب عنك.

انا اولا ارحب باراكم حتى لو مختلفة مع رايي
فعلا انا عملت الموضوع دا في لحظة غضب رهيبة بسبب المشاركات التالية
شوفوها وقولولي رايكم فيها...انا على فكرة زي ما اهلى وناسي الحقيقين في العباسية فاهل التحرير برضة اهلى ةناسي ومقدرش اطعن في ذمتهم وانا فسرت كلامي باني ماقدرش اغلط في التحرير بتاع يناير لكن بتاع نوفمبر له كلام اخر

المشاركة الأصلية كتبت بواسطة MmFFoR لما مظاهرة يدعو ليها عكاشة و ينظمها سبايدر!!!! عايز دليل؟؟ على ايه؟ على طبيعة مظاهرة العباسية؟

المشاركة الأصلية كتبت بواسطة MmFFoR ما هو طبيعي!!!هو انت فكرك ان كل اللي في التحرير شرفاء؟؟ و اذا كان في التحرير 90% شرفاء لازم تلاقي على الاقل 10% قابضين سواءا لاثارة شغب او لغيره!! لكن بتاع العباسية 90% قابضين و 10% نايمين في العسل

المشاركة الأصلية كتبت بواسطة MmFFoR مين اللي نزل يحيي المجلس العسكري اللي لسة قاتل 40 مصري بدم بارد؟ دا غير العشرات او المئات من اصيبوا بعاهات مستديمة؟ اي مؤيد لبلطجي او مجرم ما هو اللا منتفع او مستفيد و ان شاء الله حييجي يوم اعضاء المجلس كلهم حيبقى في قفص المحكمة زي ولي نعمتهم لاعطائهم اوامر بقتل مصريين مع سبق الاصرار او للتستر على بعض و بالنسبة للدليل : في ادلة متفرقة لكنها لا ترقى الى انها دليل مادي يدل على ان بالضبط 90% او 80% قابضين - و لكنها نتاج تحكيم اي عقل سليم

تعليق بسيط للاخ بتاع غصب عنك والله لو كلامك منطقي وعقلاني مش حافتح بقى لكن تسمع كلام وتردده بدون فهم ولا ادراك ارد عليك الكلمة عشرة كمان بس بأدب واحترام مش بقلة ادب

المشاركة الأصلية كتبت بواسطة khaabas والله انت جبت من الاخر لان فعلا دلوقتى اللى يبقى ضد التحرير يا اما فلول يا اما موش عارف ايه كما لو كان ميدان الملايكة اللى مبتغلطش والبلد بقت متقسمه فريقين فريق مع وفريق ضد وحاجة بقت تشل اللهم احفظ مصر من كيد الماكرين

يارب احفظها من ابنائها قبل اعدائها

المشاركة الأصلية كتبت بواسطة MIDO-SPICY ايه دا ؟؟؟؟ هو فيه حد بيغلط فى بتوع العباسيه يا أ / وليد ولا ايه ؟؟؟ شاورلى عليه بس ومالكش دعوه ... انت ماتعرفش انى عباساوى قديم ولا ايه ؟؟!! معلش معلش اصلهم مايعرفوش اللى فى شارع 10 والوايليه وغرب الاشلاق ممكن يعملوا ايه فى المنتدى :smileW 4: يا باشا هدى نفسك ... الموضوع مش مستحمل كل دا انا الحقيقه مش عارف انت بتتكلم عن ايه بالظبط ... بس ايا كان لا يستدعى ابدا انت تكون شخص غير اللى عرفناه من سنتين واكتر وهتلاقى فينا اللى بيقول كلام مش هنبقى راضيين عنه ولكن علشان ماتبقاش زى حد بيقول كلام لا يرضينا اما ان تتجاهل كلامه او انك تقدم شكوى للمنتدى خلى بتوع فض المنازعات يشتغلوا شويه وبعدين هو انت متخيل ان اللى كانوا واقفين فى ميدان العباسيه من منطقة العباسيه بس على كده بقى بتوع التحرير كلهم ساكنين فى عبد المنعم رياض وحتى لو اللى انت متضايق من كلامهم فاهمين كده ... كبر دماغك انت زى ما بتقول انك بترجع من الشغل تعبان وبتدخل المنتدى تروق دماغك يبقى ماتخليش اى حاجه تعصبك ولا اقولك .. سيبك من الناس دى وقوم بينا نوصل على ايجى توريست هناك الجو شاعرى ولسه منزل موضوع عن البحر والساحل الشمالى وحاجزلك هناك كرسى بشمسيه كبر دماغك

ربنا يخليك يا احمد باشا...نورتني وكلامك هداني كتير والعرض بتاع الساحل الشمالي دا روعه بس الدنيا شتا واخاف لحسن سهيلة وعبدالرحمن يبردو من الساقعة...ربنا يبارك فيك يا جاري العزيز

المشاركة الأصلية كتبت بواسطة د.كمال طب إهدى شويه ياأستاذ وليد .....هو انت من حى العباسيه ولا إيه لو انت من حى العباسيه خد عندك تحيه لشارع غرب القشلاق وشارع القبه الفداويه وشارع السوق تحيه لمستشفى الدمرداش وقسم الوايلى ومستشفى عين شمس تحيه للوايليه وعبده باشا والمستشفى اليونانى تحيه لكليه الشرطه وجامعه عين شمس وتحيه للأستاذ وليد ياجدااااااااااااااااااااا ااااااااااااع ههههههههههههههه

الله الله الله..حضرتك عرفت المعلومات الجغرافيا الدقيقة دي ازاي يا دكترة...مش ممكن مؤكد ليك قرايب هناك ...ممكن تعتبرهم زادو واحد وتديني الشرف دا ....نورتني وتحية جامدة لدكتور كمال ملك العريش وشمال سينا يا جدعععععععع
هههههههههههههههههههه

المشاركة الأصلية كتبت بواسطة khaabas بلاش تحية كلية الشرطة يا دكتور لحسن يتقال عليك فلول هههههههههههههههه

: 14FEAD~151:

المشاركة الأصلية كتبت بواسطة mf86 ياعم وليد لما تكون عايز تروق بالك متدخلش المنتدي ممكن تتغرف علي قناة فراعين وتشرب كنتالوب روووق بالك لتاخد ايقاف زي اخوك الصغير

ربنا يوفقك يا محمد باشا في الظروف الصعبة دي
انا مش عارف هتلاقيها من مين ولا مين
النار مفتوحة عليكم وعلينا من جميع الاتجاهات
سواء ولاد البلد واعدائها
ربنا يقدركو على الكوارث اللي حصليت واللي ربنا يستر من حدوثها

المشاركة الأصلية كتبت بواسطة د.كمال تحيه لكليه الشرطه ولكل رجال الشرطه غصب عنهم ميخافش من الشرطه غير البلطجى والحرامى

: 010104~171:

المشاركة الأصلية كتبت بواسطة ayman goda والمصيبه همه فاهمين ان حزب الكنبه مش فاهم حاجه باذن الله كل ده هيتلم بعد الانتخابات حزب الكنبه هو الوحيد اللى شعاره مصر اولا مصر فوق راس الجميع والان كل مناسبات التصويت على اى موضوع يخصهم على الانترنت لايزيد نصيبهم بالكتيررررررررررررررررررر عن 20 في المائه مكابره وصوت عالي وقله ادب و تحيا مصر وشعبها الطيب الغلبان ادعو الله ان يعود لنا الامن والامان ويبعد عنا الفتن

: CONGRA~238:

المشاركة الأصلية كتبت بواسطة Hazemomar و معلش لو كنت شفت حاجة ضيقتك ... ده انا اصلا نص اقاربي في احمد سعيد

ربنا يخليك على كلامك الجميل واشكرك علية من كل قلبي

المشاركة الأصلية كتبت بواسطة corsair يا عم وليد ايه بس في ايه انا اول مره اشوفك في الحاله ديه وبعدين صلي علي النبي كدا ومتشمتش بتوع المطرية فينا هههههههههههههههههههههههه وبعدين التريقة ديه في طبع اغلبية الشعب بس انا معاك انها بتقلب في الاخر بقلة ادب وزوق والكل بيتاخد في الرجلين يعني علشان توفيق عكاشه ولا اسبايدر ده جم العباسية يبقي كل اللي في العباسية زيهم لا طبعا وبردك لما الكلبة اللي اسمها علياء المهدي ديه كانت في ميدان التحرير هل كل البنات اللي هناك زيها لا طبعا يبقي في النهاية نوصل لنقطة واحده ان كل واحد فينا له رئيه وهو حر فيه بدون تجريح في الاخر وتخوين

عليه الصلاة والسلام...شكرا يا احمد باشا ربنا يبارك فيك

المشاركة الأصلية كتبت بواسطة SHABRO معلش يا استاذ وليد , زي ما حضرتك زعلان ان توفيق عكاشة وسبايدر والمعتوهين دول محسوبين على الشريحة اللي حضرتك تتبع الفكر منها , برضه الناس اللي تبع شريحة التحرير ميحبوش ان حد يتلزق ف الميدان , واي حد من الأسامي اللي حضرتك قلتها دي ميعنيش حاجة , ولا القايمة السوداء في حد ذاتها تهديد لاصحابها مش هناكلهم يعني , وبعدين حضرتك برضه وقعت في الغلطة بتاعت اللي في التحرير دول مش ثوار يناير وان دول مش عارف ايه , ودي النقطة اللي جبتلك الفيديو عشانها..... على فكرة انا ضد الأصوات اللي طالعة من التحرير بتطالب برحيل المجلس العسكري , بس في نفس الوقت مش راضي عن طريقة حكمه وتجاوزاته اللي اسوأ من ايام مبارك ,وعشان كدا انا مؤيد لضغط الميدان على الحكومة عشان دايما تفضل فاكرة ان الشعب مش هيسكت ولا هيهمه سلاح ولا بلطجة من الداخلية ولا غيره ... طبعا انا مش بحاول اقنعك ولا افرض على حد وجهة نظري بس الدم اللي بيسيل في التحرير ده يستحق اني ادافع عنه

: 010104~171:

[M.TONSY]

يا جماعة استهدوا بالله ومحدش ينساق ورا الاعلام الزبالة بتاعنا لان اللى فى التحرير والعباسية دول اهلن وحبايبنا وكلنا مصريين بلاش ننقسم ونفرح فينا امريكا واسرائيل ونبقى عاقلين ونفكر صح لان اللى فى التحرير والعباسية بيحبوا مصر بس كل واحد بطريقته بس فى الاخر الهدف واحد ... وحسبى الله ونعم الوكيل فى كل من يحاول اشعال الفتنة وتشتيت وحدة الصف المصرى
فارجوا من كل العقلاء والمثقفين الانتباه والحكمة وعدم الانسياق وراء الاعلام الفاسد والتعقل قبل اى تصرف ممكن ان يضر بمصلحة البلد فنحوا مصالحكم الشخصية وضعوا مصر اولا ... وشكرا لكل المصريين سواء كن فى التحرير او العباسية
وياريت تنزلوا الانتخابات بكرة وتختاروا الصح اللى فيه مصلحة البلد خلال المرحلة المقبلة ..... ولكم من ارق التحيات

المشاركة الأصلية كتبت بواسطة corsair يا جماعه يا ريت نهدي وبلاش ننساق وراء اعداء الوطن اللي عايزين يولعوها ويفرحوا فينا خلينا نبقي كويسين مع بعض ونتقبل النقد بدون تخوين وبلاش يبقي اسلوبنا هو فرض الرأي علي الرأي الاخر

: CONGRA~238:

المشاركة الأصلية كتبت بواسطة Eng/salwa السلام عليكم و رحمة الله و بركاته عاوزة اقول لكم جميعا ( صلوا على النبى ) و هو ده اللى عاوزينه اعداء مصر فى الداخل و الخارج وكده احنا بنحقق لهم مرادهم احنا هنا فى مصر موتورز نموذج مصغر لمصر الكبيرة و لازم تفضل مصر كبيرة باولادها و رجالها و جدعانها لا نخطئ فى بعض و لا نعتدى على بعض بالقول او بالفعل فين جدعنة المصريين اللى لما حد يطلب منه الاغاثة يجرى و يساعد يا جماعة ارجوكم تماسكوا (ان مع العسر يسرا ) و لازم نكون قد التحدى و قد الاختبار كلنا مصريين ( فى التحرير - فى العباسية - فى مصطفى محمود - فى كل ميادين مصر ) كل واحد حر فى وجهه نظرة بس بدون ما يجرح احد و لا يتعدى على حرية احد و لكن باخلاق المصريين الجدعان ذوى اللسان الحلو و اللى يأخذوا حقهم بالادب بدون شك كلنا ضد العنف و ضد قمع التظاهرات بالقوة و القتل و لكن ايضا المظاهرات لا تعنى تخريب البلد و الاعتداء بالشتائم على الجيش و الشرطة و تكسير وحرق وتخريب و حجر على حرية ابداء الراى للآخرين و الا اين الديمقراطية التى ننادى بها و الا صدق القول الذى قيل قبل ذلك اننا غير مؤهلين للديمقراطية التى ننادى بها اللى فى العباسية دول برضة مصريين و من حقهم ابداء رايهم و هم لم يقولوا بقاء المجلس العسكرى للابد بل تحدد جدول زمنى للانتخابات و تسليم السلطة و لكن بدون خداع و ضحك علينا لاننا اصبحنا مش عبط و مش هنسكت على خداعنا تانى و لكن بالادب و بالاحترام و بدون تخريب البلد ارجوكم كلكم كفاية مشاحنات و اختلافات و جدالات يكفينا غضب من الله سبحانه و تعالى البلد قاربت من حروب اهلية و العياذ بالله ربنا يسترها و كل ده يؤدى الى خراب خرااااااااااب شوية ايمان بالله و صبر و ان شاء الله سيكشف الله هذه الغمة و يرفع عنا البلاء اللهم ارفع البلاء عن امتى يارب اللهم سلم مصر من كل شر اللهم ابعد عنا شياطين الانس و الجن اللهم اعبر بمصر هذه المرحلة على خير اللهم لا تشمت فينا اعداءنا آآآآآآآآآآآآآآآآآآآآآآآآآ آآآآآآآآآآميييييييييييييي ييييييييييييييييين كلكم مصريين و اخوة فكونوا متحابون

عليه الصلاة والسلام...كلام حضرتك يا باشمهندسة سلوي موزون ومحترم ولا غبار علية وارجو من كل الاعضاء قراءته وفهمة جيدا واشكرك على مشاركتك الجميلة

المشاركة الأصلية كتبت بواسطة ahmed_eng2001 السلام عليكم اسلوب حضرتك هجومى جدا , و لا اعتقد اننا نستحق منك الهجوم ده و لا اللهجة دى , رفقا بينا يا اخى , و بالراحة علينا شوية

والله ابدا اسلوبي كان دفاعي بحت يمكن بعصبية شويتين ,,,بس انا اعتذر لحضرتك لو اتضايقت منى

المشاركة الأصلية كتبت بواسطة د.كمال ياجماعه ....هى لحظه غضب وإنفعال والشيطان كان شاطر الأستاذ وليد عمره مغلط فى حد .....وواجب علينا نهديه ونتفهم موقفه ولانحكم عليه فى لحظه ضيق و الشيطان فيها كان شاطر .

ربنا يعزك ويبارك فيك يا دكتور وكلامك فوق دماغي من فوق واللهم اخذيك يا شوشو

المشاركة الأصلية كتبت بواسطة nktis استهدي بالله يا ا. وليد... وروق كدا وفرفش ومين بس يقدر علي الخطا في اهلك او زويك ... للاسف المشكله في توفيق عكاشه والناس فاهمه انه صاحب الراي في العباسيه وهو ولا شيء...

تسلملي دكتور نوح واشكرك على مشاعرك الجميلة بس اللي حرق دمي انهم اختزلو العباسية في الاراجوز عماشة عكاشة هو والكابتن سبايدر ...شكرا